IḶUAIAN 8:4 - Alkitab Singog In Mongondow Masa In Tanaa

⁴ Tumpaḷak mita tatua in ḷumansik bo monomponik kon inimu, bo kon bayongan intau moḷobenmu bo rayat.’ ”

IḶUAIAN 8:4 ပူးပေါင်းရင်းမြစ်များ

DATU MITA IMITÁNEA 13:6

Bo ki Datu Yerobeam nogumandon kon i nabi tatua, “Tuḷungaipa kaasí sambayangai in akuoi kon i Tuhan Allahmu. Poigumaipa kon totabi-Nea sinbá undaman-Neapa in kokaḷku!” Nosambayang in nabi tatua kon i Tuhan, bo nopiadon in kokaḷ i datu.

MAZMUR 107:40

Ki Tuhan in nopoompá kon mongongawasa monia, bo nopotabá kon i monia nodondaḷoi kon ḷopá in kayuon inta diá in daḷannea.

IḶUAIAN 10:17

Ampungaipa in dosaku in komintan tanaa, bo posambayangdon kon i Tuhan Allahmu, sinbá poḷuat-Neadon kon inakó in hukuman inta mokopatoi tanaa.”

IḶUAIAN 8:24

Ki Tuhan nopoangoidon in ḷangow inta totok in mobayong kon komaḻig i datu bo kon baḷoi mita in pogawai i datu inta moḷantud. Bayongan butá in Mesir totok in mororiga popisí in ḷangow mita tatua.

IḶUAIAN 8:3

Ongkag in Nil in mopuḻingbí in tumpaḷak, dapot in mahaḷuk mita tatua ḷumuai nongkon tubig bo tumuot kon bonu in komaḻigmu, kon bonu in gopot potosiuganmu, kon bonu in baḷoi mita intau moḷoben bo rayat, modapot kon pototubáan kon roti bo pansi mita.

IḶUAIAN 8:5

Ki Tuhan noguman kon i Musa, “Potabádon in ki Harun motonggó kon tungkudnea kon tombutungmai in ongkag mita, got mita bo tabang mita sinbá tumpaḷak mita tatua moitukatdon mita bo mopuḻingdon butá in Mesir.”

IḶUAIAN 9:28

Posambayangdon kon i Tuhan; totokdon in moyoyiga in kami popisí in gotup bo uyan eis tanaa. Pomayákudon mako in moiko mayá. Donaaidon mogutun kon naa in moiko.”

YESAYA 19:11

Totuu modondunguḷ in itoi mita in kotá in Zoan! Intau in Mesir inta totok in mobijaksana nobogoi in tonggina inta nobodok! Totuu mobarani mosia in moguman kon datu kon mosia in buí in intau mita mobijak bo datu dungkuḷmai!

YESAYA 19:22

Ki Tuhan in momongkugbí kon bangusa in Mesir, táe mopaḷut mako kon tua Sia in mongundambí bui kon i monia. Mosia in mobuibí mangoi kon i Tuhan, bo Sia in mokidongogbí kon sambayang monia poḷat mongundam.

YESAYA 23:9

Ki Tuhan Inta Totok in mokawasa, Siabí inta ain nonantú tatua. Sia in nonantú kon momaḷutdon kon kaḷakuang in intaunea kon bayongan inta bungai in oaidan inta ain nouḻí monia, bo mopoompá kon intau mita inta ihoromat kon dunia.

DANIEL 4:37

Dá tanaa in akuoi, ki Nebukadnezar modayow, mopoḷantud bo mopomulia kon i Datu in Soroga. Bayongan in oaidan-Nea in moitutui bo moadil, bo Sia in mokopotungkudbí kon intau mita inta moḷoḷatú.

PINOGIAPAN 21:7

Bo bangusa tatua namangoi kon tayowon i Musa bo noguman, “Binaradosadon in kami sin ain nongunsingog kon i Tuhan bo kon inimu. Posambayangpa kon i Tuhan sinbá uḷag mita tanaa poyayúdon kon inami.” Dá sinambayangandon i Musa in bangusa tatua.