IḶUAIAN 7:10 - Alkitab Singog In Mongondow Masa In Tanaa

¹⁰ Dá minayádon in ki Musa bo ki Harun kon tayowon i datu bo nogaid kon onu inta pinoki aid i Allah. Ki Harun nopogarab in tungkudnea kon butá kon tayowonmai i datu bo pogawainea mita, bo tungkud tatua nobaḷui nobaḻí uḷag.

IḶUAIAN 7:10 ပူးပေါင်းရင်းမြစ်များ

MAZMUR 135:9

Kon tua nobayong in inaidan-Nea in mokoherang bo tomponuot sin mohukum kon datu bo bayongan in pogawainea,

IḶUAIAN 12:28

Dá mosia in minayádon bo nogaid kon onu inta pinarenta i Tuhan kon i Musa bo kon i Harun.

IḶUAIAN 4:3

Guman i Tuhan, “Pogarabdon kon butá” Ki Musa nopogarab doman in tungkud tatua, bo tungkud tatua nobaḷui nobaḻí uḷag bo ki Musa in noḷagui iyumayú

IḶUAIAN 7:15

Tuamai bayádon pokipodungkuḷ kon inia in doḷo-doḷom, kon dodai in sia moponag kon Ongkag in Nil. Diadon in tungkud inta motaau mobaḷui mobaḻí uḷag tatua bo oḷatdon in koangoiannea kon bingkí in ongkag.

IḶUAIAN 7:20

Ki Musa bo ki Harun nogaid kon onu inta pinoki aid i Tuhan. Kon tayowon i datu bo pogawainea mita, ki Harun notonggó kon tungkudnea bodongka pinomobak kon tubig in Ongkag Nil, dá tubig in ongkag tatua nobaḷui nobaḻí dugú

IḶUAIAN 7:6

Ki Musa bo ki Harun nogaid kon onu inta ain pinarenta i Tuhan.

IḶUAIAN 7:9

“Aka datu mopoigum kon i monimu mogaid kon ki inta mokoherang mobaḻí bukti, yo potabádon ki Harun mogamá kon tungkudnea bo mopogarab in tungkud tatua kon butá kon tayowon i datu. Tungkud tatua in mobaḷuibí mobaḻí uḷag.”

AMOS 9:3

Aka mogadop in mosia kon tudu in Buḷud Karmel, tayakon-Kubí bo domokon in mosia. Aka mogadop in mosia kon apad in dagat, yo potabá-Kubí in naga in dagat sin monumbaḷ kon i monia.

MARKUS 16:18

Aka mosia mokadai kon uḷag andeka monginum kon rasum, diábí mobodito in mosia. Bo aka kadaian monia in intau mita motakit yo mongopia.”

LUKAS 10:19

Pokotaau! Moiko aindon inogoian-Ku in kawasa poritak kon uḷag bo bambau, bo kawasa pomutoḷ kon ropot in saturu, dá diá bidon in mokobodito kon i monimu.