IḶUAIAN 8:6 - Alkitab Singog In Mongondow Masa In Tanaa

⁶ Dá ki Harun nopotonggó domandon in tungkudnea kon tombutung in bayongan tubig, bo noitukatdon in tumpaḷak mita nomuḻing kon bayongan butá tatua.

IḶUAIAN 8:6 ပူးပေါင်းရင်းမြစ်များ

SAMUEL 2 7:22

Iko in totu-totuubí kon mokawasa, o Tuhan Allah! Tongábí Iko in Allah, diábí in notongkai-Mu. Kinotaauanbí nami intua sin ain pinotaau nongkon tungkuḷpabí intua.

TAWARIKH 2 6:14

“Tuhan, Allah in Israel! Kon ḷangit andeka kon butá diábí in ná Iko! Iko in nogintompod kon dandi-Mu bo nopoontong in tabi-Mu kon umat-Mu inta mosatia bo motoindudui takin ḻimbatú in gina kon ini-Mu.

MAZMUR 105:30

Tumpaḷak maya-mayá mako kon butá monia, nodapot in sinumuot kon komaḻig i datu.

MAZMUR 78:45

Pinosikisa-Nea in mosia in ḷangow mobayong, bo nopomayá mako in butá monia pinoguyaat in tumpaḷak.

MAZMUR 86:8

O Tuhan, diábí in ilah in ná Iko, diábí in nokoaid kon ná inta inaidan-Mu.

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

IḶUAIAN 10:2

bo bá motaau oumanonmu kon i adí bo kon i ompumu kon naonda in bangusa Mesir pinoyambá-Ku takin nogaid kon inta mokoherang mita tatua. Dá kotaauandon monimu komintan kon Akuoibí in ki Tuhan.”

IḶUAIAN 15:11

Ilahbí mita kon onda in mokoḻimonik kon ini-Mu, o Tuhan Inta Momulia bo motusi? Ki Ine in mokoaid kon inta mokoherang mita bo oaidan moḷoben ná inaidan i Tuhan?

IḶUAIAN 7:19

Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

IḶUAIAN 9:14

Sin tanaa Akuoi in mopoangoidon bui in bodito inta deemandon tongá kon pogawai mita bo rayat, táe kon inimu domandon, sinbá kotaauanmu kon diábí in mokoḻiu monik kon i-Nakó in kon dunia naa.

IḶUAIAN 9:29

Guman i Musa kon i datu, “Naonda in ḷuaiku kon kotá tanaa, akuoi in buidon motonggó kon ḻima sin mosambayang kon i Tuhan. Gotup in mogogaidon bo uyan eis in mooḷá domandon, sinbá kotaauandon i Tuangku kon dunia naa in ki Tuhanbí in kitogi.

YESAYA 43:10

Ei umat-Ku, moikobí in sakusi-Ku mita, moiko in piniḻí-Ku nobaḻí mogogundoi-Ku mita, sinbá monotaaudon kon i-Nakó bo mopirisaya kon i-Nakó, bo momangaḻedon kon Akuoibí naa in Allah. Akuoi in Allah inta totobatú tua. Diábí in ibanea mako in noiuna bo inta moiduduimai kon i-Nakó.

ULANGAN 32:31

Musung in Israel nonotaau kon pogogadopan monia diábí ná ki Allah inta mogogoḻiung in Israel.

ULANGAN 33:26

“Ei Israel! Diábí in ilah ná ki Allahmu; Sia in minayá kon ḷangit diá in poḻiuan bo nongin goḷom sin motuḷung kon i monimu.

ULANGAN 4:35

Tua komintan pinoontong i Tuhan kon inimu sin moponiata kon tongábí ki Tuhan tua in Allah, bo diábí in ibanea mako.

WAHYU 16:13

Bo akuoi nokoontong kon dimukud moraat toḷu, inta naonda bo batangan in tumpaḷak. Tumpaḷak mita tatua iḻumuai nongkon bibig in naga, nongkon bibig in mahaḷuk bo nongkon bibig in intau inta mongaku nabi, táe deemanbí totuu nabi.