IḶUAIAN 6:14 - Alkitab Singog In Mongondow Masa In Tanaa

¹⁴ Ki Simeon bo ki buḷoinea inta bobay in Kanaan kogadí kon adí ḷoḷaki onom: Ki Yemuel, ki Yamin, ki Ohad, ki Yakhin, ki Zohar bo ki Saul. Mosia tua in mogoguyang in suku Simeon.

IḶUAIAN 6:14 ပူးပေါင်းရင်းမြစ်များ

KINOBAḺIAN 46:11

Ki Lewi; ki adínea mita: ki Gerson, ki Kehat bo ki Merari.

KINOBAḺIAN 46:9

ki Ruben, adí guya-guyang; ki adínea mita: in ki Henokh, ki Palu, ki Hezron bo ki Karmi.

TAWARIKH 1 5:24

Naa in tongguḷu mita in inanakan monia: ki Heper, ki Yisei, ki Eliael, ki Azriel, ki Yeremia, ki Hodawya bo ki Yahdiel. Mosia in tontara mita inta mongotorindog.

TAWARIKH 1 5:3

Ki Ruben ki adí guya-guyang i Yakub, in kogadí kon adí ḷoḷaki taya opat: ki Henokh, ki Palu, ki Hezron bo ki Karmi.

TAWARIKH 1 7:2

Ki Tola in kogadí kon adí ḷoḷaki onom: ki Uzi, ki Repaya, ki Yariel, ki Yahmai, ki Yibsam bo ki Samuel. Mosia in tongguḷu in motoḷuadí kon bonu in inanakan i Tola bo pinonango-nangoian tontara inta mongotorindog. Kon tungkuḷ in ki Daud datu, kobayong in buí monia in 22.600.

TAWARIKH 1 7:7

Ki Bela in kogadí kon ḷoḷaki ḻima: ki Ezbon, ki Uzi, ki Uziel, ki Yerimot bo ki Iri. Mosia in tongguḷu in motoḷuadí kon bonu in inanakan monia bo ponango-nangoian kon tontara inta totok in mongotorindog. Kon bonu in daptar buí monia kinopaisan in 22.034 in intau ḷoḷaki inta motaaudon mobaḻí tontara.

TAWARIKH 1 8:6

Buí i Ehud in ki Naaman, ki Ahia bo ki Gera. Mosia in tongguḷu mita in motoḷuadí inta dungkuḷmai in nogutun kon Geba. Táe mosia in pinoguntun nongkon tua, bo kon bonu in tongganut i Gera nomamping in mosia kon Manahat bo nogutun kon tua. Ki Gera in kogadí kon doyowa: ki Uza bo ki Ahihud.

IḶUAIAN 6:13

Naa in mogoguyang i Musa bo i Harun: Ki Ruben, ki adí guya-guyang i Yakub, kogadí kon adí ḷoḷaki opat: ki Henokh, ki Palu, ki Hezron, bo ki Karmi. Mosia tua in mogoguyang in suku i Ruben.

IḶUAIAN 6:25

Ki Harun bo ki Musa tuata inta pinarentaan i Tuhan modia kon intau mita Israel ḷumuai nongkon butá in Mesir.

PINOGIAPAN 1:18

in nopotabá kon bayongan umat noyosipun kon singgai imitánea buḷan nogindua, bodongka pinipid in inanakan monia podudui in inanakan mita inta oyúon kon bonu in batúan suku monia. Tangoi in bayongan intau ḷoḷaki inta umurdon doyowa nopuḷú notaong bo namonik pinais bo iniap,

PINOGIAPAN 26:12

Nongkon suku i Simeon: Inanakan i Nemuel, i Yamin, i Yakhin,

YOSUA 13:15

Tongobotak nongkon butá inta pinodandi i Tuhan kon umat in Israel tua ain inogoi i Musa kon motoḷuadí kon bonu in suku i Ruben, sin mobaḻí butá kapunyaan monia.

YOSUA 13:23

Ongkag in Yordan in nobaḻí doman sigad kon dotá in toyopan kon butá in suku Ruben. Tuata in kotá mita bo desa mita inta inogoi kon motoḷuadí kon bonu in suku Ruben sin mobaḻí butá kapunyaan monia.

YOSUA 14:1

Noiduduimai naa in ouman kon naonda in butá in Kanaan kon dotá in toyopan kon Ongkag in Yordan sinilai-silai kon umat in Israel. Inta nosilai kon butá tatua kon umat in Israel in ki Imang Eleazar, ki Yosua adí i Nun, bo tongguḷu mita in motoḷuadí kon bonu in suku mita in bangusa Israel.

YOSUA 19:51

Natuata in ki Imang Eleazar, ki Yosua adí i Nun bo tongguḷu mita in motoḷuadí kon bonu in suku mita kon bangusa Israel nosilai kon butá tatua takin nomaké in undi sin mopoigum in topotundú nongkon i Tuhan. Inaidan monia intua kon Silo kon tayowon in ngara in Ḷoḷaigan i Tuhan. Nopaḷutdon in pinosilaian kon butá tatua.