IḶUAIAN 6:8 - Alkitab Singog In Mongondow Masa In Tanaa

⁸ Bayongan koyow i Tuhan tatua pinotaau i Musa kon bangusa Israel, táe mosia in doí mopandungmai kon i Musa, sin pinononggataan inta totok in moraat tatua ain nokoinggamádon kon kamang monia.

IḶUAIAN 6:8 ပူးပေါင်းရင်းမြစ်များ

KINOBAḺIAN 14:22

Táe ki Abram in notubag, “Akuoi in mongibot kon tayowon i Tuhan, Allah inta Totok in Moḷantud, inta nomaḻí kon ḷangit bo butá,

KINOBAḺIAN 15:18

Kon dodai doman tuata ki Tuhan nogaid kon dodandian takin i Abram. Guman i Tuhan, “Akuoi in modandi kon ogoi-Ku kon buímu in bayongan butá tanaa, pinangkoi kon sigad in butá in Mesir modapot kon Ongkag in Eprat,

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

KINOBAḺIAN 35:12

Butá inta ain inogoi-Ku kon i Abraham bo kon i Ishak, in ogoi-Ku kon inimu bo kon buímu.”

NEHEMIA 9:15

Kon tungkuḷ in mosia ginogoi bo kinodaitan in kaanon, roti nongkon ḷangit pinoangoi-Mu. Bo nongkon buḷud batu pinoangoi-Mudon in tubig moḷoben inta mokoguḻí kon yogang. Pinoki ḻitúan-Mu in mosia in butá inta pinodandi-Mu kon inia takin ibot.

IḶUAIAN 13:5

Takin nongibot ki Tuhan nodandi kon mogoguyangmu kon Sia in moposarakan in butá in bangusa Kanaan, Het, Amori, Hewi bo Yebus. Naonda in ki Tuhan modia kon i monimu mayá in butá inta mopia totok bo noḷumbá tua, pomuḷoi in taong kon bonu in buḷan Abib, moiko in musti mogaid kon upacara tanaa.

IḶUAIAN 32:13

Toropdon in ata-Mu mita inta ki Abraham, ki Ishak bo ki Yakub. Toropdon bui kon Iko ain nodandi takin nongibot kon mobogoi kon i monia in buí inta mobarong totok naonda bo tundi kon ḷangit, ná doman tua bayongan butá inta pinodandi-Mu tua in mobaḻí kapunyaan in buí monia mononoi.”

IḶUAIAN 6:2

Akuoi nokipogontong kon i Abraham, kon i Ishak bo kon i Yakub mobaḻí ki Allah Inta Totok in Mokawasa, táe Akuoi in diábí ginumuman kon i monia takin tangoi ki ‘Tuhan’.

IḶUAIAN 6:4

Kinodongogan-Kudon in amui intau Israel inta sinonggata in intau in Mesir, bo kinotoropan-Kudon in dandi-Ku tatua.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

YEHEZKIEL 20:15

Kon rawang in bungaion doman tatua Akuoi nonindoyó kon bangusa in Israel in diábí diaan-Ku tumuot kon butá inta ain sinadia kon i monia, butá inta nooyúon bo noḷumbá bo inta totok in mopia kon sinangkub in dunia.

YEHEZKIEL 20:23

Kon rawang in bungaion doman tatua nongibot in Akuoi kon porariton-Kubí in mosia kon sinangkub in dunia,

YEHEZKIEL 20:28

Dinia-Ku in mosia minayá in butá inta ain pinodandi-Ku kon i monia. Kon tungkuḷ in mosia nokoontong kon tombuḷud mita inta moḷantud bo pangkoi mita in kayu inta mobambar, mosia in mobogoi in sosumba kon tampat mita tatua. Mosia in nokopomuká kon torú-Ku popisí in kuruban mita payongon bo sosumba mita anggur monia.

YEHEZKIEL 20:42

Aka moiko bo diaan-Kudon mobui kon butá in Israel, butá inta pinodandi-Ku kon mogoguyangmu, yo kotaauandon monimu kon Akuoibí in ki Tuhan.

YEHEZKIEL 36:7

Akuoi, ki Tuhan Inta Totok in moḷantud in mongibot kon bangusa mita inta kon diugmu tua in singkuḻeonbí doman.

YEHEZKIEL 47:14

Akuoi in nongibotdon kon butá tatua in ogoi-Kudon kon mogoguyangmu. Tuamai in gamádon in butá tatua bo silaidon koadilon kon sigad monimu.

PINOGIAPAN 10:29

Ki Musa noguman kon i bilanea, ki Hobab adí i Rehuel intau in Midian, “Kami in mayá kon tampat inta kai Tuhan in ogoi kon inami. Ki Tuhan ain nopodandi kon inta mopia kon intau Israel. Dá duduidon, diábí pomayá mako nami in iko.”

PINOGIAPAN 11:12

Eta akuoi degá in nonogusian andeka inta nopononggadí kon i monia tua? Nongonu sin pinotabá-Mubí in akuoi ná intau moḷoḷukad kon adí inta umuran mokoyot mako kon adí mointok, modapot in akuoi musti umuran moḷukad kon i monia kinoouputbí in binayáan mopobayá in butá inta pinodandi-Mu kon mogoguyang monia?

PINOGIAPAN 14:30

Koḻikud in ki Kaleb bo ki Yosua, diádon in tobatúmai intau kon sigad monimu inta umur doyowa nopuḷú notaong bo namonik in tumuot kon butá inta pinodandi-Ku kon inimu tua.

PINOGIAPAN 23:19

Ki Allah deemanbí ná intau inta moḷongkang angoian in momanasaḷ bo moibog monguboḷ. Aka ki Allah in modandi, yo notantúbí kon aidan-Nea! Aka Sia in mosingog, yo totuubí kon mobaḻí!

ULANGAN 32:40

Podoyon kon i-Nakó tontaní, ki Allah inta nobiag, tonggóon-Ku in ḻima-Ku bo mongibot:

ULANGAN 4:31

Ki Tuhan Allahmu in Allahbí inta totok in kototabi. Sia in diábí monaḷámai ande moyopú kon i monimu, ande moḻiong kon dodandian inta pinomia-Nea tontaní takin mogoguyangmu.

YOSUA 24:13

Butá inta inogoi-Ku kon inimu, sinarima monimu intua takin diá irorigaanmai. Bo kotá mita inta inogoi-Ku kon inimu deemanbí moiko in noposindog intua. Táe tanaa moikodon in nogutun kon tua, bo moiko domandon in notarima kon bungai in anggur takin bungai in zaitunnea, bokaka deemanbí moiko in nopomuḷa.’ ”

WAHYU 10:6

Sia in nongibot pinodoyon kon tangoi i Allah inta diá mato-matoi bo inta ain nomia kon ḷangit bo butá, dagat bo bayongan in tombonunea. Malaekat tatua in noguman, “Wakutunea in diá bidon sorongon bui!

SAMUEL 1 15:29

Inta Momulia ki Allah in Israel in diábí monguboḷ bo diábí doman momanasaḷ, sin Sia in deemanbí intau.”