IMAMAT 10:15 - Alkitab Singog In Mongondow Masa In Tanaa

¹⁵ Páa inta kon sosumba pinonangoi bo dodob inta kon sosumba sinonoi tatua musti diaan poyotakinon in ḷongó inta baḻíon kuruban tubáan mobaḻí sosumba ponangoi kon i Tuhan. Tua mita in nobaḻíbí silaimu bo i adímu mita dapot kon ompu mita, ná inta ain pinotaau i Tuhan.”

IMAMAT 10:15 ပူးပေါင်းရင်းမြစ်များ

KINOBAḺIAN 13:15

Akuoi in mobogoi kon inimu bo kon buímu in bayongan butá inta inontongmu tua sinbá mobaḻí kapunyaanmu mononoi.

KINOBAḺIAN 17:13

Pomuḷoi intau in musti toiton, bo tua in mobaḻí tanda kon awak inta moposimantag kon dodandian-Ku tua in mononoi.

KINOBAḺIAN 17:17

Bo dinumokódon in ki Abraham, táe kinumosing in sia kon dodai in norai kon bonu in ginanea, “Degá mokouḻípa kon adí in ḷoḷaki inta umurdon mogatut notaong, bo degá kumaanpa kon akaḷ in ki Sara inta ain umur siow nopuḷú notaong bo mononggadípa?”

KINOBAḺIAN 17:8

Akuoi in mobogoibí kon inimu bo kon buímu in butá tanaa, inta pinogutunanmu tanaa mako saḷaku intau ango-angoi. Bayongan butá in Kanaan in mobaḻíbí kapunyaan mononoi i adí bo i ompumu bo Akuoi in mobaḻí ki Allah monia.”

IḶUAIAN 29:27

Kon bonu in upacara poduían kon imang tatua, dodob bo paa in domba koḷakian inta pinaké kon bonu in upacara tatua musti posumba mobaḻí sosumba potamad kon i-Nakó bo poyotondíon nongkon silai in imang mita.

IḶUAIAN 29:28

Naadon in simpod in singog-Ku inta diá motaau baḷuian: Kon dodai in umat-Ku mamangoi moposumba in kuruban dodamean, dodob bo paa in biag tatua in nobaḻí silai in imang mita. Tuata in sosumba in umat-Ku kon i-Nakó.

IMAMAT 2:3

Kiagat in kuruban sosumba tatua in ogoidon kon imang mita. Kuruban tatua motusi totok sin ginamá nongkon kaanon inta ain pinosumba kon i Tuhan.

IMAMAT 3:17

Intau in Israel diábí motaau mokaan kon ḷongó ande dugú. Atorang tatua pakéon dapot kon adí bo ompu monia bo musti duduian in bayongan intau Israel kon ondaka in pogutunan monia.

IMAMAT 7:34

Dodob bo páa koḷanan in nobaḻí oogoi husus inta ginamá i Tuhan nongkon sosumba sinonoi in bangusa Israel bo ogoi kon imang mita. Tuata in umuran mobaḻí pinononsilai in bangusa Israel kon imang mita.

PINOGIAPAN 5:9

Nongkon onukabí inta pinosumba in intau Israel kon i Tuhan, sosumba pinonangoinea tatua nobaḻí silai in imang inta notarima kon sosumba tatua.