IḶUAIAN 7:21 - Alkitab Singog In Mongondow Masa In Tanaa

²¹ Toyá mita kon bonu in tubig tatua minatoi, bo totokdon in nobongkog, nodapot in intau mita in Mesir diá motaau monginum nongkon tubig tatua. Kon butá in Mesir komintandon oyúon in dugú.

IḶUAIAN 7:21 ပူးပေါင်းရင်းမြစ်များ

MAZMUR 105:29

Ongkag monia binaḷuian-Nea nobaḻí dugú, dá nodait minatoi in toyá kon bonunea.

IḶUAIAN 7:18

Toyá mita kon bonunea in matoi, bo ongkag tanaa in mobongkogdon, dá bangusa in Mesir diá motaau monginum nongkon tubig tanaa.’ ”

IḶUAIAN 7:20

Ki Musa bo ki Harun nogaid kon onu inta pinoki aid i Tuhan. Kon tayowon i datu bo pogawainea mita, ki Harun notonggó kon tungkudnea bodongka pinomobak kon tubig in Ongkag Nil, dá tubig in ongkag tatua nobaḷui nobaḻí dugú

IḶUAIAN 7:22

Táe intau mososihir mita kon Mesir nomia doman kon natua takin pongotahuan monia, dá ki datu tantú mokopotontogatpa doman kon gina. Ná inta ain pinoguman muna i Tuhan, kon datu in doí mokidongog kon i Musa bo kon i Harun

IḶUAIAN 8:14

Intau in Mesir nosipun kon tumpaḷak mita inta ain minatoi tatua, nodapot in nobontu-bonturung, nodapot in bayongan butá tatua nobódon in bongkog.

YESAYA 19:8

Mododomok mita kon toyá inta biasamai modomok kon ongkag tatua in momaḷú bo mogamui popisí in kail bo ḷaḷa monia in diádon in mangaḻenea. Mogogaboḷ mita koinggamáandon in kamang;

WAHYU 8:9

Bo minatoi domandon in sepertiga in mahaḷuk mita inta kon dagat; bo sepertiga doman in kapaḷ mita noyoyang.