IMAMAT 10:3 - Alkitab Singog In Mongondow Masa In Tanaa

³ Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

IMAMAT 10:3 ပူးပေါင်းရင်းမြစ်များ

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

AYUB 2:10

Tubag i Ayub, “Iko nion in mosingogbí naonda bo intau dondunguḷ! Umpaka yo tongábí in kita moibog motarima kon onu inta mopia nongkon i Allah, bo inta diá mopia in diábí tarimaan naton?” Dá, umpakabí in ki Ayub kinoantugandon in bayongan bodito tatua, diábí in sia nopoyaput in tosingogon moḷawang kon i Allah.

MAZMUR 119:120

Akuoi in mourot popisí in moondok kon ini-Mu, ginaku in moondok kon atorang-Mu.

MAZMUR 148:14

Sia in noginropotdon kon bangusa-Nea, dá Sia in dinayo-dayowdon in umat-Nea, Israel, umat inta totok in kinotabi-Nea. Dayowdon in ki Tuhan!

MAZMUR 39:10

Akuoi in kibio-biómai bo diá mobuká kon bibig, sin Ikobí in nosambok kon inakó.

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

MAZMUR 46:10

Sia in nopogogai in parang kon sinangkub in dunia, piot bo pandong irimumud-Nea, kaḻeaw noḻimbung in sinubá-Nea.

MAZMUR 89:7

Kon ḷangit diábí in ná Iko, o Tuhan, diábí in mahaḷuk in soroga in mokotongkai kon ini-Mu.

MAZMUR 93:5

Tuhan, hukum-Mu in mononoi, Baḷoi-Mu in motusi kinoouput in dunia.

IḶUAIAN 14:17

Potogaton-Ku in gina Intau in Mesir bá umuran aḷowan monia in intau in Israel, bo poontong-Kudon in kawasa-Ku kon i datu in Mesir, kon tontaranea, kon keretanea mita bo mododianea.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 19:22

Nodapot in imang mita inta moibog dimiug kon i-Nakó, musti mondarit kon awak; aka diá, yo mosia in hukumon-Ku.”

IḶUAIAN 19:24

Tubag i Tuhan, “Posiḻigdon, bo buidon angoi in naa takin ki Harun. Táe imang mita bo rayat mita in diábí motaau in ḻimimpat kon tomboinig sin mamangoi kon i-Nakó. Aka mosia ḻimimpat, yo hukumon-Ku in mosia.”

IḶUAIAN 30:30

Toguḷuai in ḷana in ki Harun bo ki adínea mita sinbá mosia in duíondon imang inta mogaid kon oaidan-Ku.

YESAYA 39:8

Ki Datu Hizkia in notubag, “Mopia doman in koyow i Tuhan inta pinotaaumu kon inakó.” Sia in notubag natua sin irainea: “Asaḷ bo dodatuanku in umuran moaman bo modame kon bonu in akuoi mobiagpa.”

YESAYA 49:3

Guman-Nea kon inakó, “Ikobí in mogogundoi-Ku; Akuoi in poḷantudonbí popisí in iko.”

YESAYA 52:11

Bayádon! Taḷaaidon in kotá in Babel, ei moiko inta nodia kon pakakat mita in Baḷoi i Allah! Dikadon moḻiai kon pakakat inta nonajis: potusidon in awakmu kon dodai in diápa mobuat.

YEHEZKIEL 20:41

Naonda in moiko diaan-Ku ḷumuai nongkon butá mita inta pinoporaritan kon i monimu, sipunon-Ku in moiko bo motarima kon bayongan in kuruban payongonmu. Dá kotaauandon in bayongan in bangusa kon Akuoi naa in ki Allah inta Totok in mokudus.

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.

YEHEZKIEL 38:16

Bo sinubumu in umat-Ku Israel naonda bo deḷang nondangat kon dunia. Aka wakutunea moiangoidon, iko in potabá-Ku sin mongawasa kon butá-Ku. Takin aid-Ku pongin inimu, ei Gog, bayongan bangusa in monotaaudon mongo ki ine in Akuoi, tuata in ki Allah inta motusi.

YEHEZKIEL 40:46

bo los inta noitayow kon utuan sinadia kon imang mita inta mopobayá in oaidannea kon mezbah. Bayongan in imang tatua musti nongkon buí mita i Zadok. Sin nongkon suku i Lewi tongábí buí i Zadok in motaau mayá tumayow kon i Tuhan sin mogundoi kon i-Nia kon ibada.

YEHEZKIEL 42:13

Ḷoḷaki tatua in noguman kon inakó, “Baḷoi doyowa tatua in motusi. Kon tua, imang mita inta motaau tumayow kon koangoian i Tuhan, mokaan kon kuruban mita inta totok in motusi. Kon tua in musti doman pogukatan kon kuruban mita inta totok in motusi, tuata: kuruban gandum bo kuruban potobut kon dosa andeka kuruban toḻiu in karugian.

IMAMAT 21:15

Aka sia ḻimimpat kon atorang tatua, dá ki adínea mita inta sabanarnea motusi, mobaḻídon nonajis. Akuoi in ki Tuhan bo Akuoi nopotondídon kon inia nobaḻí Imang Moḷoben.”

IMAMAT 21:17

mopotaau in naa kon i Harun, “Intau tobatú buímu inta awaknea nobogit diábí motaau in moposumba in kuruban kaanon kon i-Nakó. Tua in musti umuran pakéon modapot kon adí bo ompu.

IMAMAT 21:21

Bayongan buí i Imang Harun inta nobogit in awaknea diábí motaau moposumba in kuruban kaanon kon i-Nakó.

IMAMAT 21:6

Sia in kapunyaan-Ku inta ain sinantú-Ku bo diábí motaau in sia moporaatmai kon tangoi-Ku. Sia in moposumba in kuruban kaanon kon i-Nakó, dá sia in mustibí motusi.

IMAMAT 21:8

Musti akúon in bangusa Israel kon imang tua in intau inta ain sinondí kon i-Nakó sin sia moposumba in kuruban kaanon kon i-Nakó. Akuoi in ki Tuhan; Akuoi naa in motusi bo Akuoi mopotusi kon umat-Ku.

IMAMAT 22:9

Bayongan imang musti dumudui kon atorang mita inta inogoi-Ku. Aka diá dumudui, yo moitaḷádon in mosia bo matoi, popisí in noḷawangdon kon atorang mita inta motusi tatua. Akuoi in ki Tuhan, bo Akuoi naa inta ain nonantú kon i monia mobaḻí mogogundoi-Ku.

IMAMAT 8:35

Kon bonu in pitu nosinggai, singgai bo doḷom, moiko musti mogutun mako kon tayowon ngara in Ḷoḷaigan sin mogaid kon onu inta parentaan i Tuhan. Aka diá aidan monimu, yo matoi in moiko. Tuata in pinotaau i Tuhan kon inakó.”

PINOGIAPAN 16:5

Bo sia in noguman kon i Korah bo dumoduduinea mita, “Ikoḷom doḷo-doḷom ki Tuhan in mopoontongdon kon i naton mongo ki ine in kapunyaan-Nea, bo ki ine inta sinondí kon i-Nia. Intau inta piḻíon-Nea tua in motaau dimiug kon i-Nia.

PINOGIAPAN 20:12

Táe ki Tuhan nonoboḷow kon i Musa bo kon i Harun, kai-Nia, “Popisí in moiko diá totok mopirisaya kon i-Nakó moponiata in kawasa-Ku inta motusi kon tayowon in bangusa Israel, dá moiko in diábí mobaḻí itoi inta motaau modia kon i monia tumuot kon butá inta pinodandi-Ku kon i monia.”

MATIUS 10:37

Ki ine in motabi kon i amánea andeka kon i inánea moiḻiu kon tabinea kon i-Nakó sia tua in diá patus mobaḻí dumodudui-Ku. Natua doman ki ine in motabi kon i adínea ḷoḷaki andeka bobay bo moiḻiu kon tabinea kon i-Nakó, sia doman tua in diá patus mobaḻí dumodudui-Ku.

YOHANES 12:28

Amá, pomuliadon in tangoi-Mu!” Dá kinodongogandon in singog nongkon soroga in noguman, “Aindon pinomulia-Ku, bo buipabí doman pomuliaan-Ku.”

YOHANES 14:13

Bo onukabí in poigumon monimu podoyon kon tangoi-Ku, aidan-Kubí intua kon i monimu, sinbá ki Amá in pomuliaan pongin i Adí.

ULANGAN 32:51

Kamunda in diá motoindudui kon i-Nakó bo diá nohoromat kon i-Nakó kon tayowon in bangusa Israel kon dodai in moiko kon bokaká in Meriba, kon diug in kotá Kades, kon padang gurun Zin.

TESALONIKA 2 1:10

tua komintan in mobaḻí kon singgai koangoian-Nea kon wakutu in poḷantudon in umat-Nea in Sia bo horomaton in bayongan intau inta mopirisaya kon i-Nia. Moiko nion in moyotakinbí doman in umat mita i Allah tatua sin moiko in nopirisaya kon habar inta pinoyaput nami kon i monimu.

PETRUS 1 4:17

Sin naa bidon wakutu i Allah momangkoi mohakim kon dunia naa. Bo umatbí i Allah inta muna-munamai hakimon. Dá aka kita inta mopirisaya bo hakimon doman, yo onu in mobaḻí kon i monia inta diá mopirisaya kon Habar Mopia nongkon i Allah tua?

SAMUEL 1 2:30

Akuoi, ki Tuhan Allah in Israel, koḻipod ain nodandi, kon motoḷuadímu bo bui inanakanmu in mogundoi kon i-Nakó mobaḻí imang mononoi. Táe tanaa in kinodoí-Kudon intua! Sin ki inta mohoromat kon i-Nakó in horomaton-Kubí táe inta mopoonagmai kon i-Nakó, in pokoonag-Kubí doman.

SAMUEL 1 3:18

Dá pinotaaudon komintan i Samuel kon i Eli intua. Diábí tobatúmai in binuninea. Onda intua ki Eli nogumandon, “Sia in ki Tuhan, pomayádon mako in Sia mogaid kon onu inta inanggap-Nea mopia.”

SAMUEL 1 6:20

Bo intau mita in Bet-Semes noguman, “Ki inebí in mokotahang kon tayowon i Tuhan, Allah Inta Motusi tua? Kon onda in pogatodan naton kon poti tatua sinbá moiyayú kon i naton?”