IḶUAIAN 8:26 - Alkitab Singog In Mongondow Masa In Tanaa

²⁶ “Maníka diá,” tubag i Musa, “sin intau mita in Mesir moyaatbí in gina monia aka mokoontong kon sosumba nami tatua, bo tantú kami in arabonbí monia in batu modapot in matoi.

IḶUAIAN 8:26 ပူးပေါင်းရင်းမြစ်များ

KINOBAḺIAN 43:32

Ki Yusup nongaan tontaní kon meja tobatú, bo ki utatnea mita kon meja ibanea. Intau mita in Mesir inta kon tua nongaan doman kon meja ibanea, sin mosia ná batangan pinokopo ompámai aka mongaan moyotakin intau in Ibrani.

KINOBAḺIAN 46:34

potaaudon kon inia kon moiko in mononombobiagon nongkon mointokanmai, notongkai ná mogoguyang monimu. Aka natua dá potabáneadon in moiko mayá mogutun kon butá in Gosyen.” Ki Yusup noguman natua sin intau in Mesir ná pokopoonagonmai aka moyobayat takin gombala mita.

DATU MITA 2 23:13

Ná doman tua in mezbah mita kon dotá in pomukaan kon Yerusalem kon dotá in toḷatan Buḷud in Koraatan pinonajis. Mezbah mita tatua in pinosindog i Datu Salomo sin posumbaan kon dewa mita inta mokorongó – inta ki Asytoret dewi in bangusa in Sidon, Kamos dewa in bangusa in Moab, bo Milkom dewa in bangusa Amon.

EZRA 9:1

Naonda intua komintan nodaitdon inaidan, tongonumai in intau inta sinon itoi kon bangusa in Israel namangoi kon inakó. Mosia in nopotaau kon inakó kon rayat in Israel, noitakin doman in imang mita, bo intau mita in Lewi in diábí sinumondí kon bangusa mita inta nogutun kon diugmai tua, inta bangusa in Amon, Moab, Mesir, Kanaan, Het, Peris, Yebus bo Amori. Nodapotbí in imang mita bo intau mita in Lewi sinumakin doman nomia kon natua. Mosia komintan in nogaidon kon aid mita inta mokorongó inta inaidan in bangusa mita tatua.

IḶUAIAN 3:18

Umat-Ku in mokidongogbí kon tosingogonmu mita. Moiduduimai kon tua iko moyotakin in itoi mita Israel musti mayá tumayow kon i datu in Mesir bo moguman kon inia: ‘Tuhan, ki Allah intau Ibrani aindon namangoi nokipogontong kon inami. Tanaa ogoiaidon in wakutu kami mayá inta koyayúnea in toḷu nosinggai in bayáan mopobayá in padang gurun sin moposumba in kuruban kon i Tuhan, ki Allah nami.’ ”

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

YESAYA 44:19

Mogogaid kon patong tatua in diábí norai, “Kayu tatua topongkó in sinubáku, bo buingnea in pinakéku pinotubáan kon roti bo pinoangagan kon ponoyá sin kaanonku. Bo kiagat in kayu tatua in inaidanku patong. Dá tanaa akuoi in nosumbabí kon kayu topongkó!”