IḶUAIAN 7:23 - Alkitab Singog In Mongondow Masa In Tanaa

²³ Sedang bo sia nobuibí minayá in komaḻig bo diábí nopandung topiḻikmai kon onu inta nobaḻí tatua.

IḶUAIAN 7:23 ပူးပေါင်းရင်းမြစ်များ

AYUB 7:17

Nongonu sin intau in mopontingbí kon ini-Mu? Nongonu sin dodianea in umuranbí taridian-Mu?

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

IḶUAIAN 7:22

Táe intau mososihir mita kon Mesir nomia doman kon natua takin pongotahuan monia, dá ki datu tantú mokopotontogatpa doman kon gina. Ná inta ain pinoguman muna i Tuhan, kon datu in doí mokidongog kon i Musa bo kon i Harun

IḶUAIAN 7:24

Bayongan intau in Mesir nongaḻi kon ḻimbuong kon bingkí mita in ongkag tatua sin motayak kon tubig inumon, sin tubig in ongkag tatua diá motaau inumon.

IḶUAIAN 9:20

Tongonumai in pogawai mita moḷantud noondok kon tosingogon i Tuhan. Mosia in nodia kon ata mita bo bobiagon monia sinumuot kon bonu in baḷoi sinbá koḷukadan.

IḶUAIAN 9:21

Táe ibanea in doí nopandungmai kon tompoingat tatua bo sinaḷáanmai monia in ata mita bo bobiagon monia kon tampat popokaanan monia in bobiagon.

AMSAL 22:17

Indongogai, akuoi in motundúbí kon inimu in tonggina in intau moarip! Tondudutbí in topotundúku.

AMSAL 24:32

Naonda in sinaridianku mako bo sinano-tanobku intua, nouḻíku in topotundú nanaa:

AMSAL 28:14

Horomatbí tantú in ki Tuhan, dá mosanang in iko. Aka iko moḷawang kon i-Nia, moboditobí in iko.

AMSAL 29:1

Ki ine in umuran moḷawang aka tongginaan, komintanmai yo morimumudbí bo diádon motaau tompiaan bui.

YESAYA 26:11

Tuhan, Iko in nogoḷatdon mohukum kon musung-Mu mita, táe diábí kinotaauan monia. Pomayádon mako mosia in mooyá in mokoontong kon tabi-Mu kon umat-Mu. Pomayádon mako modait in mosia moyopú pongin hukuman inta ain pinopooḷat-Mu mako kon i monia.

YESAYA 47:7

Kainimu kamai dá iko in mobaḻíbí bokí kinoouput in kobiagan, bo diábí kinotaauan andeka diá norai kon kopaḷutannea.

YEREMIA 36:24

Umpaka ki Elnatan, ki Delaya, bo ki Gemarya nopoigum totok sinbá ki datu diá motubá kon ḻitodan in buk tatua, táe doíbí in sia nokidongogmai kon i monia. Pinomayá datu andeka pojabat inta nokodongog kon tombonu in buk tatua diábí inangoian in ondok andeka inagían in manasaḷ.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YEHEZKIEL 40:4

Ḷoḷaki tatua in noguman kon inakó, “Ei intau ilo-ilow, indongogaidon kopia bo taridiai in bayongan inta poontongku kon inimu, sin tuabí in mangaḻe in pinodiaanku kon inimu namangoi in naa. Potaaudon kon bangusa in Israel in bayongan inta ontongonmu.”

HABAKUK 1:5

Onda intua ki Tuhan in noguman kon umat-Nea, “Taridiaika in bangusa mita kon diugmumai, dá moherangbí in moiko bo moitongau. Sin kon dodai in iko nobiag oyúonbí in aidan-Ku, inta diábí pirisayaan monimu aka tongá oumanon kon inimu.

MALEAKHI 2:2

Horomatdon in Akuoi pongin aidmu. Aka moiko doí mokidongog kon tosingogon-Ku, moiko in kutukon-Ku. Bayongan inta tarimaan monimu saḷaku rijiki in mobaḷuidon kutuk. Totuubí, bayongan inta mopia in kinutuk-Kudon, popisí in moiko in doí mopandungmai kon parenta-Ku.

ULANGAN 32:46

ki Musa noguman, “Tarukiradon in bayongan parenta inta pinotaauku kon inimu singgai naa. Tundúdon kon i adímu mita, sinbá mosia umuran mosatia in mopoaid in bayongan hukum i Tuhan.

SAMUEL 1 4:20

Naonda in sia gogiódon matoi, bobay mita inta notuḷung kon inia noguman, “Mokoposabarbí! Ḷoḷaki in ki adímu naa!” Tongá diábí in sia notubag ande nonarukiramai kon i monia.