IḶUAIAN 7:1 - Alkitab Singog In Mongondow Masa In Tanaa

¹ Ki Tuhan noguman kon i Musa, “Akuoi in mopobaḻí kon inimu naonda bo ki Allah kon tayowon i datu, bo ki utatmu ki Harun in mosingog kon inia mobaḻí nabimu.

IḶUAIAN 7:1 ပူးပေါင်းရင်းမြစ်များ

KINOBAḺIAN 19:21

Malaekat tatua in notubag, “Duduyanku in ibogmu, kotá mointok tatua in diábí yompaton.

DATU MITA IMITÁNEA 17:23

Bo noponagdon bui in ki Elia nongkon gopotnea bo nodia kon adí tatua inogoi kon inánea poḷat noguman, “Iná, naa in ki adí i Iná! Buidon nobiag in sia!”

DATU MITA 2 6:32

Bo ki datu in nopotabá in intau tobatú inumuna kon inia minayá in baḷoi i Elisa. Kon dodai intua ki Elisa in kon baḷoi, bo tongonumai in intau mita inta ihoromat in kon tua doman namangoi nokipodungkuḷ. Kon dodai diápa noyaput in totabá i datu tatua, ki Elisa in noguman kon intau mita tatua, “Indoiaika! Intau inta moḷoḻimod in nopotabádon mangoi in intau sin moḻimod kon inakó. Aka moyaputdon in intau tatua, yo ḻingkopaidon in ngara bo dikabí pomayá mako in sia tumuot. Kon tuminea tua in ki datu.”

MAZMUR 78:12

Kon tayowon in mogoguyang monia, ki Allah nomia kon inta mokoherang kon butá in Mesir, kon ḷopá in Zoan.

MAZMUR 82:6

Akuoi in noguman kon moiko in ilahi moiko takin ki adímu mita in ki adí mita i Allah Inta Totok in moḷantud.

IḶUAIAN 16:29

Pokotoropdon, kon ogoi-Kubí kon i monimu in singgai tobatú sin pogogaian. Tuamai kon singgai noginggonom Akuoi nobogoi in kaanon inta tugat kaanon monimu doyowa nosinggai. Kon singgai noginpitu komintan intau musti mogutun mako kon baḷoi, bo diá motaau ḷumuai.”

MOHOHUTUBA 1:10

Oyúon in noguman, “Indoiai, nobagu in naa!” Táe, tua in oyúon bidon kon tungkuḷ in diápa in kita.

YEREMIA 1:10

Singgai in naa Akuoi in mobogoi kon inimu in kawasa kon bangusa mita bo dodatuan mita – kawasa mogumpag bo morumbun, bo mopoḷabú bo moyopú, sin moposindog bui bo momuḷa.”

OUMAN IN RASUL MITA 7:7

Táe intau inta mononggata tatua in tokohukumonbí. Tua in siningog i Allah. Tongá mopaḷut mako kon tua, mosia in poḷuaion-Ku kon tua bo mosumba kon i-Nakó kon tampat tanaa.’