IMAMAT 11:13 - Alkitab Singog In Mongondow Masa In Tanaa

^13-19 Kon sigad in ḷagapan mita, inta moiduduimai naa inta diá motaau kaanon sin monajis in: ḷagapan boniá, ḷagapan monikuḷu, bayongan ḷagapan boniá, ḷagapan nasar, kawag, ḷagapan unta, camar, blekok bo ḷagapan mita bangow, undan, ḷagapan kasa bo poniki.

IMAMAT 11:13 ပူးပေါင်းရင်းမြစ်များ

AYUB 28:7

Ḷagapan boniá diábí nonotaau in daḷan mopobayá intua, bo ḷagapan mokokaan kon tapú diápa kon dodai in onda in iḷumayug kon ḻimonikannea.

AYUB 38:41

Ki ine in motuḷung kon ḷagapan kawag inta gogoyon bo inta ḷumayug magí-mako motayak kon kaanon? Ki ine doman in motuḷung aka ki adínea mita momaḷú kon i-Nakó moigum kon kaanon?

YEREMIA 4:13

Indoiai, musung in moitukat ná goḷom. Kereta mita in parangnea in naonda bo deḷang, kabaḷonea mita in moḻika-ḻikat nongkon ḷagapan boniá. Ado, mobodito in kita! Moputú in kita!

YEREMIA 4:22

Ki Tuhan in noguman, “Mobodok totok in umat-Ku tatua, mosia in diábí nonotaau kon i-Nakó. Mosia in naonda bo mongoadí mita inta pamandot diábí in topiḻikmai in pomomangaḻe; mopandoi in mogaid kon inta moraat, diá mokoaid kon inta mopia.”

YEREMIA 48:40

Ki Tuhan in noguman, “Naonda bo ḷagapan boniá nondagit takin koḻikip nosongká, natuata in bangusa tobatú in mamangoi bo mondagit kon Moab.

OMBAḶ 4:19

Mogogaḷow kon inami in totokbí in moḻikat koḻikatnea in noiḻiu kon ḷagapan boniá. Mosia in nondudur kon inami kon buḷud, bo noḷabot kon inami kon padang gurun.

HOSEA 8:1

Ki Tuhan in noguman, “Posingogdon in tomponuot in anib! Musung in nonubu kon butá-Ku naonda bo boniá nonampí kon kaanonnea! Umat-Ku in iḻimimpat kon dodandian-Ku takin i monia, bo noḷawang kon totundú-Ku mita.

HABAKUK 1:8

Kabaḷonea in moḻika-ḻikat in macan tutul, bo moromu-romú nongkon serigala inta gogoyon. Tontaranea mita inta tumakoi kon kabaḷo in mamangoi nongkon butá mita moyayú; mosia in mamangoi naonda bo boniá inta mondagit kon kokaanonnea.

ZAKHARIA 5:9

Akuoi in iḷumangag monik bo nokoontong kon bobay doyowa iḷumayug mangoi kon inakó. Mosia in kokoḻikipan moroton naonda bo koḻikip in bangow. Karansi koina in ginamá monia bo dinia iḷumayug.

MATIUS 24:28

Kon onda oyúon mahaḷuk minatoi, kon tua doman in ḷagapan mokokaan kon mahaḷuk minatoi moyosipun.”

TITUS 3:3

Sin koḻipod in kita tontaní in nobodokbí doman, diá noitutui bo diá motoindudui. Kita sinonggata in norupa-rupamai in ibog in awak naa ande in dunia naa; kita in noyobiag takin niat mita inta moraat, tantú mointoi bo mososaturuan.