IḶUAIAN 5:2 - Alkitab Singog In Mongondow Masa In Tanaa

² “Ki ine in ki Tuhan tua?” iḻibó i datu. “Nongonu sin pandungonkubímai in Sia bo mobogoi kon bangusa Israel mayá? Diábí kinotaauanku in ki Tuhan tua, bo intau mita Israel in diábí ogoiku mayá.”

IḶUAIAN 5:2 ပူးပေါင်းရင်းမြစ်များ

DATU MITA 2 18:35

Dewa táonda degá inta nokoimontandon nopoḷuat kon butánea nongkon kawasaku? Mokoposaḷamat degá in ki Tuhan kon Yerusalem?’ ”

TAWARIKH 2 32:14

Ki ine in nongkon sigad monia in nokoimontandon nogaid kon natua? Diábí doman in dewamu in mokoposaḷamat kon i monimu!

TAWARIKH 2 32:15

Dikabí pomayá mako in datumu tatua mongakaḷ bo monguboḷ kon i monimu! Dika mopirisaya kon inia! Sin diábí kon dodai onda in dewa in bangusa taondaka in mokomampu mopoḷuat in bangusanea nongkon kawasa in datu in Asyur. Notantú bidon kon dewamu tua in diábí doman mokopoḷuat kon i monimu!”

TAWARIKH 2 32:19

Mosia in mongonguman kon i Allah inta sinumba kon Yerusalem notongkai ná doman dewa mita in bangusa ibanea, inta patong mita inta pinomia in intau.

NEHEMIA 9:10

Pinopoaid-Mu kon datu in Mesir in aid mita inta diá in poḻiuan, bo kon pogawai takin rayat kon butánea, sin kinotaauan-Mu naonda in pinororiga monia kon umat-Mu. Bo ponango-nangoiandon in tangoi-Mu noidapot in singgai naa.

AYUB 15:25

Natuata in nasib in intau inta monayow kon i Allah, bo inta mokobaḻí moḷawang kon i Inta Totok in Mokawasa.

AYUB 15:26

Takin dinumodia in sia nonubu bo noḷawang kon i Allah; sinonggónea in kaḻeawnea, doíbí in sia taḷowon.

AYUB 21:15

Irai monia, “Mogundoi kon i Allah in diábí in baragunanea, bo mosambayang kon i-Nia in diábí in mangaḻenea.

MAZMUR 10:4

Intau binaradosa in diábí mopandungmai kon i Tuhan, popisí in kaḷakuangnea dá norai in sia kon diábí in Allah.

MAZMUR 12:4

Popogogaidon in tosingogon mita inta modondouḷug tua, Tuhan, tukumaidon in intau mita inta moambungangaḷ,

MAZMUR 12:5

inta moguman, “Kami in mongawasa takin dilá nami! Onukabí motaaubí singogon nami, bo diábí in mokoḷamboi!”

MAZMUR 14:1

Kon i itoi in mododondong. Mazmur i Daud. Intau dondunguḷ in mosingog kon bonu in gina, “Diábí in ki Allah.” Aid monia in moraat bo moḻingá diá in mogaid kon inta mopia.

IḶUAIAN 3:19

Onda intua ki Allah in noguman bui, “Kinotaauan-Kubí kon ki datu Mesir in doíbí mopomayá mako kon i monimu mayá, koḻikudbí in aka sia pakisaan.

IḶUAIAN 7:17

Tuamai, ki Tuhan noguman nanaa, ‘Nongkon onu in aidan-Ku moiduduimai naa, yo kotaauanmudon kon Akuoibí in ki Tuhan. Tungkud tanaa pomobakku kon tubig in ongkag tanaa, bo tubig tanaa mobaḷuidon mobaḻí dugú.

AMSAL 30:9

Sin, aka akuoi in mooyúon, yo dika-dika bo akuoi in moguman kon akuoi in diábí moparaḷu kon ini-Mu. Bo aka akuoi mobiag bogá, yo dika-dika bo monakow in akuoi dá mokopooyámai kon tangoi-Mu.”

YEREMIA 42:13

Táe moiko inta nogutunpa kon Yohuda dikabí monombuḻitok kon i Tuhan Allahmu bo dika moguman, “Kami in doíbí mogutun kon butá tanaa. Kami in moibogbí mayá in Mesir bo mogutun kon butá tatua. Kon tua kami in diá bidon moparang, diádon mokodongog kon singog in torompet inta mogoiní sin moparang, bo diádon doman monahang kon roriga gogoyon.” Aka moiko tumontogat kon gina sin mayá in Mesir bo mogutun kon tua, naa in koyow i Tuhan Inta Totok in mokawasa, Allah in Israel, kon inimu:

YEREMIA 48:26

Ki Tuhan in noguman, “Popoḷoḷangudon in Moab, sin dinumodia in sia kon i-Nakó. Sia in monangkuḻitodbí kon totukanea, bo kinosingan in intau.

DANIEL 3:15

Yo, tanaa, moibog degá in moiko dumokó bo mosumba kon patong tatua kon dodai in musik posingogon? Aka moiko doí, yo moiko in baḷúdon pogonag kon bonu in tuḷú inta kodoko-dokot. Bo dewa degá táonda in mokoposaḷamat kon i monimu nongkon kawasaku?”

YOHANES 16:3

Tua in aidan monia kon inimu sin diápa kinotaauan monia in ki Amá andeka Akuoi.

SURAT I PAULUS KON JAMAAT RUM 1:28

Bo lantaran irasa in intau kon diábí paraḷu in mosia monotaau kon i Allah, dá pinomayá bidon mako i Allah in kogoguyaatan in raian monia, sahingga in nogaidon mosia kon soaḷ mita inta pinoton aidan.

TESALONIKA 2 1:8

bo takin tuḷú inta kodoko-dokot. Sia in mamangoi mohukum kon intau mita inta diá mopirisaya kon i Allah bo inta doí mokidongog kon Habar Mopia i Yesus Kristus ki Tuhan naton.

HAKIM MITA 2:10

Noiduduimai kon tua bayongan in topobiagnea minatoi domandon mita. Bo mosia inta nobiag noidudui kon tua diádon nonotaau kon i Tuhan, sin mosia in diá nokouma kon onu inta pinomia i Tuhan kon bangusa in Israel.

SAMUEL 1 2:12

Ki adí mita i Eli in mongoraat totok. Mosia in doí dumudui kon parenta i Tuhan

SAMUEL 1 25:10

Táe ki Nabal in notubag, “Ki Daud? Ki ine in sia? Ki inebí in ki adí i Isai tua? Diápabí kon dodai onda in kino dongoganku in soaḷ sia tua! Kon singgaimai tumi naa mobayong in bobantung inta moḷagui nongkon i Tuangnea in kon butá tanaa!