IḶUAIAN 7:4 - Alkitab Singog In Mongondow Masa In Tanaa

⁴ Tuamai Akuoi in mobogoi in hukuman mobogat kon Mesir, onda intua diaan-Kudon bayongan in bangusa Israel, umat-Ku, ḷumuai nongkon butá tatua.

IḶUAIAN 7:4 ပူးပေါင်းရင်းမြစ်များ

IḶUAIAN 10:1

Ki Tuhan noguman kon i Musa, “Bayádon pokipodungkuḷ bui kon i datu. Binaḻí-Kudon in sia takin pogawainea mita motontogat in gina, sinbá in Akuoi motaau mogaid kon onu mita inta mokoherang kon yua-yuak monia,

IḶUAIAN 11:9

Ki Tuhan noguman kon i Musa, “Ki Datu in diábí mopandungmai kon tosingogonmu, sinbá mobayongpa bui in inta mokoherang in aidan-Ku kon bayongan butá in Mesir.”

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 13:9

Porayaan tanaa nobaḻí tompoingat kon inimu ná tomponuot inta pinopotogot kon ḻima ande kon pogotmu. Porayaan tanaa moponorop kon i monimu sinbá umuran moposingog bo monotaau kon hukum mita i Tuhan, sin ki Tuhan nopoḷuaidon kon i monimu nongkon Mesir takin kawasa-Nea inta moḷoben.

IḶUAIAN 18:8

Inouman i Musa kon i nunutonnea in bayongan inta inaidan i Tuhan kon i datu bo kon bangusa Mesir sin moposaḷamat kon bangusa Israel. Inoumannea doman in bayongan roriga inta kinoyitakan in bangusa Israel kon binayáan, bo naonda in ki Tuhan noposaḷamat kon i monia.

IḶUAIAN 3:19

Onda intua ki Allah in noguman bui, “Kinotaauan-Kubí kon ki datu Mesir in doíbí mopomayá mako kon i monimu mayá, koḻikudbí in aka sia pakisaan.

IḶUAIAN 3:20

Táe Akuoi mopomakébí in kawasa-Ku, bo mohukum kon Mesir takin mopoangoi in bayongan inta mokoondok kon tua. Mopaḷut mako in tua, ogoineadon in moiko mobuat nongkon tua.

IḶUAIAN 6:1

Ki Allah in noguman kon i Musa, kai-Nia, “Akuoi naa in ki Tuhan.

IḶUAIAN 6:26

Taya dua minayá kon tayowon i datu in Mesir sinbá sia mopoḷuatdon kon intau israel.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 7:13

Umpaka natua, ki datu umuranpa doman motontogat in gina bo doí mopandungmai kon tosingogon i Musa bo i Harun, ná inta ain muna pinoguman i Tuhan.

IḶUAIAN 7:16

Pogumandon kon i datu tatua: Ki Tuhan, ki Allah intau Ibrani, nopotabá kon inakó sin mopotaau kon i Tuangku sinbá ogoimudon umat-Nea mayá mosumba kon i-Nia kon padang gurun. Táe umaain tanaa ki Tuangku doí mokidongog.

IḶUAIAN 8:15

Naonda inontongdon i datu kon tumpaḷak mita tatua minatoidon, sia nokopotontogat bui kon ginanea. Bo ná inta ain pinoguman muna i Tuhan, ki datu in doíbí mopandungmai kon tosingogon i Musa bo i Harun.

IḶUAIAN 8:19

dapot in mososihir mita tatua noguman kon i datu, “Naa in aidbí i Allah.” Táe ki datu tatua nokopotogatpa doman bui kon gina, bo ná inta ain muna pinoguman i Tuhan, ki datu tatua doí mopandungmai kon tosingogon i Musa bo i Harun.

IḶUAIAN 9:12

Táe ki Tuhan nopotontogat doman in gina i datu, bo ná doman inta ain pinoguman i Tuhan, datu in doíbí mopandungmai kon tosingogon i Musa bo i Harun.

IḶUAIAN 9:3

yo poangoi-Kudon in bodito inta totok in motoyang kon bayongan bobiagonmu, pinomayá kabaḷo, keledai, unta, sapi, domba bo bembému.

AMSAL 19:29

Intau bodok inta motosiḷantud notantú bidon kon bongkugon.

YESAYA 26:9

Dimukudku in mokotanob kon ini-Mu kon dodai in doḷom, ginaku in mogoḷat mako kon ini-Mu kon dodai in doḷo-doḷom. Aka Iko in monisig kon dunia naa, intau mita kon dunia naa in monotaaudon kon onu inta moitutui.

OMBAḶ 3:3

Akuoi in sinambok nopobui-buimai, takin diábí in tabi kinoouput in singgai.

YEHEZKIEL 14:21

Ki Tuhan Inta Totok in moḷantud in noguman, “Akuoi in mopoḷabú in opat in hukuman-Ku inta totok in motoyang kon Yerusalem sin moyopú kon intau andeka mahaḷuk. Naa in hukuman mita tatua: parang, malarat in kaanon, mahaḷuk moraat bo yampoi in takit.

YEHEZKIEL 25:11

Hukumon-Kubí in Moab, dá kotaauandon monia kon Akuoibí in ki Tuhan.”

YEHEZKIEL 30:14

Sinangkub in Mesir toḷatan in baḻíon-Kubí moingongow totok bo kotá in Soan kon utuan in turubon-Ku. Tebe ki iná in kotá tatua in hukumon-Ku,

YEHEZKIEL 30:19

Natuata Akuoi in mohukumbí kon Mesir, dá kotaauandon monia kon Akuoibí in ki Tuhan.”

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

WAHYU 16:7

Bo dinongogku in singog nongkon meja pototuduan kon sosumba in noguman, “Tuhan, Allah inta Totok in Mokawasa, mobanar bo moadilbí in hukuman mita inta pinoḷabú-Mu!”

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

HAKIM MITA 2:15

Pomuḷoi in mosia mayá moparang, ḷawangon i Tuhan in mosia, ná inta ain pinopotoingat-Nea kon i monia. Dá mosia in kino antugandon in yoyiga inta totok in moḷoben.