IḶUAIAN 6:2 - Alkitab Singog In Mongondow Masa In Tanaa

² Akuoi nokipogontong kon i Abraham, kon i Ishak bo kon i Yakub mobaḻí ki Allah Inta Totok in Mokawasa, táe Akuoi in diábí ginumuman kon i monia takin tangoi ki ‘Tuhan’.

IḶUAIAN 6:2 ပူးပေါင်းရင်းမြစ်များ

KINOBAḺIAN 15:7

Onda intua ki Tuhan bui noguman kon inia, “Akuoi naa in ki Tuhan, inta ain nodia kon inimu iḻumuai nongkon butá in Ur kon Babilonia, sin mobogoi in butá tanaa kon inimu mobaḻí kapunyaanmu.”

IḶUAIAN 12:12

Kon doḷom tatua moḻibudon in Akuoi kon bayongan butá in Mesir, bo momatoi kon bayongan adí ḷoḷaki inta guya-guyang, pinomayá intau, ande biag. Akuoi in mohukumdon kon bayongan inta sumbaanmai monia kon Mesir, sin Akuoibí in ki Tuhan.

IḶUAIAN 14:18

Dá kotaauandon intau In Mesir kon Akuoibí in ki Tuhan.”

IḶUAIAN 15:3

Ki Tuhan in pojuang inta totok moropot, Ki Tuhan, tuata in tangoi-Nea.

IḶUAIAN 17:1

Onda intua bayongan umat in Israel nonaḷámaidon kon padang gurun Sin bo nomampi-mamping mako nongkon tampat tobatú mopobayá in tampat ibanea podudui in parenta i Tuhan. Nokoimontandon mosia in nononḷoḷaigan kon Rapidim, táe kon tua diá in tubig inumon.

IḶUAIAN 20:2

“Akuoi naa in ki Tuhan Allahmu inta nopoḷuai kon i monimu nongkon Mesir tampat inta pinononggataan kon i monimu.

IḶUAIAN 3:14

Guman i Allah, “Akuoi in AKUOIBÍ INTA OYÚON. Naa in musti singogonmu kon bangusa Israel, Sia inta sinangoi AKUOI INTA OYÚON, ain nopotabá kon inakó namangoi kon i monimu.

IḶUAIAN 3:15

Potaau domandon kon i monia kon Akuoi, Tuhan, ki Allah in mogoguyang monia, ki Allah i Abraham, i Ishak bo i Yakub, nopotabá kon inimu namangoi kon i monia. Akuoibí naa in ki Tuhan, tuata in tangoi-Ku mononoi. Tuata in ponangoi kon i-Nakó kon bayongan bangusa dapot in adí bo ompu.

IḶUAIAN 6:29

Táe ki Musa in notubag, “Tuhan, kinotaauan-Mudon kon akuoi naa in diá motoḻindat mosingog. Dá umpaka yo ki datu moibog mokidongog kon inakó?”

IḶUAIAN 6:6

Moiko in baḻíon-Ku umat-Ku, bo Akuoi in mobaḻí ki Allahmu. Dá kotaauandon monimu kon Akuoi naa in ki Tuhan, Allahmu, inta nopoḷuat kon i monimu nongkon pinononggataan kon Mesir.

IḶUAIAN 6:8

Bayongan koyow i Tuhan tatua pinotaau i Musa kon bangusa Israel, táe mosia in doí mopandungmai kon i Musa, sin pinononggataan inta totok in moraat tatua ain nokoinggamádon kon kamang monia.

YESAYA 42:8

Akuoibí in ki Tuhan, tuata in tangoi-Ku; Koagungan-Ku in diábí ogoi-Ku kon i ineka; Tangoi-Ku inta ponango-nangoian in diábí ogoi-Ku kon patong.

YESAYA 43:11

Akuoibí in Tuhan inta tuḷong tua, koḻikud in Akuoi diábí in moposaḷamat.

YESAYA 43:15

Akuoibí in Tuhan, Allahmu Inta Mokudus, Datumu, inta nomaḻí kon inimu, ei Israel!”

YESAYA 44:6

Naa in guman i Tuhan Inta Totok in Mokawasa, Datu bo moḷoḷukad in Israel, “Akuoi in Allah inta tongá totobatú, Inta muna-munamai bo inta imbuitnea totok.

YEREMIA 9:24

Ki ine in moibog mopoyunggaga in onuka, yo mustibí moyunggagá sin sia in nonotaaudon bo nomangaḻedon kon i-Nakó; bo kinotaauanneadon kon tabi-Ku modapot in mononoi bo Akuoi in moposindogbí in hukum bo inta moadil kon dunia. Tua komintan in mokosanangbí kon gina-Ku. Akuoi, ki Tuhan, inta ain noguman kon tua.”

YEHEZKIEL 20:5

Poyaputdon in onu inta pinoguman-Ku tanaa. Akuoi in nomiḻídon kon Israel bo nongibotdon kon i monia. Kon Mesir, Akuoi in nokipogontong kon i monia poḷat noguman, ‘Akuoi naa in ki Tuhan Allahmu.’

MALEAKHI 3:6

“Akuoibí in ki Tuhan, bo Akuoi in diábí mobaḷui. Tuamai in moiko buí i Yakub, diá iyopú.