IḶUAIAN 9:22 - Alkitab Singog In Mongondow Masa In Tanaa

²² Bo ki Tuhan noguman kon i Musa, “Tonggódon monik in ḻimamu, bo uyan eis moḷabúdon monag kon bayongan butá in Mesir. Uyan tatua moiḷabú kon intau, bobiagon bo bayongan pinomuḷa kon gobá.”

IḶUAIAN 9:22 ပူးပေါင်းရင်းမြစ်များ

IḶUAIAN 10:21

Ki Tuhan noguman kon i Musa, “Tonggódon in ḻimamu, dá butá in Mesir in simindipdon totok.”

IḶUAIAN 7:19

Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

IḶUAIAN 8:16

Ki Tuhan noguman kon i Musa, “Potabádon ki Harun mopomobak in tungkudnea kon butá, dá kon bayongan butá in Mesir ḷobud mobaḷuidon mobaḻí yongit.”

IḶUAIAN 8:5

Ki Tuhan noguman kon i Musa, “Potabádon in ki Harun motonggó kon tungkudnea kon tombutungmai in ongkag mita, got mita bo tabang mita sinbá tumpaḷak mita tatua moitukatdon mita bo mopuḻingdon butá in Mesir.”

IḶUAIAN 9:21

Táe ibanea in doí nopandungmai kon tompoingat tatua bo sinaḷáanmai monia in ata mita bo bobiagon monia kon tampat popokaanan monia in bobiagon.

YOSUA 10:11

Kon tungkuḷ in intau mita in Amori nosiḻig kon buḷud tatua sin moḷagui nongkon tontara mita in Israel, ki Tuhan nopoḷabú in uyan eis inta moḷoben nongkon ḷangit kon i monia kinoouputbí in daḷan nodapot kon Azeka. Inta minatoibí kinoḷabúan in uyan eis in mobayo-bayong nongkon inta iḻimod in intau mita in Israel.

WAHYU 16:21

Uyan eis moḷoben, inta toḷoḻima nokilo in kosibuḷnea, noḷabú nongkon ḷangit bo noidantug kon intau mita. Dá mosia in nohojat kon i Allah popisí bodito uyan eis inta totok in motoyang tua.