IḶUAIAN 8:12 - Alkitab Singog In Mongondow Masa In Tanaa

¹² Bo ki Musa bo ki Harun nonaḷámaidon kon i datu. Onda intua ki Musa nosambayang kon i Tuhan sinbá monginggamádon kon tumpaḷak mita inta pinoangoinea kon i datu.

IḶUAIAN 8:12 ပူးပေါင်းရင်းမြစ်များ

MAZMUR 105:31

Podudui in parenta i Allah namangoidon in ḷangow mita, bo yongit mita noyosipundon kon sinangkub in butá.

IḶUAIAN 10:18

Ki Musa nonaḷámai kon i datu bo nosambayang kon i Tuhan.

IḶUAIAN 32:11

Ki Musa nopoigum tabi kon i Tuhan Allahnea, kainia, “Tuhan, nongonu sin musti-Mubí aidan kon i monia in natua? Ikodon tontaní inta noposaḷamat kon i monia nongkon Mesir takin kawasa bo ropot-Mu inta moḷoben?

IḶUAIAN 8:13

Dinuduian i Tuhan onu in pinoigum i Musa, bo tumpaḷak mita inta kon baḷoi mita, kon bosínea mita bo kon gobá mita nodaitdon minatoi.

IḶUAIAN 8:30

Ki Musa in nonaḷámaidon kon i datu, bodongka nosambayang kon i Tuhan,

IḶUAIAN 8:8

Datu nogoiní kon i Musa bo kon i Harun, bo noguman, “Posambayangdon kon i Tuhan sinbá Sia in monginggamádon kon tumpaḷak mita tanaa, bá ogoikudon in bangusamu mayá sin moposumba in kuruban kon i Tuhan.”

IḶUAIAN 9:33

Bo ki Musa in nonaḷámaidon kon i datu bo minayá in ḷuai in kotá; kon tua sia notonggó kon ḻimanea sin mosambayang kon i Tuhan. Kon dodaipa doman tatua nogogaidon in gotup, uyan eis bo diádon nonguyan.

YEHEZKIEL 36:37

Ki Tuhan Inta Totok in moḷantud in noguman, “Ei bangusa in Israel, moiko in ogoi-Kudon bui in mokituḷung kon i-Nakó; dugangan-Kudon bui in kobayongmu naonda bo paanan in domba.

SAMUEL 1 12:23

Soaḷ akuoi, poigumon mako akuoi in diá modapot in mogaid kon dosa kon i Tuhan sin diádon nosambayang kon kopontingan monimu. Táe akuoi in umuranbí motundú kon inimu kon soaḷ mita inta mopia bo inta noitutui.