IḶUAIAN 9:19 - Alkitab Singog In Mongondow Masa In Tanaa

¹⁹ Dá parentaaidon sinbá bayongan in bobiagon bo bayongan in kapunyaanmu inta kon ḷuai pobayádon kon tampat inta moisiung. Bayongan intau bo bobiagon inta kon ḷuai bo inta diádon mokoponiung in matoibí sin koḷabúan in uyan eis.’ ”

IḶUAIAN 9:19 ပူးပေါင်းရင်းမြစ်များ

MAZMUR 78:48

Sia in nopomayá mako in uyan eis noidodot kon bobiagon monia, bo gotup nonanut kon bobiagon mita monia.

IḶUAIAN 9:25

Kon bayongan butá kon tua uyan eis tatua noyompat kon bayongan in yagi-yagi kon gobá, takin doman intau bo bobiagon. Bayongan in pinomuḷa kon gobá nogoguyaat bo pangkoi mita in kayu nongotuaḷ.

IḶUAIAN 9:6

Nopoikoḷomai kon singgai ki Tuhan nogaid kon ná inta ain pinoguman-Nea. Bayongan in bobiagon intau in Mesir minatoi, táe bobiagon intau Israel diábí tobatúmai in minatoi.

HABAKUK 3:2

O Tuhan, dinongogkudon onu inta inaidan-Mu, dá moodom in korasaanku kon gina. Igumon mako aid moḷoben tatua in bui aidan-Mu bo poniata-Mu kon kinobiagan nami naa. Igumon mako kotabi-Mu in kami umpakabí mopatú in gina-Mu.