IḶUAIAN 7:5 - Alkitab Singog In Mongondow Masa In Tanaa

⁵ Dá intau in Mesir monotaaudon kon Akuoi naa in Tuhan, kon dodai in Akuoi mohukum kon i monia bo modia kon Israel ḷumuai nongkon butá monia”.

IḶUAIAN 7:5 ပူးပေါင်းရင်းမြစ်များ

MAZMUR 138:7

Kon tungkuḷ in akuoi kinoantugan in susa, Iko in noḷukad kon kobiaganku. Iko in nonayow kon musungku inta koyogot in sinumorú bo pinosaḷamat-Mu in akuoi pinongin kawasa-Mu.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

IḶUAIAN 10:2

bo bá motaau oumanonmu kon i adí bo kon i ompumu kon naonda in bangusa Mesir pinoyambá-Ku takin nogaid kon inta mokoherang mita tatua. Dá kotaauandon monimu komintan kon Akuoibí in ki Tuhan.”

IḶUAIAN 10:7

Nopaḷut mako kon tua nogumandon in pogawai mita tatua kon i datu, “Dapotbí in toonu intau tatua musti mopororiga kon inaton? Pomayádon mako in intau mita Israel tatua mayá sin moibada kon i Tuhan, Allah monia. Indoiaika in butá naton tanaa aindon nogoguyaat!”

IḶUAIAN 14:18

Dá kotaauandon intau In Mesir kon Akuoibí in ki Tuhan.”

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 18:8

Inouman i Musa kon i nunutonnea in bayongan inta inaidan i Tuhan kon i datu bo kon bangusa Mesir sin moposaḷamat kon bangusa Israel. Inoumannea doman in bayongan roriga inta kinoyitakan in bangusa Israel kon binayáan, bo naonda in ki Tuhan noposaḷamat kon i monia.

IḶUAIAN 3:20

Táe Akuoi mopomakébí in kawasa-Ku, bo mohukum kon Mesir takin mopoangoi in bayongan inta mokoondok kon tua. Mopaḷut mako in tua, ogoineadon in moiko mobuat nongkon tua.

IḶUAIAN 6:1

Ki Allah in noguman kon i Musa, kai-Nia, “Akuoi naa in ki Tuhan.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 7:17

Tuamai, ki Tuhan noguman nanaa, ‘Nongkon onu in aidan-Ku moiduduimai naa, yo kotaauanmudon kon Akuoibí in ki Tuhan. Tungkud tanaa pomobakku kon tubig in ongkag tanaa, bo tubig tanaa mobaḷuidon mobaḻí dugú.

IḶUAIAN 8:10

Tubag i datu tatua, “Sambayangaidon akuoi in ikoḷom.” Guman i Musa, “Aidankubí onu in poigumon i Tuangku. Dá kotaauandon i Tuangku kon diábí in ki Allah ibanea ná ki Tuhan, ki Allah nami.

IḶUAIAN 8:19

dapot in mososihir mita tatua noguman kon i datu, “Naa in aidbí i Allah.” Táe ki datu tatua nokopotogatpa doman bui kon gina, bo ná inta ain muna pinoguman i Tuhan, ki datu tatua doí mopandungmai kon tosingogon i Musa bo i Harun.

IḶUAIAN 8:22

Táe taḻiban-Kubí butá in Gosyen, tampat pinogutunan in umat-Ku. Kon tua in diábí popoangoian-Ku in ḷangow, sinbá kotaauan monimu kon Akuoi, ki Tuhan, in nomia kon tua.

YEHEZKIEL 25:17

Hukumon-Kubí in mosia kobogaton totok bo mopoaid in yaat in gina-Ku modapot in moorop. Aka konanamandon monia in torú-Ku, yo kotaauandon monia kon Akuoibí in ki Tuhan.”

YEHEZKIEL 28:22

Potaaudon kon intaunea mita kon Akuoi ki Tuhan Inta Totok in moḷantud noguman kon i monia, ‘Akuoi naa in musungmu, ei Sidon. Intau mita in modayowbí kon i-Nakó popisí in inta inaidan-Ku kon i monia. Kon tungkuḷ in Akuoi nohukum kon intaumu, kotaauandon monia kon Akuoibí in ki Tuhan inta motusi.

YEHEZKIEL 32:15

Aka Mesir baḻíon-Kudon padang gurun inta moingongow, bo yompaton-Kudon in bayongan inta nogutun kon tua, yo kotaauandon monia kon Akuoibí in ki Tuhan.

YEHEZKIEL 36:23

Poniata-Kubí in kototusi in tangoi-Ku inta moḷoben tua, tangoi inta ain kinotor monimu kon yua-yuak in bangusa mita, dá kotaauandon monia kon Akuoibí in ki Tuhan. Akuoi, ki Tuhan Inta Totok in moḷantud ain nosingog. Pakéon-Ku in moiko kon moponiata kon bangusa mita kon Akuoi naa in motusi, ki Tuhan Inta Totok in motusi.

YEHEZKIEL 39:22

Pangkoiondon kon tua intau in Israel monotaaudon kon Akuoibí in ki Tuhan Allah monia.

YEHEZKIEL 39:7

Táe kon yua-yuak in intau in Israel, poniata-Kubí in tangoi-Ku inta motusi, bo tangoi-Ku tatua in diá bidon tamakon bui. Dá kotaauandon in bangusa mita kon Akuoibí in ki Tuhan, Allah inta motusi nongkon Israel.”