IḶUAIAN 40:29 - Alkitab Singog In Mongondow Masa In Tanaa

²⁹ bo kon tayowon ngara tatua inukatneadon in mezbah sin potuduan kon kuruban tubáan. Kon tudu in mezbah tatua pinosumbaneadon in kuruban sinubá bo kuruban sosumba.

IḶUAIAN 40:29 ပူးပေါင်းရင်းမြစ်များ

DATU MITA 2 16:14

Ki Ahas in nokoontong kon mezbah bitú inta pinotondí kon i Tuhan noiukat kon sigad in Baḷoi Tuhan bo mezbahnea inta nobagu. Tuamai in mezbah bitú tatua in pinampingnea nongkon muna in Baḷoi Tuhan pinobayá in dotá in utuan in mezbahnea inta nobagu tatua.

IḶUAIAN 40:28

Binambé domandon i Musa in toḻipoi ngara in Ḷoḷaigan,

IḶUAIAN 40:30

Porunggu tampat in tubig inukatnea kon sigad in Ḷoḷaigan bo mezbah, bodongka binonuannea in tubig.

IḶUAIAN 40:6

Ukatdon in mezbah pototubáan kon kuruban kon tayowon ḷoḻingkop in Ḷoḷaigan.

YEHEZKIEL 40:47

Ḷoḷaki tatua in nogukur kon dangkuḷon kon bonunea. Notonggopat intua: kobanat bo kooḷadnea in toḷoḻima nopuḷú nometer. Baḷoi Tuhan tua in kon dotá in toyopan, bo kon tayowonnea oyúon in mezbah tobatú.

YEHEZKIEL 43:18

Ki Tuhan Inta Totok in moḷantud in noguman kon inakó, “Ei intau ilo-ilow, indongogaidon in onu inta poguman-Ku kon inimu. Aka mezbah tatua moḷapatdon aidan, mustibí toimpaḷutonmu pongin motubá kon kuruban kon tudunea bo pisikan in dugú in kuruban intua.

IMAMAT 1:1

Nongkon Ḷoḷaigan-Nea, ki Tuhan nogoiní kon i Musa bo nopotaau in atorang mita tatua kon inia

MATIUS 23:19

Ei moiko intau mita bilog! Onu degá in moponti-ponting barang pinosumba andeka meja inta nokokudus kon inta pinosumba tatua?

IBRANI 13:10

Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

IBRANI 9:12

Ki Kristus in sinumuot kon Yuang Totok in Motusi kon ḷoḷaigan tatua tongábí komintan, diá bidon mopobui-buimai. Dodai intua Sia in diábí nodia kon dugú in bembé koḷakian andeka dugú adí in sapi sin posumba, táe dugú-Neabí tontaní in dinia-Nea. Bo dugú-Neabí tatua in nopobebas kon i naton dapot in kopaḷutannea.