IḶUAIAN 9:16 - Alkitab Singog In Mongondow Masa In Tanaa

¹⁶ Táe pinomayá-Kupa mako moiko in nobiag, sinbá Akuoi in motaaupa mopoontong in kawasa-Ku kon inimu, sinbá tangoi-Ku totokdon kotaauan in bayongan intau kon dunia naa.

IḶUAIAN 9:16 ပူးပေါင်းရင်းမြစ်များ

SAMUEL 2 7:23

Kon dunia naa in diábí in bangusa ná Israel. Tongábí Israel tuata in bangusa inta ain pinoḷuat-Mu nongkon pinononggataan sin mobaḻí umat-Mu tontaní. Bayongan in aid moḷoben bo inta mokoherang inta pinomia-Mu kon i monia, mopobaḻí kon tangoi-Mu ponango-nangoian kon dunia. Bangusa mita ibanea takin dewa mita monia aindon inuntun-Mu kon tungkuḷ in umat-Mu minayá noparang.

DATU MITA 2 19:35

Doḷom doman tua malaekat i Tuhan in namangoi kon pinononḷoḷaigan in intau in Asyur, bo noḻimod kon 185.000 in tontara. Nobangon monik doḷo-doḷom mayat mita monia tatua in noiyayitdon magí mako.

TAWARIKH 1 16:24

Oumandon in kamuliaan-Nea kon bangusa mita, bo bayongan inta inaidan-Nea inta motoyang kon umat intau naa.

NEHEMIA 9:10

Pinopoaid-Mu kon datu in Mesir in aid mita inta diá in poḻiuan, bo kon pogawai takin rayat kon butánea, sin kinotaauan-Mu naonda in pinororiga monia kon umat-Mu. Bo ponango-nangoiandon in tangoi-Mu noidapot in singgai naa.

MAZMUR 106:8

Táe ki Tuhan in noposaḷamat kon i monia podoyon kon i-Nia tontaní, sinbá kotorindog-Nea in moniata.

MAZMUR 64:9

Mosia in noyopú popisí in tosingogon monia tontaní; bayongan inta nokoontong kon inia nomombiḻing.

MAZMUR 76:10

Kon tungkuḷ in Iko simindog sin monisigdon sin moposaḷamat kon intau inta dinorot kon dunia.

IḶUAIAN 14:17

Potogaton-Ku in gina Intau in Mesir bá umuran aḷowan monia in intau in Israel, bo poontong-Kudon in kawasa-Ku kon i datu in Mesir, kon tontaranea, kon keretanea mita bo mododianea.

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 18:11

Naa in kinotaauankudon kon ki Tuhanbí in mokawa-kawasa nongkon bayongan ilah, sin tua komintan inaidan-Nea kon dodai intau in Mesir dinumodiadon totok kon intau mita Israel.”

IḶUAIAN 9:15

Sin aka kuma Akuoi in noibog nohukum kon inimu bo rayatmu pinongin takit, yo noyopúdon komintan in moiko.

IḶUAIAN 9:17

Umpaka natua, iko umuranpabí doman mosiḷantud bo diápa doman ogoimu mayá in umat-Ku.

AMSAL 16:4

Bayongan yagi-yagi inta inaidan i Tuhan oyúonbí in makusudnea; bo makusud in intau moraat tuata in bodito.

YEREMIA 32:20

Dungkuḷmai Iko in nogaid kon inta mokoherang bo soaḷ mita inta diá in poḻiu kon Mesir, bo dapot in tanaa doman Iko in umuranpabí doman mogaid kon natua, pinomayá kon sigad in intau in Israel andeka kon sigad in bayongan in bangusa ibanea. Tuamai tanaa Iko in ponango-nangoian kon bayongan tampat.

YEHEZKIEL 39:21

Ki Tuhan in noguman, “Akuoi in moponiatabí in kamuliaan-Ku kon bangusa mita. Mosia komintan in mokoontongbí kon naonda in Akuoi mopomaké in kawasa-Ku sin mopobayá in onu mita inta ain sinantú-Ku inta moadil.

MALEAKHI 1:11

Akuoi in ihoromat in bangusa mita kon sinangkub in dunia. Kon ondaka tubáan monia in kamania sin mohoromat kon tangoi-Ku bo moposumba in kuruban inta patus, sin bayongan in bangusa in mohoromatbí kon i-Nakó!

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

PINOGIAPAN 14:21

Táe Akuoi modandi podoyon kon tangoi-Ku tontaní bo podoyon-Ku kon i-Nakó inta nobiag bo inta nongawasa kon dunia naa,

SURAT I PAULUS KON JAMAAT RUM 9:17

Sin kon Buk Motusi ain pinais doman nanaa, “Ki Allah in noguman kon i Piraun, datu in Mesir, ‘Akuoi in mopobaḻí kon inimu datu, sinbá popoontongan in kawasa-Ku bo tangoimu moiwayadon kon sinangkub in dunia naa.’ ”

SURAT I PAULUS KON JAMAAT RUM 9:22

Ná doman tuata in pinomia i Allah. Sia moibog mopoyaput in torú-Nea bo mopoontong in kawasa-Nea. Táe Sia in mosabar in mokoontong kon i monia inta musti hukumon sin ain nogaid kon onu inta mokosakí kon gina-Nea.

YOSUA 4:24

sinbá bayongan in intau kon dunia monotaaudon kon nádomai tua in koḷoḷoben in kawasa i Tuhan. Bo bá moiko in umuran mohoromat kon i Tuhan Allahmu dapot in kopaḷutannea.”

PETRUS 1 2:19

Sin barakatanbí i Allah in moiko inta nonotaau kon inta kinoibog i Allah, sahingga in nosabar doman in notarima kon roriga inta sabanarnea in diábí patus tarimaan monimu.

PETRUS 1 2:8

bo “Tuata in batu inta nobaḻí kopopintudan in intau, batu inta mokopopisí kon i monia moḷabú.” Mosia in moipintud sin mosia diá mopirisaya kon singog i Allah. Natuabí in sinantú i Allah kon i monia.

YUDAS 1:4

Sin diá kinotaa-taauanmai, naanta oyúon bidon in intau mita ibanea inta umuni-uni mako bo sinumuot kon yua-yuak naton. Mosia tua in intau mita moraat inta mopoyotuuy in habar soaḷ totabi i Allah naton. Makusud monia tua in motayakbí kon kasampatan mopoaid in onu inta kinoibog in awak monia. Mosia tua in diá mopirisaya kon ki Yesus Kristus tua in mongongawasa bo Tuhan naton. Nongkon tungkuḷpabímai hukuman kon i monia tua aindon pinotaau muna kon bonu in Buk Motusi.

SAMUEL 1 4:8

Moboditodon totuu! Ki ine in mokoposaḷamat kon inaton nongkon dewa mita inta moropot tatua? Degá dewabí mita tatua inta noḻimod kon intau mita in Mesir kon padang gurun koḻipod?