IMAMAT 1:11 - Alkitab Singog In Mongondow Masa In Tanaa

¹¹ Intau tatua musti moratá kon biag tatua kon dotá in utuan mezbah, bo imang mita musti mopobutak in dugúnea kon sí opat in mezbah tatua.

IMAMAT 1:11 ပူးပေါင်းရင်းမြစ်များ

IḶUAIAN 24:6

Tosilai nongkon dugú in sapi tatua ginamá i Musa bo binonu kon tano-tano mita. Bo tosilai doman pinopobutaknea kon tudu in mezbah.

IḶUAIAN 40:22

Onda intua inukatdon i Musa in meja kon bonu in Ḷoḷaigan, kon dotá in utuan inta kon dotá in ḷuai in toḻipoi,

YEHEZKIEL 43:18

Ki Tuhan Inta Totok in moḷantud in noguman kon inakó, “Ei intau ilo-ilow, indongogaidon in onu inta poguman-Ku kon inimu. Aka mezbah tatua moḷapatdon aidan, mustibí toimpaḷutonmu pongin motubá kon kuruban kon tudunea bo pisikan in dugú in kuruban intua.

YEHEZKIEL 8:5

Ki Allah in noguman kon inakó, “Ei intau inta ilo-ilow, indoidon ná utuan.” Dinumudui in akuoi, bo kon dotá in mezbah kon diug in daḷan tumuot, inontongku in berhala inta nokopomuká kon torú i Allah tatua.

IMAMAT 1:5

Onda intua sapi tatua musti ratáan kon tayowon ngara in Ḷoḷaigan. Dugúnea musti posumba in imang mita inta buí i Harun kon i Tuhan, bodongka popobutak kon sí mita in mezbah inta opat tatua kon tayowon ngara in Ḷoḷaigan.

IMAMAT 14:13

Ki adí in domba tatua musti ratáannea kon tampat inta ain sinantú poratáan kon mahaḷuk inta pakéon pokuruban potobut kon dosa bo kuruban inta tubáan. Domba tatua musti ratáan kon tua sin kuruban toḻiu in karugian bo kuruban potobut kon dosa tua in totokbí in motusi bo nobaḻí silai i imang.

IMAMAT 4:29

Sia in musti mopoukat in ḻimanea kon uḷu in mahaḷuk tatua, bodongka ratáannea kon dotá in utuan mezbah tampat pororataan kon mahaḷuk inta pokuruban mobaḻí kuruban tubáan.

IMAMAT 6:25

mopotaau kon i Harun bo kon i adínea mita in atorang mita tanaa soaḷ kuruban potobut kon dosa. Mahaḷuk inta baḻíon kuruban potobut kon dosa musti ratáan kon tampat pororataan kon mahaḷuk inta nobaḻí kuruban tubáan. Kuruban tatua motusi totok.

IMAMAT 7:2

Mahaḷuk inta pakéon kon kuruban tatua musti ratáan kon tampat pororataan kon mahaḷuk inta baḻíon kuruban tubáan, bo dugúnea in popobutak kon sí opat in mezbah.

IMAMAT 8:19

Iratá i Musa in domba tatua bo dugúnea in pinobutaknea kon sí opat in mezbah tatua.