IMAMAT 10:10 - Alkitab Singog In Mongondow Masa In Tanaa

¹⁰ Moiko in mustibí motaau mopoyoposi kon inta sinantú kon i Allah bo inta diá sinantú, inta nonajis bo inta diá nonajis.

IMAMAT 10:10 ပူးပေါင်းရင်းမြစ်များ

YEREMIA 15:19

Ki Tuhan in notubag, “Aka iko in mobui, yo takinan-Kubí in iko. Iko in mobaḻídon bui mogogundoi-Ku. Aka iko in mopotaau kon inta oyúon in mangaḻenea bo deeman uboḷ, dá iko in motaau mobaḻí nabi-Ku bui. Intau mita in buibí mamangoi kon inimu, bo diá bidon paraḷu in iko mayá kon i monia.

YEHEZKIEL 22:26

Imang mita in Israel iḻimimpat kon hukum-Ku mita bo nokokotor kon pakakat mita inta ain sinantú-Ku kon i-Nakó. Diá bidon pinoyoposi monia onda in motaau bo onda in diá motaau. Mosia in diá doman notundú kon rayat mopoyoposi kon onu in modarit bo onda in nonajis podudui in atorang in agama. Mosia in diá bidon mopandungmai kon singgai in Sabat. Aid monia natua in pinoningkuḻebí in bangusa Israel kon i-Nakó.

YEHEZKIEL 44:23

Imang mita in mustibí motundú kon umat-Ku sinbá kotaauan monia in mopoyoposi kon onda inta ain sinantú kon i-Nakó bo onda in deeman, onda inta nodarit podudui in agama bo onda inta nonajis.

IMAMAT 11:47

Moiko in musti motaau mopoyoposi inta modarit bo inta nonajis, kon sigad in mahaḷuk inta motaau kaanon bo mahaḷuk inta diá motaau kaanon.

IMAMAT 13:43

Ki imang musti monaridi kon intau tatua, bo aka totuu kon oyúon in tumbobog nobudó mosimpuya,

IMAMAT 14:57

Atorang mita tatua mangaḻenea monantú mongo barang tobatú ande intau nodarit mongo diá.

TITUS 1:15

Bayongan in yagi-yagi in nodaritbí aka kon intau mita inta nodarit in raian. Táe aka kon i monia inta raian mokotor bo inta diá mopirisaya kon i Tuhan, yo diábí in tobatúmai in modarit, sin raian bo gina monia in komintan domandon mokotor!