IḶUAIAN 9:23 - Alkitab Singog In Mongondow Masa In Tanaa

²³ Ki Musa notonggó monik kon tungkudnea, bo ki Tuhan nopoonag in gotup bo uyan eis, bo kilat moyotampí kon butá. Ki Tuhan nopoangoi

IḶUAIAN 9:23 ပူးပေါင်းရင်းမြစ်များ

KINOBAḺIAN 19:24

Indoianmai daḻídon in ki Tuhan nopoonag in uyan balerang inta kodoko-dokot. Tua mita in noḷabú kon Sodom bo Gomora.

AYUB 37:13

Ki Allah in nobogoi in uyan sin momuntad kon butá, andeka doman mohukum kon umat intau; degá mopoontong doman kon i monia, kon totuu moḷoben in tabi-Nea inta mononoi.

MAZMUR 147:17

Sia in mopoonag in uyan eis naonda bo batu mongointok; diábí in mokoigon in monahang kon tumpingnea.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

MAZMUR 18:13

Nongkon kilat inta kon tayowon-Nea, iḷumuaidon in goḷom, uyan eis bo tuḷú.

MAZMUR 29:3

Ki Allah inta momulia nonggotup kon ḻimonik in dagat, singog-Nea in kinodongogan kon ḻimonik in baḷangon.

MAZMUR 77:18

Goḷom mopoḷabú in uyan, gotup mondoradá; kilat monampí magí mako.

IḶUAIAN 19:16

Kon singgai inta nogintoḷu, dodai in doḷo-doḷomneapa nonggotup bo nongilat. Goḷom inta mobunod noitukatdon kon tudu in buḷud bo kinodongogandon singog in torompet inta totok in moḷangon. Bayongan in intau kon ḷoḷaigan urot mako sin moondok.

IḶUAIAN 20:18

Naonda in intau mita nokodongog kon gotup bo singog in torompet, bo nokoontong kon kilat bo buḷud inta nopuḻing poyok, mosia urot mako sin moondok bo sinimindogdon iyumayú.

IḶUAIAN 9:18

Ikoḷom doḷo-doḷom ná tanaa, Poangoi-Kudon in uyan eis inta totok in motoyang, ná inta diápa dodai onda in nobaḻí kon Mesir nongkon koḻipod dapot in tanaa mako.

IḶUAIAN 9:24

in uyan eis inta totok in motoyang sinakinan in kilat bo rosi inta monampí magí mako. Tuata in uyan eis inta totok in motoyang kon bonu in ouman in Mesir.

YESAYA 30:30

Ki Tuhan mopodongogbí in singog-Nea inta momulia, bo pomuḷoi in intau in mokorasabí kon kawasa-Nea inta motoyang. Torú-Nea in mokopoangoibí kon tuḷú inta mokopokak, uyan morogot, uyan batu bo deḷang.

YEHEZKIEL 38:22

Sia in hukumon-Kubí in yampoi in takit bo mosiḻimodan. Uyan morogot bo uyan in eis, tuḷú bo balerang in popobutak-Kubí kon inia bo kon tontaranea bo kon mobayong in bangusa inta dinumugang kon inia.

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.

WAHYU 16:18

Bo nongilatdon moyo-moyodudui bo gonugur in gotup mokoondok totok, bo ḻinug inta totok in motoyang. Diápa dodai onda in noḻinug námai tua in koropotnea, mulaipamai dunia naa pinomia. Tua in ḻinug inta totok in motoyang!

WAHYU 16:21

Uyan eis moḷoben, inta toḷoḻima nokilo in kosibuḷnea, noḷabú nongkon ḷangit bo noidantug kon intau mita. Dá mosia in nohojat kon i Allah popisí bodito uyan eis inta totok in motoyang tua.

WAHYU 8:7

Malaekat muna in nogirup kon torompetnea, dá uyan in eis bo tuḷu noyobauk in dugú norogot totok noḷabú monag kon butá. Bo sepertiga in dunia naa nodait nopokak, ná doman tua, sepertiga doman in kayu bo bonok in noḷaḷow.