IMAMAT 10:13 - Alkitab Singog In Mongondow Masa In Tanaa

¹³ Roti tatua musti kaanon kon tampat inta motusi, sin nongkon kaanon inta pinosumba kon i Tuhan, roti tatua in nobaḻí silaimu bo i adímu mita inta ḷoḷaki. Tua in parenta i Tuhan kon inakó.

IMAMAT 10:13 ပူးပေါင်းရင်းမြစ်များ

YEHEZKIEL 42:13

Ḷoḷaki tatua in noguman kon inakó, “Baḷoi doyowa tatua in motusi. Kon tua, imang mita inta motaau tumayow kon koangoian i Tuhan, mokaan kon kuruban mita inta totok in motusi. Kon tua in musti doman pogukatan kon kuruban mita inta totok in motusi, tuata: kuruban gandum bo kuruban potobut kon dosa andeka kuruban toḻiu in karugian.

IMAMAT 10:12

Ki Musa noguman kon i Harun bo kon i adínea mita inta ki Eleazer bo ki Itamar, “Pogamádon kon gandum inta ki agat in kaanon inta pinosumba kon i Tuhan. Nongkon topong tatua pogaidaidon kon roti inta diá ragian, bo kaandon intua kon sí in mezbah, sin kuruban tatua totok in motusi.

IMAMAT 10:14

Táe iko bo ki adímu mita ḷoḷaki bo bobay motaaubí in mokaan kon dodob in mahaḷuk inta nongkon sosumba inta sinonoi bo páa nongkon sosumba inta pinonangoi. Tuata in silai in imang mita nongkon kuruban dodamean in bangusa Israel. Motaaubí kaanon monimu intua kon bayongan tampat inta diá monajis.

IMAMAT 2:3

Kiagat in kuruban sosumba tatua in ogoidon kon imang mita. Kuruban tatua motusi totok sin ginamá nongkon kaanon inta ain pinosumba kon i Tuhan.

IMAMAT 6:16

Topong inta ki agatnea musti aidan roti inta diá ragian bo kaanon in imang mita kon tampat inta ain sinantú, inta kon bosí in Ḷoḷaigan Tuhan. Tuata in nobaḻí silai in imang mita inta inogoi i Tuhan kon i monia nongkon kuruban kaanon. Kaanon tatua motusi totok, naonda bo kuruban potobut kon dosa bo kuruban toḻiu in karugian.

PINOGIAPAN 18:10

Tua in motusi kon inimu, dá musti kaanon doman monimu kon tampat inta motusi. Tongábí ḷoḷaki in motaau mokaan kon tua.

PINOGIAPAN 5:10

Onu inta pinosumba in intau tobatú kon i Tuhan, in nobaḻíbí silai in intau tatua. Tongá onu inta ain inogoi kon imang tobatú, in nobaḻí bidon silai i imang tatua.