IḶUAIAN 6:7 - Alkitab Singog In Mongondow Masa In Tanaa

⁷ Moiko in diaan-Ku mayá in butá inta pinodandi-Ku takin nongibot kon i Abraham, kon i Ishak bo kon i Yakub; butá tatua in ogoi-Ku kon inimu mobaḻí kapunyaanmu tontaní. Akuoi naa in ki Tuhan.”

IḶUAIAN 6:7 ပူးပေါင်းရင်းမြစ်များ

KINOBAḺIAN 26:3

Akuoi in moḷukadbí bo momarakat kon inimu. Komintan butá tanaa in ogoi-Kubí kon inimu bo kon buímu. Intompodan-Kubí in dandi-Ku inta ain pinoguman-Ku kon i Abraham ki amámu.

KINOBAḺIAN 28:13

Bo kon diugneamai sinimindogdon in ki Tuhan bo noguman, “Akuoi naa in ki Tuhan, Allah inta sinumba i Abraham bo i Ishak. Akuoi in mobogoi kon inimu bo kon buímu in butá tampat inta pinosiuganmu tanaa.

DATU MITA IMITÁNEA 20:28

Bo namangoidon in nabi tobatú kon i Datu Ahab bo noguman, “Naa in pinoguman i Tuhan: ‘Popisí in intau mita in Siria tatua norai kon Akuoi in tongábí nongawasa kon buḷud bo diábí in kon ḷopá, dá popountung-Kubí in moiko nongkon tontara monia inta diádon poḻiuan in kobayongnea tua. Iko bo rayatmu in monotaaubí kon Akuoibí in ki Tuhan.’ ”

DATU MITA IMITÁNEA 8:60

Pongin natua dá bayongan in bangusa kon dunia in monotaaudon kon tongábí ki Tuhan tontaní in Allah, diábí in ibanea mako.

NEHEMIA 1:10

Tuhan, kami naa in mogogundoi-Mu mita, umat-Mu tontaní inta pinosaḷamat-Mu pinongin kawasa bo ropot-Mu inta motoyang.

MAZMUR 100:3

Toropdon kon ki Tuhan tua in ki Allah. Sia in nomaḻí kon inaton bo Sia in kitogi kon inaton; kita in umat-Nea, bangusa inta iḷukadan-Nea.

MAZMUR 81:6

Binaḻí-Nea tobatú tompoingat kon bangusa in Israel, kon dodai in Sia noḷawang kon Mesir. Akuoi in nokodongog kon tosingogon inta diá kinotaauanku,

IḶUAIAN 13:14

Aka kon singgai moiduduimai ki adímu moḻibó onu in mangaḻe in tua komintan, yo nanaa in pototubag monimu, ‘Takin kawasa inta moḷoben, ki Tuhan nodia kon i naton iḻumuai nongkon butá in Mesir, tampat pinononggataan kon i naton.

IḶUAIAN 13:3

Ki Musa noguman kon bangusa Israel, “Kon singgai naa ki Tuhan nopoḷuatdon kon i monimu takin kawasa-Nea inta moḷoben, nodapot in moiko nokoḷuaidon nongkon Mesir, tampat pinononggataan kon i monimu. Tuamai, tanobdon in singgai tanaa. Donaaidon mokaan kon roti inta iragian.

IḶUAIAN 14:18

Dá kotaauandon intau In Mesir kon Akuoibí in ki Tuhan.”

IḶUAIAN 14:4

Baḻíon-Ku in sia motogat in gina sinbá aḷowanneadon in moiko. Táe poontong-Kudon in kawasa-Ku kon i datu in Mesir bo tontaranea mita, bá kotaauandon monia kon Akuoi naa in ki Tuhan.” Bo inaidandon intau in Israel onu inta ain pinarenta i Tuhan kon i monia.

IḶUAIAN 15:16

Sin mosia totokdon inagían ondok mokoontong kon ropot i Tuhan. Kon dodai in umat-Mu noitaḻib, musung modait dumoit; nosaḷamatdon in bangusa inta pinoḷuat-Mu.

IḶUAIAN 15:2

Ki Tuhan mototuḷungku inta moropot; Sia inta ain noposaḷamat kon inakó. Sia in ki Allahku, dayowonku in Sia, ki Allah sosumbaan in mogoguyangku, poḷantudonku in Sia.

IḶUAIAN 16:12

“Akuoi ain nokodongog kon gomong-gomot in intau Israel. Pogumandon kon i monia: kon ḷoḷabungnea mosia in mokaanbí kon ponoyá, bo doḷo-doḷom mosia mokaan kon roti modapot in mobotug. Dá kotaauandon monia kon Akuoibí in ki Tuhan, ki Allah monia.”

IḶUAIAN 16:6

Dá ki Musa bo ki Harun nogumandon kon bayongan intau mita Israel, “Ḷoḷabungnea naa kotaauandon monimu kon ki Tuhanbí tua inta nodia kon i monimu iḻumuai nongkon Mesir.

IḶUAIAN 2:11

Kon dodai in ki Musa tayowmobiagdon, minayá in sia nokipodungkuḷ kon intau mita inta tongo bangusanea. Inontongnea in mosia pinakisa totok in mogaid. Inontongnea doman intau in Mesir tobatú nomongkug kon intau in Ibrani.

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 7:17

Tuamai, ki Tuhan noguman nanaa, ‘Nongkon onu in aidan-Ku moiduduimai naa, yo kotaauanmudon kon Akuoibí in ki Tuhan. Tungkud tanaa pomobakku kon tubig in ongkag tanaa, bo tubig tanaa mobaḷuidon mobaḻí dugú.

YESAYA 41:20

Dá bayongan in intau in mokoontongbí kon inia bo monotaau kon Akuoi, ki Tuhan, inta nogaid kon tua. Mosia in monaridibí bo momangaḻe, Ki Allah mokudus in Israel in nonompia kon tua.”

YESAYA 49:23

Datu mita in naondadon bo ki amámu, bo bokí mita in nobaḻí ki inámu. Mosia in tumungkudbí mohoromat kon inimu bo tumonsiup kon inimu. Dá kotaauanmudon kon Akuoi in ki Tuhan; intau inta inumandoḷ kon i-Nakó in diábí pokuyangon in gina.”

YESAYA 49:26

Baḻíon-Kubí in musungmu moḷoḷangu in dugú, dá mosia in mosiḻimodandon. Dá bayongan in intau in monotaaudon, kon Akuoi, ki Tuhan, Mopoposaḷamatmu; Inta Totok in moropot, ki Allah i Yakub, in Mototobutmu.”

YESAYA 51:15

Sin Akuoibí in ki Tuhan Allahmu, inta nopoḻimbok in dagat dá bokoḷnea in motorauk mako. Inta Totok in mokawasa tuata in tangoi-Ku.

YESAYA 60:16

Iko in biagonbí in bangusa mita bo in datu mita, naonda bo iná tobatú momiag kon i adínea. Dá kotaauanmudon kon Akuoibí in Tuhan, Mopoposaḷamatmu, bo ki Allah in Israel inta moropot in Mopopoḷuatmu.

YESAYA 63:8

Ki Tuhan in noguman, “Totuu, mosia in umat-Ku, adí mita inta diá mokokudai kon gina.” Dá Sia in nobaḻí mopoposaḷamat monia,

YEREMIA 31:33

Naa in dodandian mobagu inta bain pomiaan-Ku takin umat in Israel: Hukum-Ku mita in tagúon-Ku kon bonu in gina monia, bo paison-Ku kon gina monia. Akuoi in mobaḻí Allah monia, bo mosia in mobaḻí umat-Ku.

YEHEZKIEL 20:19

Akuoibí in ki Tuhan Allahmu. Duduiaidon in hukum mita bo parenta-Ku mita.

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

IMAMAT 11:44

Akuoi naa in ki Tuhan Allahmu, tuamai ḷukadaidon sinbá moiko umuran motusi, sin akuoi naa in motusi.

IMAMAT 11:45

Akuoi naa in ki Tuhan inta nodia kon i monimu iḻumuai nongkon Mesir, sinbá Akuoi mobaḻí ki Allahmu. Moiko musti motusi, sin Akuoi naa in motusi.

ZAKHARIA 13:9

Tongádon 1/3 nea in mosaḷamat. Bo mosia tua in potusion-Ku naonda bo saḷaka inta pinomurni in tuḷú. Mosia in ujion-Kubí naonda bo intau moguji kon buḷawan. Bo mosia in mosambayang kon i-Nakó, bo tubagan-Ku in mosia. Akuoi in moguman kon i monia kon mosia in umat-Ku, bo akúon doman monia kon Akuoibí in ki Tuhan Allah monia.”

PINOGIAPAN 15:41

Akuoi in ki Tuhan Allahmu; Akuoi nodia kon i monimu iḻumuai nongkon Mesir sinbá Akuoi mobaḻí ki Allahmu, Akuoi in ki Tuhan.”

MATIUS 22:32

‘Akuoi in ki Allah i Abraham, ki Allah i Ishak bo ki Allah i Yakub.’ Sia deemanbí ki Allah in intau minatoi, táe ki Allah in intau nobiag!”

SURAT I PAULUS KON JAMAAT RUM 8:31

Onu in motaau naton singogon kon soaḷ mita tatua? Aka ki Allah bo noyotakin naton yo ki ine in mokoḷawang kon i naton?

ULANGAN 14:2

Moiko nion in kapunyaan i Tuhan Allahmu; nongkon bayongan in bangusa kon dunia naa, moikobí nion inta piniḻí i Allah nobaḻí umat-Nea.”

ULANGAN 26:18

Singgai in naa ki Tuhan motarima kon i monimu mobaḻí umat-Nea tontaní, ná inta pinodandi-Nea kon inimu, bo Sia in nomarenta kon inimu mogaid kon bayongan in parenta-Nea.

ULANGAN 29:12

Ki Tuhan Allahmu nomia kon dodandian takin monimu, bo moiko komintan noyosipun kon naa sin mopoyotogot in dodandian tatua takin motarima kon kowajibannea mita.

ULANGAN 29:13

Pinongin dodandian tatua ki Tuhan singgai naa nopobaḻídon kon i monimu bangusa-Nea, bo Sia in nobaḻí Allahmu ná inta pinodandi-Nea kon inimu bo kon mogoguyangmu ki Abraham, ki Ishak bo ki Yakub.

ULANGAN 29:5

Opat nopuḷú notaong in koonggotnea ki Tuhan nodia kon i monimu nongin padang gurun, tongá pakeang bo silopmu in diábí nokoyongan.

ULANGAN 4:20

Táe moiko in bangusa inta pinosaḷamat-Nea nongkon Mesir, tampat inta kinororigaan totok monimu. Moiko in dinia-Nea iḻumuai nongkon butá tatua, sinbá mobaḻí bangusa-Nea tontaní ná kaadaanmu tanaa mako.

ULANGAN 7:6

Aidaidon in tua komintan sin moiko nion in kapunyaan i Tuhan Allahmu. Nongkon bayongan bangusa kon dunia naa, moikobí nion inta piniḻí i Tuhan Allahmu mobaḻí umat inta sinondí kinotabi-Nea.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.

PETRUS 1 2:10

Koḻipod moiko in deemanbí umat i Allah, táe masai in naa moiko in nobaḻídon umat i Allah. Koḻipod moiko in diá kinotabi i Allah, táe masai naa moiko ain notarima kon totabi-Nea.

WAHYU 21:3

Bo akuoi in nokodongog kon baḷú moropot nongkon tampat pomomarentaan tatua, noguman: “Indoiai! Tanaa mako tampat pogogutunan i Allah kon yua-yuakdon in intau! Sia in mobiagdon takin i monia, bo mosia in mobaḻídon umat-Nea. Bo ki Allah in mogutundon kon sigad monia bo mobaḻídon ki Allah monia.

WAHYU 21:7

Intau mita inta mountung, mokouḻí kon soaḷ mita natua nongkon i-Nakó, bo Akuoi in mobaḻí ki Allahnea, bo sia in mobaḻí ki adí-Ku.