IḶUAIAN 9:18 - Alkitab Singog In Mongondow Masa In Tanaa

¹⁸ Ikoḷom doḷo-doḷom ná tanaa, Poangoi-Kudon in uyan eis inta totok in motoyang, ná inta diápa dodai onda in nobaḻí kon Mesir nongkon koḻipod dapot in tanaa mako.

IḶUAIAN 9:18 ပူးပေါင်းရင်းမြစ်များ

DATU MITA IMITÁNEA 19:2

Dá ki Izebel in nokidia in habar tanaa kon i Elia, “Igumon mako dewa mita in mohukum, poḷat bo moḻimod kon inakó, aka ikoḷom kon oras ná tanaa akuoi in diá mopoaid kon inimu ná inta pinopoaidmu kon nabi mita in Baal tatua.”

DATU MITA IMITÁNEA 20:6

Táe tanaa in nopotabádon mangoi in sia in porwira mita sin motayak poḷat momoguyaat kon komaḻigmu bo baḷoi mita in pogawaimu, bo mogamá kon bayongan inta inanggap monia koboḻi. Ikoḷom mosia in mamangoi ná oras tanaa.”

DATU MITA 2 7:1

Ki Elisa in notubag, “Indongogaipa in onu inta pinoguman i Tuhan! Ikoḷom, degá ná orasmai tanaa, takin tongá momaké in doit saḷaka tobatú intau in mokotaḷuibí kon toḷu nokilo in gandum inta totok in mopia andeka onom nokilo in gandum ibanea mako.”

DATU MITA 2 7:18

Ki Elisa in nogumandon kon degá orasmai ná tatua mopoikoḷomai kon singgai, toḷu nokilo in gandum inta totok in mopia andeka onom nokilo in gandum ibanea in potaḷui kon Samaria tongá momaké in doit saḷaka tobatú.

AYUB 37:13

Ki Allah in nobogoi in uyan sin momuntad kon butá, andeka doman mohukum kon umat intau; degá mopoontong doman kon i monia, kon totuu moḷoben in tabi-Nea inta mononoi.

AYUB 38:22

Nokoimontandon degá iko in namangoi kon pototagúanku mita tampat in salju bo uyan batu,

AYUB 38:23

inta sinagúku pakéon kon dodai in mororiga, kon tungkuḷ in moparang bo kon singgai poparangan?

MAZMUR 83:15

Naonda bo tuḷú inta nomokak kon kayuon, dokot in tuḷú inta nomagong kon buḷud mita.

IḶUAIAN 10:14

inta totok in modamaḷ totok nodapot in notoimpaḷotdon in butá tatua. Diápa dodai onda intau nokoontong kon pangkoḷá inta námai tua in kobayongnea, bo nopaḷut mako kon tua diá bidon bui nobaḻí in soaḷ ná tatua.

IḶUAIAN 10:6

Komaḻigmu, baḷoi mita in pogawaimu bo baḷoi mita in rayat in mopuḻingdon in pangkoḷá. Bodito tanaa in motoya-toyang kon onu inta nokoimontandon pinouma kon mogoguyang monimu.’ ” Onda intua ki Musa nomurow bo minayá.

IḶUAIAN 11:6

Kon butá mita in Mesir kodongogandon in amui bo ombaḷ moropot, ná inta diápa dodai onda nobaḻí bo inta diá bidon bui mobaḻí.

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

WAHYU 16:21

Uyan eis moḷoben, inta toḷoḻima nokilo in kosibuḷnea, noḷabú nongkon ḷangit bo noidantug kon intau mita. Dá mosia in nohojat kon i Allah popisí bodito uyan eis inta totok in motoyang tua.