IMAMAT 1:17 - Alkitab Singog In Mongondow Masa In Tanaa

¹⁷ Onda intua koḻikip in ḷagapan tatua musti yabion táe dika dapot in moyotontaní in awaknea. Bo ḷagapan tatua musti tubáan kon tudu in mezbah. Rongingi in kuruban sinubá tatua mokosanang kon gina i Tuhan.

IMAMAT 1:17 ပူးပေါင်းရင်းမြစ်များ

KINOBAḺIAN 15:10

Bo ki Abram nogamá kon mahaḷuk mita tatua bo pinokuruban kon i Allah. Sapi, bembé bo domba tatua komintan iḷosinea doyowa, bo kinatadnea doyowa bo pinoyogintayow. Táe ḷagapan mita tatua in diábí iḷosinea.

KINOBAḺIAN 8:21

Bó mobondu in kuruban sosumba tatua nokosanang kon gina i Tuhan, bo Sia in nosingog kon bonu in gina, “Akuoi in diá bidon bui mongutuk kon dunia naa popisí in oaid intau; kinotaauan-Ku, kon nongkon sia noguodpamai, raian intau tua in moraatbí. Diá bidon mokoimontanmai in Akuoi moyopú kon bayongan mahaḷuk inta nobiag ná inta bagu-Ku inaidan tanaa.

MAZMUR 16:10

Sin diábí pinomayá-Mu mako matoi in akuoi; intau inta kinotabi-Mu diábí pinomayá-Mu mako in moyopú.

IMAMAT 1:13

Bo intau tatua musti mondarit kon bonu in sian bo páa in biag tatua. Onda intua imang musti moposumba intua komintan kon i Tuhan, bo tubáannea kon tudu in mezbah. Rongingi in kuruban tatua mokosanang kon gina i Tuhan.

IMAMAT 2:2

Musti diaan in intau tatua kon imang mita inta buí i Harun. Imang moḷoben inta mogaid kon oaidan tatua musti mogamá kon toyoyangkom in topong tatua takin ḷana zaitunnea bo bayongan kamanianea, bodongka tubáannea intua kon tudu in mezbah mobaḻí tompoingat kon tua komintan aindon pinosumba kon i Tuhan. Rongingi in kuruban kaanon tatua mokosanang kon gina i Tuhan.

IMAMAT 3:5

Tua komintan poyotakinon in kuruban mita tubáan ibanea, musti tubáan kon tudu in mezbah. Rongingi in kuruban kokaanon tatua mokosanang kon gina i Tuhan.

IMAMAT 5:8

Ḷagapan mita tatua in mustibí diaan kon i imang. Ki imang in musti muna moposumba in ḷagapan inta ain sinantú baḻíon kuruban potobut kon dosa. Sigogow in ḷagapan tatua musti pitoion, táe diábí kobontowon.

IMAMAT 6:14

Naadon in atorang mita soaḷ kuruban oḷudon kon i Tuhan. Kuruban tatua musti diaan in intau tobatú inta nongkon buí i Harun kon tayowon in mezbah.

IMAMAT 9:13

Nopaḷut mako kon tua mosia mopoabatdon kon inia in uḷu bo tonsilai mita ibanea nongkon mahaḷuk tatua, bo sinubánea kon tudu in mezbah.

PINOGIAPAN 15:3

Pakéon kon kuruban payongon andeka kuruban poguboḻi kon dandi andeka kuruban ibog tontaní andeka kuruban kon porayaan inta biasa, motaaubí in moiko moposumba kon i Tuhan: sapi koḷakian, domba koḷakian, domba andeka bembé. Rongingi in kuruban tatua mokosanang kon gina i Tuhan.

PINOGIAPAN 28:8

Ki adí in domba inta baḻíon kuruban ḷoḷabungnea musti pokuruban ná mopokuruban in sosumba doḷo-doḷom, takinan in tubig in anggur. Rongingi in kuruban payongon tatua in mokosanang kon gina i Tuhan.

MATIUS 27:50

Ki Yesus in nomaḷú bui noḷangon bodongka noposarakan in nyawa-Nea.

YOHANES 19:30

Ki Yesus in nonginsip kon anggur boil tatua bo noguman, “Ain nopaḷut!” Bo kinumuyungdon in Sia bo poḷat minatoi.

SURAT I PAULUS KON JAMAAT RUM 4:25

Ki Yesus tua in pinosarakandon kon intau mita sin ḻimodon sin potobut kon bayongan dosa naton. Tongá Sia in biniagdon bui i Allah sinbá kita in buidon moyodame takin i Allah.

PETRUS 1 3:18

Sin ki Kristus tontaní in tongábí doman komintan minatoi popisí in dosa mita intau. Tobatú intau inta diá kotaḷá; minatoi popisí in intau inta kotaḷá. Ki Kristus in nogaid kon tua sinbá kita in motaau-Nea diaan mayá kon i Allah. Sia in iḻimod kon kaadaan saḷaku intau, táe biniag bui kon bonu in Roho.