IḶUAIAN 40:9 - Alkitab Singog In Mongondow Masa In Tanaa

⁹ Onda intua Ḷoḷaigan bo bayongan touḷutnea musti posumbamu kon i-Nakó takin mopoḻepo in ḷana upacara, dá tua komintan tongábí ogoi kon i-Nakó.

IḶUAIAN 40:9 ပူးပေါင်းရင်းမြစ်များ

MAZMUR 45:7

Ki Allah in nobogoi in kawasa kon inimu momarenta, kawasa-Mu in modapotbí in mononoi; pinodoyon kon inta moadil iko in momarenta kon rayatmu.

IḶUAIAN 37:29

Ki Bezaleel nomia doman kon ḷana in upacara bo dupa totokea inta mobondu, pinoyobauk naonda bo ḷana mobondu.

IḶUAIAN 39:39

mezbah porunggu takin kawa sinoḷatak inta pinomia nongkon porunggu, kayu tombuḻigan bo bayongan touḷutnea; tampat in tubig ponondaritan takin aipnea,

IḶUAIAN 40:8

Onda intua bambédon in ḻeag poḻibu kon bosí in Ḷoḷaigan, bo popobambé domandon in toḻipoi ngara in bosínea.

YESAYA 11:2

Kawasa i Tuhan in mokapit kon inia, mopobaḻí kon inia mopia bo mobijaksana, mopandoi monimpod kon tosingogon bo mopoaid intua; monotaau kon ibog i Allah bo mopirisaya kon i-Nia.

YESAYA 61:1

Kawasa i Tuhan Inta Totok in Moḷantud oyúon kon inakó; Sia in nomiḻí bo nopotabá kon inakó sin modia kon habar mopia kon intau nobogá bo moḻipoi kon intau inta nokuyang in ginanea, sin mopotaau kon intau inta sinokodakop kon mosia in ḷagidon poḷuaton, bo kon intau mita kon bonu in ponjara kon mosia in ḷagidon poḷuaion.

YEHEZKIEL 28:14

Malaekat inta mokoondok sinampatmu kon tua sin moḷukad kon inimu. Iko in nogutun kon tudu in buḷud-Ku inta motusi bo minayá kon yua-yuak in batu permata inta mopouḻi-uḻinag.

IMAMAT 8:10

Bo ki Musa in nogamá kon ḷana upacara bo pinoḻeponea kon Ḷoḷaigan i Tuhan bo bayongan pakakatnea. Tua in moponiata kon bayongan in yagi-yagi aindon inogoi kon i Tuhan.

PINOGIAPAN 7:1

Kon dodai in ki Musa nopaḷutdon noposindog in Ḷoḷaigan i Tuhan, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

MATIUS 3:16

Naonda in nopaḷut binaptis, ki Yesus ḷagi nobatun nonaḷámai kon tubig tatua, bo kon dodai doman intua ḷangit nobukat bo inontong-Nea in Roho i Allah naonda bo ḷagapan paḷoma noponag kon i-Nia.

YOHANES 3:34

Sin ki ine in pinotabá i Allah, dá siabí tua in mopoyaput in pirman i Allah, sin sia in kinawasa bidon in Roho i Allah.

KORINTUS 2 1:22

Tuamai totu-totuu bidon binaḻí-Nea umat-Nea in kita poḷat inogoian-Nea in Roho, pinogonú kon gina naton saḷaku jaminan kon totu-totuubí ogoi-Nea onu inta ain pinodandi-Nea.

KORINTUS 2 1:4

Sia in tantú moginyopot kon gina nami kon dodai in kami kinoantugan in yoyiga, sahingga in nokosanggup doman in kami noginyopot kon gina in bayongan intau inta kinoantugan in yoyiga.

IBRANI 9:21

Natua doman in pinomia i Musa kon ḷoḷaigan i Tuhan bo kon bayongan in pakakat inta pakéonmai kon pooibadaan, nodaitnea pinisikan in dugú tatua.

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.