IMAMAT 1:4 - Alkitab Singog In Mongondow Masa In Tanaa

⁴ Bo sia in musti mopoukat in ḻimanea kon uḷu in biag tatua, dá sosumbanea in tarimaan i Tuhan mobaḻí pongampung kon dosanea.

IMAMAT 1:4 ပူးပေါင်းရင်းမြစ်များ

IḶUAIAN 28:38

Ḷambá buḷawan tatua musti pakéon i Harun kon pogotnea sinbá Akuoi, ki Tuhan, moibog motarima kon bayongan in sosumba inta dinia intau Israel kon i-Nakó, umpaka kon dodai in mosia nodia kon sosumba tatua mosia ain nogaid kon inta noitaḷá.

IḶUAIAN 29:10

Onda intua sapi koḷakian tatua musti diaanmu kon tayowon in ḷoḷaigan-Ku. Ki Harun bo ki adínea mita musti mopoukat in ḻima monia kon uḷu in biag mita tatua.

IḶUAIAN 29:15

Moiduduimai kon tua gamádon in domba tobatú nongkon domba koḷakian tatua. Ki Harun bo ki adínea mita musti mopoukat in ḻima monia kon uḷu in biag tatua.

IḶUAIAN 29:19

Gamádon in domba koḷakian inta tobatú, domba inta pinaké kon upacara pinoduían kon imang. Pogumandon kon i Harun sinbá sia takin ki adínea mita mopoukat in ḻima monia kon uḷu in biag tatua.

IḶUAIAN 29:33

Mosia in musti mokaan kon kaanon inta pinokuruban kon upacara pongampungan kon dosa kon tungkuḷ in pinoduían kon imang. Tongábí imang in motaau mokaan kon kaanon inta sinantú kon i-Nakó tua.

YESAYA 56:7

“Moiko in diaan-Kubí mayá in Sion, mayá in tombuḷud-Ku inta motusi, bo ogoian-Ku in ḷunganga in gina kon Baḷoi pooibadaan-Ku. Kuruban mita inta pinosumba monimu kon mezbah-Ku in tarimaan-Kubí. Baḷoi-Ku in tangoionbí baḷoi pososambayangan in bayongan bangusa.”

DANIEL 9:24

Pitu pokali kon pitu nopuḷú notaong in sempo inta ain sinantú i Allah sin mopoḷuat kon bangusamu bo kotámu inta motusi tatua nongkon dosa bo aid moraat. Bayongan in dosa in ampunganbí bo kooadil inta mononoi in posindogonbí, dá oontongon bo toḻindap tatua in moniatadon, bo Baḷoi Tuhan inta motusi tatua in posumba bui kon i Tuhan.

IMAMAT 16:21

Ḻimanea musti poukatnea kon ḻimonik in uḷu in bembé tatua poḷat mongaku kon bayongan taḷá, dosa bo ḷawang in bangusa Israel. Natuata in pomomamping kon bayongan taḷá in bangusa Israel kon tudu uḷu in bembé tatua. Bo intau tobatú inta ain sinantú musti moguntun kon bembé tatua pobayá in padang gurun.

IMAMAT 16:24

Bo sia musti moinggú kon tampat tobatú inta ain sinantú bo moḷutúdon bui kon pakeangnea tontaní. Mopaḷut mako kon tua sia musti ḷumuai bo moposumba in kuruban tubáan sin pongampung kon dosanea tontaní bo dosa in bangusa Israel.

IMAMAT 22:21

Aka intau tobatú moposumba kon i Tuhan in kuruban dodamean sin moguboḻi kon dandinea ande kuruban ibogneabí tontaní, mahaḷuk tatua in diábí doman motaau inta mobogit, sinbá tarimaan.

IMAMAT 3:13

Kon tua sia musti mopoukat in ḻimanea kon uḷu in bembé tatua bo dongka ratáannea kon tayowon in Ḷoḷaigan. Imang musti mopobutak in dugú in biag tatua kon sí opat in mezbah tatua.

IMAMAT 3:2

Intau inta moposumba intua musti mopoukat in ḻimanea kon tudu in biag tatua bodongka ratáannea kon tayowon ngara in Ḷoḷaigan i Tuhan. Imang mita buí i Harun musti mopobutak in dugú in sapi tatua kon sí opat in mezbah.

IMAMAT 3:8

Kon tua in sia bo musti mopoukat in ḻimanea kon uḷu in domba tatua bodongka ratáannea kon tayowon in Ḷoḷaigan. Bo imang musti mopobutak in dugú in domba tatua kon sí opat in mezbah.

IMAMAT 4:15

Tongguḷu mita in bangusa musti mopoukat in ḻima monia kon uḷu in mahaḷuk tatua, bodongka moratá kon mahaḷuk tatua kon tampat tatua.

IMAMAT 4:20

Aidan naonda bo pogogaid kon sosumba sapi koḷakian inta nobaḻí kuruban pongampung kon dosa. Natuata in pogogaid in Imang Moḷoben moposumba in kuruban sin potobut kon dosa mita in umat, dá dosa mita tatua in ampungandon i Tuhan.

IMAMAT 4:24

Sia in musti mopotudu in ḻimanea kon uḷu in mahaḷuk tatua, bodongka ratáan kon dotá in utuan mezbah, tampat pororataan kon kuruban inta tubáan.

IMAMAT 4:26

Onda intua bayongan ḷongó in mahaḷuk tatua musti tubáan kon tudu in mezbah, ná kuruban dodamean. Natuata in pogogaid i imang kon moposumba in kuruban in tobatú bobato, dá intau tatua in ampungan i Tuhan.

IMAMAT 4:29

Sia in musti mopoukat in ḻimanea kon uḷu in mahaḷuk tatua, bodongka ratáannea kon dotá in utuan mezbah tampat pororataan kon mahaḷuk inta pokuruban mobaḻí kuruban tubáan.

IMAMAT 4:31

Bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan in imang kon tudu in mezbah, sinbá ronginginea mokosanang kon gina i Tuhan. Natuata in pogogaid i imang moposumba in kuruban potobut kon dosa in intau biasa tobatú, dá intau tatua in ampungan i Tuhan.

IMAMAT 4:33

Sia in musti mopotudu in ḻimanea kon uḷu in mahaḷuk tatua, bodongka ratáannea kon dotá in utuan mezbah, tampat pororataan kon mahaḷuk inta mobaḻí kuruban tubáan.

IMAMAT 4:35

Onda intua bayongan ḷongó in mahaḷuk tatua musti gamáan ná kon kuruban dodamean. Ḷongó tatua musti tubáan kon tudu in mezbah, poyotakinon in kuruban kaanon inta posumba kon i Tuhan. Natua in pogogaid i imang kon moposumba in kuruban potobut kon dosa in intau tatua, dá sia in ampungan i Tuhan.

IMAMAT 4:4

Sapi tatua musti diaannea kon ngara in Ḷoḷaigan i Tuhan. Imang moḷoben musti mopotudu in ḻimanea kon mahaḷuk tatua, bodongka ratáannea kon tayowon in Ḷoḷaigan.

IMAMAT 5:6

Bo inta mobaḻí tontobut in dosanea tatua, dá sia in musti modia kon domba tobatú ande bembé kobaayan sin ogoi kon i Tuhan. Bo ki imang in musti moposumba in kuruban tatua sinbá ampungandon in dosa intau tatua.

IMAMAT 6:7

Ki imang mopokuruban intua potobut kon dosa intau tatua, dá intau tatua in ampungandon i Tuhan.

IMAMAT 8:14

Nopaḷut mako kon tua ki Musa in nogamá kon sapi koḷakian batánea tobatú sin pakéon pokuruban potobut kon dosa. Ki Harun bo ki adínea mita mopoukat in ḻima monia kon uḷu in mahaḷuk tatua.

IMAMAT 8:18

Onda intua ki Musa mogamá kon domba koḷakian sin baḻíon kuruban tubáan, bo ki Harun takin ki adínea mita mopoukat in ḻima monia kon uḷu in domba tatua.

IMAMAT 8:22

Bo ki Musa in bui nogamá kon domba koḷakian tobatú ibanea sin baḻíon kuruban pomaḻían kon imang. Ki Harun bo ki adínea mita mopoukat in ḻima monia kon uḷu in domba tatua,

IMAMAT 9:7

Nopaḷut mako kon tua sia noguman kon i Harun, “Bayádon kon mezbah bo sadiadon in kuruban potobut kon dosa bo kuruban tubáan, sinbá dosamu bo dosa in umat ampungandon i Tuhan. Aidaidon intua ná inta ain pinoki aid i Tuhan.”

PINOGIAPAN 15:25

Bo imang musti mogaid kon upacara potobutan kon dosa in umat. Dá ampungan in taḷá monia inta diá sinuod inaidan monia, bo popisí in mosia ain nodia kon kuruban potobut kon dosa bo kuruban payongon kon i Tuhan.

PINOGIAPAN 15:28

Imang musti momia kon upacara potobutan kon dosa kon tayowon i Tuhan, sinbá intau tatua ampungan in dosanea.

PINOGIAPAN 25:13

Sia bo buínea in tantúon-Kudon umuran mobaḻí imang, sin sia aindon noramuji totok noguntu kon kahoromatan-Ku, ki Allahnea, bo ain doman nomia kon pondamean kon dosa in intau Israel.”

PINOGIAPAN 8:10

Umat mita musti mopoukat in ḻima monia kon uḷu in intau mita in Lewi,

PINOGIAPAN 8:12

Bo intau mita in Israel musti mopoukat in ḻima monia kon uḷu in sapi koḷakian doyowa tatua; sapi tobatú in musti posumba mobaḻí kuruban potobut kon dosa, bo sapi inta tobatú in baḻíon kuruban payongon. Upacara tatua in makusudnea in pondaritan kon intau in Lewi.

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

SURAT I PAULUS KON JAMAAT RUM 3:25

Ki Allah ain nopokuruban kon i Yesus Kristus sinbá pinongin kinopatoian-Nea tatua intau in poniatadon kon pinilatandon nongkon bayongan taḷá monia aka mosia mopirisaya kon i Yesus. Tua in inaidan i Allah sin mopoontong in koadilan-Nea. Sin tungkuḷ intua nosabardon in Sia kon bayongan dosa in intau, sahingga in diá ihukum-Nea in mosia.

SURAT I PAULUS KON JAMAAT RUM 5:11

Bo deemanbí tongá tua, táe moḷungangadon totok in gina naton kon kopopia in gina i Allah inta pinopotonsigad kon i Yesus Kristus ki Tuhan naton. Sin pinongin i Kristus tuata, dá tanaa mako kita mokoalami kon hubungan naton inta mopia takin i Allah.

PILIPI 4:18

Bayongan inta paraḷuonku inogoidon monimu kon inakó, sedang bo noiḻiudon kon tugat! Bayongan inta inogoi monimu inta pinoki dia kon i Epaproditus aindon sinarimaku. Dá tanaa mako komintandon oyúon in onu inta paraḷuku. Bayongan inta inogoi monimu kon inakó tua naonda bo kobondu in kuruban inta pinosumba kon i Allah bo inta sinarima domandon i Allah takin pia in gina.

IBRANI 10:4

Sin diábí doman dugú in sapi bo dugú in bembé mokopopat kon dosa.

YOHANES 1 2:2

Bo pinotonsigad kon i Yesus Kristus tuata, bayongan in dosa naton inampungan. Bo deemanbí doman tongá taḷá naton, táe taḷábí doman in bayongan intau.