IḶUAIAN 8:25 - Alkitab Singog In Mongondow Masa In Tanaa

²⁵ Onda intua ki datu nogoiní kon i Musa bo kon i Harun poḷat noguman, “Bayádon pobogoi in sosumba kuruban kon i Allahmu, táe tongádon kon butá tanaa.”

IḶUAIAN 8:25 ပူးပေါင်းရင်းမြစ်များ

IḶUAIAN 10:16

Ki Datu in ḷagidon nogoiní kon i Musa bo kon i Harun bo noguman, “Akuoi aindon dinosa kon i Tuhan Allahmu bo kon i monimu.

IḶUAIAN 10:24

Bo ki datu in nogoiní kon i Musa bo noguman, “Moiko in motaaubí mayá moibada kon i Tuhanmu. Intau mita bobay bo adí mita in motaaudon tumakin. Táe sapi, domba, bo bembému in diábí motaau diaan.”

IḶUAIAN 10:8

Dá ki Musa bo ki Harun pinoki oiní bui i datu. Ki datu in noguman kon i monia, “Moiko motaaudon mayá moibada kon i Tuhan Allahmu. Táe ki ine mako degá in kon sigad monimu nion in mayá?”

IḶUAIAN 12:31

Doḷom domandon tatua, ki datu nogoiní kon i Musa bo kon i Harun bo noguman, “Bayádon nongkon naa, moiko komintan! Taḷaaidon in butáku! Bayádon posumba kon i Allahmu ná inta pinoigum monimu.

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 9:27

Bo datu in nogoiní kon i Musa bo kon i Harun, bo noguman, “Akuoi ain nogaid kon dosa. Ki Tuhanbí in nobanar, akuoi bo rayatku ain nogaid kon noitaḷá.

IḶUAIAN 9:28

Posambayangdon kon i Tuhan; totokdon in moyoyiga in kami popisí in gotup bo uyan eis tanaa. Pomayákudon mako in moiko mayá. Donaaidon mogutun kon naa in moiko.”

YESAYA 28:22

Dinongog-Kudon in singog inta sinantú i Allah Inta Totok in moḷantud bo Inta Totok in mokawasa sin moyopú kon sinangkub in butá. Dika momayow kon tosingogon mita tompoingat inta pinoguman-Ku tanaa. Sin mokodugang kon rorigamu in moposaḷamat in awak!

WAHYU 3:9

Toropdon in naa: Intau mita inta ain nobaḻí umat in Ibilis tua, in intaubí mita mongouboḷ inta mongaku intau mita in Yahudi bokaka deemanbí. Mosia tua in aidan-Kubí sahingga in mosia mamangoi tumungkud kon tayowonmu. Bo kotaauandon monia kon kotabi-Kubí in moiko.