IḶUAIAN 9:10 - Alkitab Singog In Mongondow Masa In Tanaa

¹⁰ Ki Musa bo ki Harun in nogamá domandon kon ḷobud, bo minayá in tayowon i datu. Ki Musa nopotabud in ḷobud tatua kon ḷangit. Bo nomukádon in bituḷ mita inta mobotow nobaḻí paḻí inta motombobog kon intau bo kon mahaḷuk.

IḶUAIAN 9:10 ပူးပေါင်းရင်းမြစ်များ

IḶUAIAN 9:11

Mososihir mita diá motaau mamangoi kon tayowon i Musa sin bayongan awak monia nopuḻingdon in bituḷ ná inta kon intau mita in Mesir ibanea.

IḶUAIAN 9:8

Tuhan noguman kon i Musa bo kon i Harun, “Pogamádon kon tongonumai noyoyakup in ḷobud nongkon kokuitan. Bo naonda in kon tayowon i datu, musti in ki Musa mopotabud in ḷobud tatua kon ḷangit.

IḶUAIAN 9:9

Dá ḷobud tatua noitabudon kon bayongan butá in Mesir. Bo ḷobud tatua mopomuká in bituḷ mita inta mobotow bo mobaḻí paḻí inta monombobog kon intau bo kon bobiagon.”

ULANGAN 28:27

Ki Tuhan in mohukumbí kon i monimu takin mopouma in bituḷ mita ná inta pinopouma-Nea kon intau mita in Mesir. Awakmu in mopuḻingdon in kekeb bo momuka inta mokokatoḷ, táe diábí in undamnea.