IMAMAT 1:1 - Alkitab Singog In Mongondow Masa In Tanaa

¹ Nongkon Ḷoḷaigan-Nea, ki Tuhan nogoiní kon i Musa bo nopotaau in atorang mita tatua kon inia

IMAMAT 1:1 ပူးပေါင်းရင်းမြစ်များ

DATU MITA 2 16:13

Bo kon tudu in mezbah tatua noposumba in sia in kuruban biag bo kuruban gandum. Nopobutak doman in sia in kuruban anggur bo dugú in kuruban dodamean kon tudu in mezbah tatua.

TAWARIKH 2 29:32

Mosia in nodia kon sapi koḷakian pitu nopuḷú, domba mogatut, bo ki adí in domba doyowa nogatut bo noposumba binaḻí kuruban payongon kon i Tuhan.

IḶUAIAN 19:3

bo ki Musa in notakod kon buḷud tatua sin moyodungkuḷ i Allah. Ki Tuhan nosingog kon i Musa nongkon buḷud tatua bo nopotabá kon inia nopotaau kon intau mita Israel, buí i Yakub,

IḶUAIAN 24:12

Noiduduimai kon tua ki Tuhan noguman kon i Musa, “Angoidon kon i-Nakó kon tudu in buḷud. Kon tua ogoi-Ku kon inimu in batu doyowa inta pinomaisan-Ku kon bayongan hukum-Ku. Bayongan hukum tatua ogoi-Ku sin baḻíon totundú kon bangusa-Ku tatua.”

IḶUAIAN 25:22

Kon tampat tatua Akuoi moyodungkuḷmu, bo nongkon ḻimonik in taḷobnea, kon sigad in kerub doyowa tatua, Akuoi mobogoi in hukum-Ku mita kon inimu bo potaaumudon kon bangusa Israel.”

IḶUAIAN 29:42

Duduiannea kon tua sigaḷa zaman, kuruban tubáan tatua musti posumba kon tayowon-Ku kon ngara in Ḷoḷaigan-Ku. Kon tuata in Akuoi mokipodungkuḷ kon umat-Ku bo mopoyaput in tosingogon kon inimu.

IḶUAIAN 3:4

Inontong i Tuhan in ki Musa mamangoi dimiug kon tampat tatua, dá nomaḷú in ki Tuhan nongkon yua-yuak in ḻimbuyun tatua, “Musa! Musa!” “Ya Allah,” tubag i Musa.

IḶUAIAN 33:7

Pomuḷoi mako, aka bangusa Israel mononḷoḷaigan, ki Musa mogamá kon Ḷoḷaigan bo posindogonnea koḻin yayúon nongkon ḷoḷaigan mita monia. Ḷoḷaigan tatua sinangoian Ḷoḷaigan i Tuhan, bo ki ine in moibog moigum kon tonggina i Tuhan, mayá intua.

IḶUAIAN 39:32

Kinotontumiannea noḷapatdon in bayongan oaidan momia kon Ḷoḷaigan i Tuhan. Intau Israel ain nogaid kon bayongan yagi-yagi ná inta pinarenta i Tuhan kon i Musa.

IḶUAIAN 40:29

bo kon tayowon ngara tatua inukatneadon in mezbah sin potuduan kon kuruban tubáan. Kon tudu in mezbah tatua pinosumbaneadon in kuruban sinubá bo kuruban sosumba.

IMAMAT 7:38

Ki Tuhan nobogoi in atorang mita tatua kon i Musa kon Buḷud in Sinai kon tungkuḷ in ki Tuhan nopotabá kon bangusa Israel noposumba in kuruban kon padang gurun Sinai.

IMAMAT 9:16

Noiduduimai kon tua ginamánea doman in mahaḷuk inta nobaḻí kuruban tubáan, bo pinosumbanea podudui in atorang.

PINOGIAPAN 1:1

Kon singgai imitánea buḷan nogindua kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon bonu in Ḷoḷaigan i Tuhan kon padang gurun Sinai. Kai-Nia,

PINOGIAPAN 7:89

Pomuḷoi in ki Musa tumuot kon Ḷoḷaigan i Tuhan sin moyosingog i Tuhan, sia mokodongog kon singog i Tuhan inta moguman kon inia nongkon tudu in taḷob in Poti Dodandian inta sinoyuak in patong kerub doyowa.

YOHANES 1:17

Hukum i Tuhan sinarima naton nongkon i Musa. Táe tabi bo kososatia i Allah in pinoniatadon kon i Yesus Kristus.

ULANGAN 27:6

sin batúan in mezbah inta pinosindog kon i Tuhan Allahmu in musti pomiaan nongkon batu inta diápa nogaat. Kon tudu in mezbah tatua moiko in musti moposumba in kuruban mita payongon.