IḶUAIAN 5:21 - Alkitab Singog In Mongondow Masa In Tanaa

²¹ Dá mandor mita tatua in noguman, “Kinotaauanbí i Tuhan in oaidmu nion! Hukumondon i Tuhan in moiko! Popisídon in moiko dá kami in kinodoídon i datu bo pogawainea, dapot in mosia moḻimodon kon inami.”

IḶUAIAN 5:21 ပူးပေါင်းရင်းမြစ်များ

KINOBAḺIAN 16:5

Bo ki Sarai in noguman kon i Abram: “Inogoikudon in ki Hagar bobantungku tua kon inimu, tongá naonda in kinotaauannea kon sidia in sia, sia in moningkuḻemaidon kon inakó. Tua in taḷámudon. Poigumon mako ki Tuhan mobaḻídon hakim kon sigad inatonda.”

KINOBAḺIAN 31:53

Ki Allah inta sinumba i Abraham bo sinumba i amáku ki Nahor in mobaḻí hakim kon sigad natonda.” Bo ki Yakub nongibot pinodoyon kon i Allah inta sinumba i Ishak, ki amánea, sin dumudui mogaid kon dandinea.

KINOBAḺIAN 34:30

Ki Yakub noguman kon i Simeon bo kon i Lewi, “Moiko mokopororigamaidon kon inakó. Tanaa intau in Kanaan bo intau in Peris bo bayongan intau kon butá kon naa moyaatdon in gina monia kon inakó. Intau mita naton tongábí topiḻik; aka komintan intau kon naa motobatú komintan moḷawang bo monubu kon inakó, yo bayongan buḷoi, adí bo ginaḷum naton modaitbí moyopú.”

SAMUEL 2 10:6

Onda intua intau in Amon nosadardon kon aid monia tua in nokopomukádon kon saturu i Daud kon i monia. Tuamai in nonondan in mosia kon 20.000 in tontara in Siria inta nogutun kon Bet-Rehob bo Zoba, bo 12.000 in tontara nongkon Tob, takin datu in butá in Maakha bo intaunea 1.000.

TAWARIKH 1 19:6

Bo ki Datu Hanun bo intau in Amon nonotaaudon kon aid monia tua in nokopopisídon kon i Daud nosaturu kon i monia. Tuamai in nokidiadon in mosia kon 34.000 nokilo in saḷaka kon butá in Mesopotamia Ḻimonik, bo kon Maakha bo Zoba kon Siria sin monondan kon 32.000 in kereta in parang bo tontara inta tumakoi kon kabaḷo. Dá namangoidon in tontara i Datu Maakha takin bayongan in kereta in parang inta sinondanan tatua bo nononḷoḷaigan kon diug in Medeba. Intau in Amon in namangoi domandon nongkon bayongan in kotá monia sin moparang.

IḶUAIAN 14:11

Guman monia kon i Musa, “Eta degá diá in poḷobongan kon Mesir, dá diniamu mangoi kon naa in kami sinbá matoi kon tampat tanaa? Indoiaika bungai in oaidanmu tatua!

IḶUAIAN 15:24

Dá intau mita tatua in nongunsingogdon kon i Musa bo noḻibó, “Onu in inumon naton?”

IḶUAIAN 16:2

Kon padang gurun tatua nongunsingogdon in mosia komintan kon i Musa bo kon i Harun.

IḶUAIAN 4:31

Dá nopirisayadon in mosia, bo naonda in dinongog monia kon ki Tuhan ain noḷongow kon bangusa Israel bo noindoidon kon bayongan roriga monia, mosia in sinumungkud bo nosumba.

IḶUAIAN 5:20

Naonda in mosia iḻumuai nongkon komaḻig, mosia in noyodungkuḷ i Musa bo i Harun inta mogoḷatmai kon i monia.

IḶUAIAN 6:9

Onda intua ki Tuhan noguman kon i Musa,

MOHOHUTUBA 10:1

Ḷangow inta minatoi mokobongkog kon ḷana mobondu tobotoḷ, kabodokan topiḻik mokoinggamá kon kapandoian inta moḷantud.

YESAYA 30:6

Nanaa in koyow i Tuhan soaḷ mahaḷuk mita inta kon butá in toḷatan, “Totabá mita nopodatog kon keledai bo unta monia in tombuinag mita, bo nongin butá inta nopuḻing in inta mokoondok inta pinogutunan in singa, uḷag mobisa bo naga kokoḻikipan. Tombuinag mita tatua pinosumba monia kon bangusa tobatú inta diá mokotuḷung kon i monia.

YOËL 2:20

Tontara in pangkoḷá nongkon utuan in untunon-Kubí, tongosilai in buntunon-Ku pobayá in rawang in bungaion. Bo inta kon pipidan dotá in muna in undudon-Ku pobayá ná Laut Mati, inta kon pipidan kon tumi in undudon-Ku pobayá in Dagat Toyuak. Awaknea mita in mobondotdon. Mosia in putúan-Ku sin nopororigadon kon i monimu.

PINOGIAPAN 14:22

tongá kon sigad in intau mita tanaa diádon tobatúmai in mosia in mobiagpa bo motaau tumuot kon butá inta pinodandi-Ku kon mogoguyang monia. Sin mosia in diá motoindudui kon i-Nakó, bo umuran monungkuḷ kon i-Nakó. Bokaka mosia ain nokoontong kon sindar nongkon i-Nakó, bo inta mokoherang mita inta pinomia-Ku kon Mesir bo kon padang gurun.

PINOGIAPAN 14:3

Onubí in mangaḻe in podiaan i Tuhan kon i naton mayá in tua? Bá matoi degá in kita kon parang bo buḷoi takin adí mita naton dakopon monia. Mopia-piabí kon mobui in kita kon Mesir!”

SAMUEL 1 13:4

Pinotaaudon kon bayongan in bangusa in Israel kon ki Saul ain noḻimod kon itoi in tontara in Pilistin tatua bo intau in Pilistin totokdon in moyaat in gina kon intau in Israel. Tuamai rayat in dinumuduidon kon tongganut kon moyotakindon i Saul kon Gilgal.

SAMUEL 1 27:12

Táe ki Akhis in nopirisayabí kon i Daud bo norai kon bonu in ginanea, “Sia tua in totokbí in kinodoí in bangusanea tontaní, dá pakisadon in sia nobaḻí bobantungku kinoouputbí in kinobiagannea.”