IḶUAIAN 5:9 - Alkitab Singog In Mongondow Masa In Tanaa

⁹ Pakisadon totok intau mita tatua mogaid, sinbá mosia tantú mogaid kon oaidan monia bo diádon in kasampatan monia mokidongog kon ouman mita inta diá totuu.”

IḶUAIAN 5:9 ပူးပေါင်းရင်းမြစ်များ

DATU MITA 2 18:20

Kainimu kamai dá tosingogon in motaaubí monombaḷui kon siasat bo ropot in tontara? Ki ine in pongatamu, modapot in mokobaḻíbí in iko moḷawang kon Asyur?

AYUB 16:3

Toonu in moiko mogogai mosingog kon ambungangaḷ? Onu in nokopopisí kon i monimu motubag?

IḶUAIAN 5:10

Moḷoḷukad mita in bangusa Mesir bo mandor mita Israel tatua iḻumuai bo noguman kon intau mita Israel, “Datu in nomarenta sinbá moiko in diádon ogoian in wawa.

IḶUAIAN 5:8

Táe pokiaidaibí doman in mosia in tela inta kobayongnea ná doman inta muna, donaai gaatan. Mosia tua in intau mita maḷat; tuamai mosia in umuran mongunsingog sinbá ogoi in mosia mayá sin moposumba in kuruban kon i Allah monia.

YEREMIA 43:2

Bo ki Azarya ki adí i Hosaya bo ki Yohanan ki adí Kareah takin bayongan in intau inta mododia tua in noguman kon inakó, “Mouboḷ in iko. Ki Tuhan Allah naton in diábí nopotabá kon inimu moḷamboi kon inami in mayá mogutun kon Mesir.

ZAKHARIA 1:6

Pinongin in nabi mogogundoi-Ku mita tatua, pinotaau-Ku in parenta mita bo tompoingat-Ku mita kon mogoguyangmu. Táe diá pinandungmai monia dá mosia in musti mobaba kon bungainea. Bo nomanasaḷ in mosia bo ináku monia kon Akuoi, ki Tuhan Inta Totok in mokawasa, nohukumdon kon i monia pinodoyon kon taḷá monia, bo noitombutung kon onu inta ain sinantú-Ku.”

MALEAKHI 3:14

Moiko in noguman, ‘Diábí in mangaḻenea in mogundoi kon i Allah. Onubí in baragunanea in mopobayá in oaidan naton kon i Tuhan Inta Totok in mokawasa, andeka mopoontong kon i-Nia kon kita in nomanasaḷdon kon aid naton inta noitaḷá?

EPESUS 5:6

Donaai in moiko koakaḷan in singog mita inta diá in baragunanea. Sin soaḷbí mita natua inta mokopomuká kon sakí in gina i Allah kon intau mita inta diá motoindudui kon i-Nia.