IḶUAIAN 6:13 - Alkitab Singog In Mongondow Masa In Tanaa

¹³ Naa in mogoguyang i Musa bo i Harun: Ki Ruben, ki adí guya-guyang i Yakub, kogadí kon adí ḷoḷaki opat: ki Henokh, ki Palu, ki Hezron, bo ki Karmi. Mosia tua in mogoguyang in suku i Ruben.

IḶUAIAN 6:13 ပူးပေါင်းရင်းမြစ်များ

MAZMUR 91:11

Ki Allah in mopotabábí in malaekat-Nea moḷukad kon inimu, sin mogoḻingoi kon inimu kon ondakabí in bayáanmu.

IḶUAIAN 6:12

Natuata in pinopopotabá i Tuhan kon i Musa bo kon i Harun sin mopotaau kon bangusa Israel bo kon i datu in Mesir kon mosia in pinotabábí i Tuhan modia kon intau in Israel ḷumuai nongkon butá in Mesir.

IḶUAIAN 6:14

Ki Simeon bo ki buḷoinea inta bobay in Kanaan kogadí kon adí ḷoḷaki onom: Ki Yemuel, ki Yamin, ki Ohad, ki Yakhin, ki Zohar bo ki Saul. Mosia tua in mogoguyang in suku Simeon.

IḶUAIAN 6:26

Taya dua minayá kon tayowon i datu in Mesir sinbá sia mopoḷuatdon kon intau israel.

PINOGIAPAN 27:19

Pokisindogaidon in sia kon tayowon i Imang Eleazar bo bayongan umat. Bo kon tayowon monia komintan iko in musti mopotaau kon ki Yosua tua in toḻiumu.

PINOGIAPAN 27:23

Bo nopoukat in ḻimanea kon uḷu i Yosua bo nopotaau kon ki Yosua tua in toḻiunea, ná inta ain pinoguman i Tuhan kon inia.

MATIUS 4:6

bo Ibilis in noguman kon i-Nia, “Aka Iko in ki Adí i Allah, yo ḷandukka monag, sin ain pinais kon Buk Motusi nanaa: Pokisingkapbí i Allah kon malaekat-Nea mita Iko, sinbá diá moidatong kon batu in sioḷ-Mu.”

ULANGAN 31:14

Onda intua ki Tuhan noguman kon i Musa, “Kobiaganmu in diádon moonggot. Dá, oinídon in ki Yosua bo diádon in sia kon Ḷoḷaigan-Ku, sinbá Akuoi in motaaudon mobogoi in topotundú mita kon inia.” Dá minayádon in ki Musa bo ki Yosua kon Ḷoḷaigan i Tuhan,

TIMOTIUS 1 1:18

Timotius, adíku! Oaidan tanaa in inogoiku kon inimu pinodudui kon koyow i Allah inta ain pinoyaput in nabi mita kon jamaat soaḷ iko. Baḻídon baḷunmu in koyow i Allah tatua in mogaid kon bayongan oaidan inta mopia. Poramuji totu-totuu takin umuran kumadai kon inta moitutui bo paké in gina motuḻid bo modarit.

TIMOTIUS 1 5:21

Kon tayowon i Allah, bo i Yesus Kristus bo in malaekat mita inta piniḻí-Nea, pogumankudon kon inimu sinbá dumuduidon in iko totu-totuu kon onu inta sinundúku mita tanaa, ḷumbúbí in raianmu inta diá mopia kon i inekabí bo aidaidon in naa komintan bo dikabí mopoyoposi kon intau.

TIMOTIUS 1 6:13

Bo tanaa mako, kon tayowon i Allah inta ain nobogoi in kobiagan kon bayongan in yagi-yagi, bo kon tayowon i Kristus Yesus inta ain noguman kon onu in totuu kon i Pontius Pilatus. Poigumonku in naa kon inimu:

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

TIMOTIUS 2 2:4

Tobatú prajurit inta koyogot in moparang diá bidon morai kon kopontingannea tontaní, sin moibog in sia moposanang in gina i tuangnea.

TIMOTIUS 2 4:1

Ki Kristus Yesus in mamangoi bui kon dunia naa sin monantúdon kon taḷá in intau mita inta nobiagpa bo inta ain minatoi. Bo mamangoidon in Sia momarenta saḷaku Datu. Tuamai kon tayowon i Allah bo i Yesus Kristus, poigumonkudon totok kon inimu.