IMAMAT 10:14 - Alkitab Singog In Mongondow Masa In Tanaa

¹⁴ Táe iko bo ki adímu mita ḷoḷaki bo bobay motaaubí in mokaan kon dodob in mahaḷuk inta nongkon sosumba inta sinonoi bo páa nongkon sosumba inta pinonangoi. Tuata in silai in imang mita nongkon kuruban dodamean in bangusa Israel. Motaaubí kaanon monimu intua kon bayongan tampat inta diá monajis.

IMAMAT 10:14 ပူးပေါင်းရင်းမြစ်များ

IḶUAIAN 29:33

Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

YEHEZKIEL 42:13

Ḷoḷaki tatua in noguman kon inakó, “Baḷoi doyowa tatua in motusi. Kon tua, imang mita inta motaau tumayow kon koangoian i Tuhan, mokaan kon kuruban mita inta totok in motusi. Kon tua in musti doman pogukatan kon kuruban mita inta totok in motusi, tuata: kuruban gandum bo kuruban potobut kon dosa andeka kuruban toḻiu in karugian.

IMAMAT 10:13

Roti tatua musti kaanon kon tampat inta motusi, sin nongkon kaanon inta pinosumba kon i Tuhan, roti tatua in nobaḻí silaimu bo i adímu mita inta ḷoḷaki. Tua in parenta i Tuhan kon inakó.

IMAMAT 22:13

Táe ki adí i imang inta nobaḻídon boba-bobay ande inta ain ginaat takin diá kogadí bo nobuidon mangoi kon baḷoi amánea poḷat domandon nobaḻí tanggungannea, yo motaaudon in sia mokaan kon silai i amánea. Tongábí motoḷuadí i imang in motaau mokaan kon sosumba tatua.

IMAMAT 9:21

Dodob bo páa koḷanan in mahaḷuk tatua pinosumbanea nobaḻí sosumba tonoion kon i Tuhan. Tua in nobaḻí silai in imang mita, ná inta ain pinoguman i Tuhan kon i Musa.

PINOGIAPAN 18:11

Bayongan sosumba inta ain sinantú ibanea inta pinosumba in intau in Israel kon i-Nakó, tua in kon inimu doman. Ogoi-Ku intua kon inimu bo kon i adímu ḷoḷaki bo bobay mita. Atorang tatua in musti umuran diaan modapot kon adí bo ompu. Bayongan tombonu in baḷoi inta diá nonajis motaaubí mokaan kon tua.

PINOGIAPAN 5:9

Nongkon onukabí inta pinosumba in intau Israel kon i Tuhan, sosumba pinonangoinea tatua nobaḻí silai in imang inta notarima kon sosumba tatua.

YOHANES 4:34

Ki Yesus in noguman, “Kaanon-Ku naa in dumuduibí kon onu inta kinoibog i-Nia inta nopotabá kon i-Nakó, bo moginḷapat kon oaidan inta pinoki aid-Nea kon i-Nakó.