IḶUAIAN 6:5 - Alkitab Singog In Mongondow Masa In Tanaa

⁵ Dá potaaudon kon bangusa Israel kon Akuoi ain noguman: Akuoi naa in ki Tuhan; moiko in pilatan-Ku nongkon pinononggataan in bangusa Mesir. Akuoi in mopoontongdon in kawasa-Ku inta motoyang sin moposaḷamat kon i monimu bo mopoḷabú in hukuman inta mobogat kon bangusa Mesir.

IḶUAIAN 6:5 ပူးပေါင်းရင်းမြစ်များ

KINOBAḺIAN 8:1

Ki Allah in diábí nokoḻiong kon i Nuh bo bayongan in mahaḷuk inta noyotakinnea kon bonu in uangga moḷoben tatua. Binaḻí i Allah in tompot nogirup, dá tubig tatua in momangkoidon momiot.

KINOBAḺIAN 9:15

yo kotoropan-Ku in dandi-Ku kon i monimu bo kon bayongan mahaḷuk inta nobiag, kon ḷunud moḷoben in diá bidon bui moyopú kon bayongan inta nobiag.

MAZMUR 105:8

Sia in umuranbí mokotorop kon dodandian-Nea, dandi-Nea in mononoibí.

IḶUAIAN 2:23

Noonggot mako kon tua ki datu in Mesir minatoidon. Táe bangusa Israel umuranpa doman mogamui popisí in mosia umuranpa doman sinonggata, nodapot in mosia nomaḷú mokituḷung. Amui monia tatua dinongogdon i Allah.

IḶUAIAN 2:24

Inindongogan i Allah in mosia, bo kinotoropan-Neadon in dodandian-Nea takin i Abraham, i Ishak bo i Yakub.

IḶUAIAN 3:7

Bo ki Tuhan noguman, “Inontong-Kudon in roriga in umat-Ku kon Mesir, bo dinongog-Ku domandon in mosia mopoigum sin poḷúat nongkon pinononggataan kon i monia. Ain bidon kinotaauan-Ku in roriga monia.

IḶUAIAN 5:4

Guman i datu kon i Musa bo kon i Harun, “Nongonu sin pogogaionbí monimu in intau mita tatua kon oaidan monia tua? Potabádon in ata mita tatua mogaid!

YESAYA 63:9

Sia tontaní in kinoantugan in roriga monia. Ki Tuhan in diábí nopotabá in totabá andeka duta; Siabí tontaní inta nopoḷuat kon i monia popisí in tabi bo totabi-Nea. Sia in umuranbí momiag kon i monia nongkon tungkuḷpabímai.

LUKAS 1:54

Sia in motuḷung kon Israel inta simpaḷ-Nea, podudui in dandi inta pinodandi-Nea kon i mogoguyang naton.

LUKAS 1:72

Sin mopoontong in totabi-Nea kon i mogoguyang naton podudui in dandi-Nea. Sin dandi-Nea tua in umuranbí kinotoropan-Nea.