IḶUAIAN 8:14 - Alkitab Singog In Mongondow Masa In Tanaa

¹⁴ Intau in Mesir nosipun kon tumpaḷak mita inta ain minatoi tatua, nodapot in nobontu-bonturung, nodapot in bayongan butá tatua nobódon in bongkog.

IḶUAIAN 8:14 ပူးပေါင်းရင်းမြစ်များ

DATU MITA IMITÁNEA 18:26

Dá nomiḻídon in mosia kon sapi tobatú bo sinadiadon. Nopaḷut mako kon tua mosia in nosambayangdon kon i Baal nongkon doḷo-doḷom nodapot in noutu in singgai sindaḷan momaḷu-maḷú, “Tubagaidon in kami, Baal!” Inaidan monia intua poḷat doman motayok bo moḻibu kon mezbah monia. Táe totokbí in diá in tubagnea.

DATU MITA IMITÁNEA 18:29

Natuata in inaidan monia nodapot in ḷoḷabungnea naonda bo intau inta kinotapanan. Táe diábí doman in notubag, diábí in noindoimai.

IḶUAIAN 7:21

Toyá mita kon bonu in tubig tatua minatoi, bo totokdon in nobongkog, nodapot in intau mita in Mesir diá motaau monginum nongkon tubig tatua. Kon butá in Mesir komintandon oyúon in dugú.

IḶUAIAN 8:13

Dinuduian i Tuhan onu in pinoigum i Musa, bo tumpaḷak mita inta kon baḷoi mita, kon bosínea mita bo kon gobá mita nodaitdon minatoi.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:24

Ki Tuhan nopoangoidon in ḷangow inta totok in mobayong kon komaḻig i datu bo kon baḷoi mita in pogawai i datu inta moḷantud. Bayongan butá in Mesir totok in mororiga popisí in ḷangow mita tatua.

IḶUAIAN 9:11

Mososihir mita diá motaau mamangoi kon tayowon i Musa sin bayongan awak monia nopuḻingdon in bituḷ ná inta kon intau mita in Mesir ibanea.

YESAYA 19:11

Totuu modondunguḷ in itoi mita in kotá in Zoan! Intau in Mesir inta totok in mobijaksana nobogoi in tonggina inta nobodok! Totuu mobarani mosia in moguman kon datu kon mosia in buí in intau mita mobijak bo datu dungkuḷmai!

YESAYA 34:2

Ki Tuhan in tumorú kon bayongan in bangusa bo bayongan in tontara monia. Hukumon-Neabí bo yopúon in mosia.

YEHEZKIEL 39:11

Ki Tuhan in noguman, “Aka tua mita bo mobaḻí, yo ogoi-Kubí kon i Gog in butá poḷobongan kon Israel, kon Ḷopá Ḷoḷoḷanan inta kon dotá in pomukaan nongkon Laut Mati. Kon tua in ki Gog bo bayongan in tontaranea ḷobongon, bo ḷopá tatua in tangoion ‘Ḷopá in Tontara i Gog’.

YOËL 2:20

Tontara in pangkoḷá nongkon utuan in untunon-Kubí, tongosilai in buntunon-Ku pobayá in rawang in bungaion. Bo inta kon pipidan dotá in muna in undudon-Ku pobayá ná Laut Mati, inta kon pipidan kon tumi in undudon-Ku pobayá in Dagat Toyuak. Awaknea mita in mobondotdon. Mosia in putúan-Ku sin nopororigadon kon i monimu.