IMAMAT 10:4 - Alkitab Singog In Mongondow Masa In Tanaa

⁴ Onda intua ki Musa nogoiní kon i Misael bo kon i Elsapan, ki adí mita i Uziel, inta pokuamáan i Harun. Ki Musa in noguman kon i monia, “Koḻigaidon kon naa bo gamádon in mayat i utat monimu nongkon Ḷoḷaigan i Tuhan bo ukatdon kon ḷuai in ḷoḷaigan.”

IMAMAT 10:4 ပူးပေါင်းရင်းမြစ်များ

TAWARIKH 1 6:2

Ki Kehat in kogadí kon adí ḷoḷaki opat: ki Amram, ki Yizhar, ki Hebron bo ki Uziel.

IḶUAIAN 33:7

Pomuḷoi mako, aka bangusa Israel mononḷoḷaigan, ki Musa mogamá kon Ḷoḷaigan bo posindogonnea koḻin yayúon nongkon ḷoḷaigan mita monia. Ḷoḷaigan tatua sinangoian Ḷoḷaigan i Tuhan, bo ki ine in moibog moigum kon tonggina i Tuhan, mayá intua.

IḶUAIAN 6:18

Ki Merari kogadí kon adí ḷoḷaki doyowa: Ki Mahli bo ki Musi. Tuata in inanakan in suku Lewi takin buí mita monia.

IḶUAIAN 6:22

Ki Harun notonibuḷoi i Eliseba, ki adí bobay i Aminadab; ki Eliseba in mogutat doman i Nahason. Ki Eliseba nopononggadí kon i Nadab, Abihu, Eleazer bo kon i Itamar.

LUKAS 7:12

Naonda in mosia nodiugdon kon ngara in kotá tatua. Mosia noyodungkuḷ in intau mita inta nobuḻig kon minatoi sin poḷuai in kotá. Intau minatoi tatua in adí ḷoḷaki, adí tuḷong in intau inta boba-bobay. Nobarong intau in nongkon kotá tatua in dinumudui kon i iná in adí tatua.

OUMAN IN RASUL MITA 5:6

Bo tongonumai in tayowmobiag in namangoi bo nobakut kon mayat i Ananias tatua, bo binuḻigan monia pinoḷuai sin bayáan ḷobongon.

OUMAN IN RASUL MITA 8:2

Bayongan in intau inta mongoondok kon i Allah noḷobong kon i Stepanus bo totok monia inuangan in sia.