IḶUAIAN 8:32 - Alkitab Singog In Mongondow Masa In Tanaa

³² Táe tanaa datu buipa doman nokopotontogat kon gina bo diádon inogoinea in bangusa tatua mayá.

IḶUAIAN 8:32 ပူးပေါင်းရင်းမြစ်များ

IḶUAIAN 4:21

Ki Tuhan noguman kon i Musa, “Akuoi ain nobogoi in kawasa kon inimu mogaid kon inta mokoherang mita. Dá aka iko mobuidon kon Mesir, yo aidaidon in bayongan inta mokoherang tatua kon tayowon i datu Mesir. Táe baḻíon-Kubí in sia motontogat in gina, dapot in diábí ogoinea in bangusa tatua mayá.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:31

bo inindogogan i Tuhan in sambayang i Musa. Ḷangow mita tatua iḷumayugdon nonaḷámai kon i datu, kon pogawai mita moḷantud i datu bo kon rayat. Diádon tobatúmai in kinotaḷáanpa.

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 9:7

Datu in noḻibó mongoonu in nobaḻí, bo inoumandon kon inia kon bobiagon intau Israel diá tobatúmai in minatoi. Táe datu tantúpabí doman nokopotontogat kon gina bo diápabí doman inogoinea in bangusa tatua mayá.

YESAYA 63:17

O Tuhan, nongonu sin pinomayá-Mubí mako in kami moiḷaḻe? Nongonu sin Iko in mopotogatbí in gina kon inami nodapot in kami in diádon moondok kon ini-Mu? Pobuidon mangoi popisí in mogogundoi-Mu mita, Popisí in umat-Mu, kapunyaan pusaka-Mu.

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

SAMUEL 1 6:6

Onubí in mangaḻenea in moiko mokopotontogat kon gina ná datu bo intau in Mesir koḻipod? Dika koḻiongan naonda in ki Allah nopoyambá kon i monia, nodapot in mosia notobat bo pinomayádon mako monia in intau Israel nonaḷámai kon Mesir.