IḶUAIAN 5:4 - Alkitab Singog In Mongondow Masa In Tanaa

⁴ Guman i datu kon i Musa bo kon i Harun, “Nongonu sin pogogaionbí monimu in intau mita tatua kon oaidan monia tua? Potabádon in ata mita tatua mogaid!

IḶUAIAN 5:4 ပူးပေါင်းရင်းမြစ်များ

IḶUAIAN 1:11

Dá intau mita in Mesir nomiḻídon kon intau mita nobaḻí toimata kon intau mita Israel sin moposaged kon kobobiag monia takin momakisa totok kon i monia mogaid. Mosia in pinakisa moposindog kon i datu in kotá mita Pitom bo Raamses sin baḻíon tampat potagúan kon barang mita.

IḶUAIAN 2:11

Kon dodai in ki Musa tayowmobiagdon, minayá in sia nokipodungkuḷ kon intau mita inta tongo bangusanea. Inontongnea in mosia pinakisa totok in mogaid. Inontongnea doman intau in Mesir tobatú nomongkug kon intau in Ibrani.

IḶUAIAN 6:5

Dá potaaudon kon bangusa Israel kon Akuoi ain noguman: Akuoi naa in ki Tuhan; moiko in pilatan-Ku nongkon pinononggataan in bangusa Mesir. Akuoi in mopoontongdon in kawasa-Ku inta motoyang sin moposaḷamat kon i monimu bo mopoḷabú in hukuman inta mobogat kon bangusa Mesir.

YEREMIA 38:4

Dá minayádon in pojabat mita tatua kon i datu bo noguman, “Intau tanaa in mustibí hukumon matoi. Sin pongin singognea natua sia in mokoinggamá kon ibog in bayongan tontara bo intau ibanea inta nogutunpa kon kotá tanaa. Sia in diábí motuḷung kon rayat, táe mopoboditobí kon i monia.”

AMOS 7:10

Ki Amazia, imang kon Betel, nokidia in lapuran tanaa kon i Yerobeam datu in Israel, “Ki Amos in koyogot noyopakat in rayat monayow kon i Tuang datu. Tosingogonnea mita inta monundud kon patú in rayat in mokopopisí kon butá tanaa in morimumud.

LUKAS 23:2

Kon tua in mosia mulaidon bo moponapud in tosingogon diá totuu kon i-Nia. Mosia in noguman, “Kinokadapatandon nami intau tanaa in notundú kon diá totuu kon intau moantó. Bo bayongan intau in daiton-Nea pongaruon sinbá doí moguboḻi kon pajak kon i Kaisar, sin kai-Nia Sia in tobatú Datu Mopoposaḷamat.”

OUMAN IN RASUL MITA 24:5

Aindon kinokadapatan nami kon intau tanaa mongongacaubí inta mokobahaya. Sin kon ondakabí in bayáannea, sia in umuran mokopomuká kon ropatoi kon sigad in intau Yahudi. Sia naa in nobaḻídon itoi intau in Nazaret.