IMAMAT 1:2 - Alkitab Singog In Mongondow Masa In Tanaa

² inta musti duduian in intau Israel. Aka intau tobatú moposumba in biag mobaḻí kuruban inta tubáan kon i Tuhan, sia in motaaubí moposumba in sapi, domba ande bembénea.

IMAMAT 1:2 ပူးပေါင်းရင်းမြစ်များ

KINOBAḺIAN 4:3

Diá noonggot kon tua ki Kain nogamá kon tosilai nongkon bungai in pinomuḷanea bo pinosumbanea kon i Tuhan.

KINOBAḺIAN 4:5

táe ki Kain takin sosumbanea diá sinarima-Nea. Ki Kain sinumorú totok bo totokdon in rumongut.

TAWARIKH 1 16:29

Dayowdon in tangoi-Nea inta momulia, bo diádon in kuruban kon bonu in baḷoi-Nea. Sumbadon in ki Tuhan takin mogiḷambung in ḷambung ibada!

EZRA 3:5

Koḻikud intua takin notompia mosia in moposumba in kuruban payongon bo kuruban kon Singgai Moḷoben Buḷan Mobagu, bo kon bayongan in Singgai moḷoben ibanea inta inaidan sin mosumba kon i Tuhan. Mosia in moposumba doman in sosumba ibog tontaní kon i Tuhan.

IḶUAIAN 20:24

Pomiaidon in Akuoi kon mezbah tobatú nongkon butá, bo pobogoidon in sosumba kon tua domba bo sapimu mobaḻí kuruban inta sinubá bo kuruban pondamean. Kon bayongan in tampat inta sinantú-Ku kon inimu mobaḻí tampat poibadaan kon i-Nakó, Akuoi in mamangoibí bo momarakat kon i monimu.

PINOGIAPAN 15:3

Pakéon kon kuruban payongon andeka kuruban poguboḻi kon dandi andeka kuruban ibog tontaní andeka kuruban kon porayaan inta biasa, motaaubí in moiko moposumba kon i Tuhan: sapi koḷakian, domba koḷakian, domba andeka bembé. Rongingi in kuruban tatua mokosanang kon gina i Tuhan.

PINOGIAPAN 5:15

Kon doyowa nopasaḷ tatua ḷoḷaki tatua musti modia kon i buḷoinea mayá kon i imang. Sia in musti doman modia kon sosumba inta pakéon, tuata in topong gandum tokilo. Topong tatua diábí motaau butakan in ḷana zaitun andeka bubudan in dupa, sin nobaḻí sosumba in aid moiyan, tobatú sosumba inta nobaḻí tomponuot in pinopoiyanan i buḷoinea ḷoḷaki kon i buḷoinea bobay.

MARKUS 7:11

Táe moiko in motundú nanaa: Aka intau moguman kon guyanganea, ‘Onu i musti ogoiku kon i amá bo kon i iná, ain bidon pinosumbaku kon i Allah,’

SURAT I PAULUS KON JAMAAT RUM 12:1

Utat mita! Ki Allah totok in mopia kon i naton. Manangka intua akuoi in mopoigum totok sinbá moiko moposumba in awakmu saḷaku sosumba inta nobiag sin kopontingan i Allah. Sosumba tatua in tongábí ogoi kon i Allah bo inta mokosanang kon gina-Nea. Tuabí in ibadamu inta sabanarnea.

SURAT I PAULUS KON JAMAAT RUM 12:6

Kita in inogoianbí in totabi inta noyo-noyoposi. Totabi mita tatua in inogoi i Allah kon i naton pinoduduibí kon ibog-Nea. Manangka intua onu inta pinonotabi tatua in mustibí pakéon naton. Intau inta nokouḻí kon totabi mopohabar in habar nongkon i Allah, mustibí mopohabar in habar nongkon i Allah podudui in komampuannea.

EPESUS 5:2

Kobiagbí takin oyúon tabi, ná ki Kristus motabi kon i naton. Sia in nopokuruban in kobiagan-Nea kon i naton bo nobaḻí tobatú sosumba inta totok in mobondu bo inta mokosanang kon gina i Allah.