IḶUAIAN 7:19 - Alkitab Singog In Mongondow Masa In Tanaa

¹⁹ Ki Tuhan noguman kon i Musa, “Potabádon in ki Harun mogamá kon tungkudnea bo potonggó kon bayongan tubig in Mesir, kon got mita bo kon tabang mita inta kon butá in Mesir. Tubignea in mobaḻídon dugú, bo kon bayongan butá tatua in komintandon oyúon dugú, nodapot in tubig mita kon bonu in pononionan mita kon tubig inta pinomia nongkon kayu bo tampayang mita inta nongkon batu.”

IḶUAIAN 7:19 ပူးပေါင်းရင်းမြစ်များ

KINOBAḺIAN 1:10

Butá tatua in sinangoian i Allah “Toba”. bo pinosipunan in tubig tatua sinangoian i Allah “Dagat”. Bo nosanang gina i Allah in nokoontong kon tua.

DATU MITA 2 4:29

Ki Elisa in nobobui kon i Gehazi bo noguman, “Koḻikat! Gamá in tungkudku bo ḷagidon bayá kon baḷoi i iná tanaa. Dikadon mogogai bo momahasa kon i ineka in moyodungkuḷmu kon daḷan. Aka oyúon in intau momahasa kon inimu yo dikadon mokopoonggot in motubag kon tua. Naonda in yaputmu, ukatdon in tungkudku kon awak in adí tatua.”

IḶUAIAN 10:12

Bo ki Tuhan noguman kon i Musa, “Potonggódon in ḻimamu kon butá in Mesir. Pangkoḷá mita in namangoi bo mokaan kon bayongan in pinomuḷa inta ki agat in uyan eis.”

IḶUAIAN 10:21

Ki Tuhan noguman kon i Musa, “Tonggódon in ḻimamu, dá butá in Mesir in simindipdon totok.”

IḶUAIAN 14:16

Sintak in tungkudmu bo potundú kon dagat. Dá tubig in mosilai doyowa bo intau Israel motaau maya-mayá kon yuaknea inta ain noingkag.

IḶUAIAN 14:21

Bo ki Musa in notundúdon kon dagat, bo binaḻídon i Tuhan tompot in pomukaan nogirup noropot totok nodapot in tubig in dagat noondir. Tonggobii tua tompot tatua umuran nogirup, bo nomaḷui kon dagat nobaḻí butá inta noingkag.

IḶUAIAN 14:26

Guman i Tuhan kon i Musa, “Potundúdon in ḻimamu kon dagat, dá tubig in buidon moyobui, bo moḷomot kon intau mita in Mesir, kon kereta mita bo mododianea.”

IḶUAIAN 4:9

Aka mosia diápa doman mopirisaya kon inimu umpaka ain nokoontong kon inta mokoherang induanea tanaa, bo mosia doí doman mopandungmai kon tosingogonmu mita, yo pogamádon kon tubig topiḻik nongkon Ongkag Nil bo pobutakdon kon butá. Tubig tatua in mobaḻíbí dugú.”

IḶUAIAN 8:16

Ki Tuhan noguman kon i Musa, “Potabádon ki Harun mopomobak in tungkudnea kon butá, dá kon bayongan butá in Mesir ḷobud mobaḷuidon mobaḻí yongit.”

IḶUAIAN 9:33

Bo ki Musa in nonaḷámaidon kon i datu bo minayá in ḷuai in kotá; kon tua sia notonggó kon ḻimanea sin mosambayang kon i Tuhan. Kon dodaipa doman tatua nogogaidon in gotup, uyan eis bo diádon nonguyan.

YESAYA 5:25

Ki Tuhan in sinumorú kon bangusa-Nea. Sia in nosadiadon kon mohukum kon i monia. Buḷud mita in modandú, mayat mita posiyayit naonda bo apat kon daḷan. Táe ki Tuhan in sinumorúpabí bo tantúbí mohukum.

HABAKUK 3:8

O Tuhan, popisí degá in dagat bo sinumorú in Iko? Ongkag mita degá in nokopopisí kon ini-Mu sinumorú? Sinakoian-Mu in goḷom naonda bo kabaḷo bo kereta in parang, kon dodai in umat-Mu pinountung-Mu.