IḶUAIAN 9:25 - Alkitab Singog In Mongondow Masa In Tanaa

²⁵ Kon bayongan butá kon tua uyan eis tatua noyompat kon bayongan in yagi-yagi kon gobá, takin doman intau bo bobiagon. Bayongan in pinomuḷa kon gobá nogoguyaat bo pangkoi mita in kayu nongotuaḷ.

IḶUAIAN 9:25 ပူးပေါင်းရင်းမြစ်များ

MAZMUR 78:47

Sia in nomoguyaat kon pangkoi in anggur monia pinongin uyan batu, bo pangkoi mita in ara monia pinoguyaat in oḷú inta nongokompoḷ.

MAZMUR 78:48

Sia in nopomayá mako in uyan eis noidodot kon bobiagon monia, bo gotup nonanut kon bobiagon mita monia.

IḶUAIAN 9:19

Dá parentaaidon sinbá bayongan in bobiagon bo bayongan in kapunyaanmu inta kon ḷuai pobayádon kon tampat inta moisiung. Bayongan intau bo bobiagon inta kon ḷuai bo inta diádon mokoponiung in matoibí sin koḷabúan in uyan eis.’ ”

IḶUAIAN 9:24

in uyan eis inta totok in motoyang sinakinan in kilat bo rosi inta monampí magí mako. Tuata in uyan eis inta totok in motoyang kon bonu in ouman in Mesir.

IḶUAIAN 9:6

Nopoikoḷomai kon singgai ki Tuhan nogaid kon ná inta ain pinoguman-Nea. Bayongan in bobiagon intau in Mesir minatoi, táe bobiagon intau Israel diábí tobatúmai in minatoi.

YEHEZKIEL 13:13

Ki Tuhan Inta Totok in moḷantud noguman, “Kon bonu in torú-Ku, Akuoi in mopoangoi in deḷang, uyan morogot bo uyan eis sin morimumud kon dinding tatua.

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.