IḶUAIAN 40:2 - Alkitab Singog In Mongondow Masa In Tanaa

² “Posindogdon in Ḷoḷaigan-Ku kon tanggal imitánea kon buḷan dungkuḷ.

IḶUAIAN 40:2 ပူးပေါင်းရင်းမြစ်များ

TAWARIKH 1 17:5

Pinangkoipa kon bangusa in israel pinoḷuat-Ku nongkon Mesir dapot in tanaa, diápa kon dodai in onda in Akuoi in nogutun kon bonu in baḷoi tobatú. Umuranbí in Akuoi modondaḷoi bo mogutun kon ḷoḷaigan tobatú.

TAWARIKH 2 29:3

Kon buḷan imitánea kon taong imitánea kon pinomarentaannea, ki Hizkia nomukat kon ḷoḻingkop mita in Baḷoi Tuhan bo nopotabá kon intau nonompia.

IḶUAIAN 13:4

Kon singgai tatua, tanggal imitánea buḷan Abib ande buḷan imitánea, moiko nonaḷámai kon butá in Mesir.

IḶUAIAN 19:1

Nopaḷut mako kon tua bangusa Israel nonaḷámai kon Rapidim, bo kon tanggal tobatú buḷan nogintoḷu naonda in mosia nonaḷámai kon Mesir, nodapotdon in mosia kon padang gurun Sinai. Mosia in nononḷoḷaigan kon sioḷmai in Buḷud Sinai,

IḶUAIAN 26:1

“Pomiadon kon ḷoḷaigan Kon sigad in ḷoḷaigan mopuḷú tatua pomia doman kon i-Nakó in ḷoḷaigan inta nongkon kaeng linen moaḷus tatua, sujion takin kaeng wol nobidu, nokamumu bo nopura. Poposuji doman moyotakin in gambar in kerub.

IḶUAIAN 26:30

Posindogdon in Ḷoḷaigan tatua podudui in tomayá inta pinoontong-Ku kon inimu kon tudu in buḷud tanaa.

IḶUAIAN 26:7

Atop in Ḷoḷaigan tatua yo pomiaai kon mopuḷú nopongkó in kaeng nongkon bubuḷ in bembé.

IḶUAIAN 27:21

Ki Harun bo ki adínea mita musti umuran moindoi kon togá tatua nongkon ḷoḷabungnea dapot in doḷo-doḷom kon tampat inta koangoian-Ku, kon ḷuai in kaeng inta noibambé kon tayowon in Poti Dodandian. Parenta tatua in mobaḻí parenta inta mononoi kon intau in Israel bo kon bayongan in buí monia.”

IḶUAIAN 30:36

Tosilai in dupa tatua musti dodokon korumomokon. Diadon intua kon Ḷoḷaigan-Ku bo potabudon intua kon tayowon in Poti Dodandian. Dupa tatua in musti baḻíon barang motusi inta tongá tondíon kon i-Nakó. Dika momia kon dupa inta pakéon monimu potongkai in ná pomomia kon dupa tatua.

IḶUAIAN 35:11

Ḷoḷaigan, atop bo taḷobnea, kokaud bo tombaḷoinea, kayu mita bilabag, oigi in ḷoḻingkop bo aipnea;

IḶUAIAN 36:18

Bodongka pinomia doman in ḻima nopuḷú in kokaud nongkon porunggu sin mopoyotondoḷ in ḻeag doyowa tatua binaḻí atop in Ḷoḷaigan.

IḶUAIAN 40:1

Ki Tuhan noguman kon i Musa,

IḶUAIAN 40:6

Ukatdon in mezbah pototubáan kon kuruban kon tayowon ḷoḻingkop in Ḷoḷaigan.

YEHEZKIEL 40:1

Kon singgai impuḷúnea kon buḷan imitánea, kon taong indoyowa nopuḷú bo ḻima kon pinoḷumbúan kon inami, mopuḷú bo opat notaong naonda in Yerusalem sinaḷow, kawasa i Tuhan in nongawasa kon inakó, bo dinia-Nea in akuoi minayá.

YEHEZKIEL 45:18

Ki Tuhan Inta Totok in moḷantud in noguman kon umat-Nea, “Kon singgai imitánea kon buḷan imitánea doman, moiko in mustibí mopotusi in Baḷoi-Ku takin moposumba in sapi koḷakian batánea tobatú inta diá in bogitnea.

PINOGIAPAN 1:1

Kon singgai imitánea buḷan nogindua kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon bonu in Ḷoḷaigan i Tuhan kon padang gurun Sinai. Kai-Nia,

PINOGIAPAN 7:1

Kon dodai in ki Musa nopaḷutdon noposindog in Ḷoḷaigan i Tuhan, Ḷoḷaigan takin bayongan in touḷutnea sinabisneadon takin nopoḻepo in ḷana upacara kon bayongan intua. Natua doman in pinomomianea kon mezbah bo bayongan in pakakatnea.

PINOGIAPAN 9:1

Kon buḷan imitánea kon taong nogindua naonda in bangusa Israel nonaḷámai kon Mesir, ki Tuhan noguman kon i Musa kon padang gurun Sinai. Guman i Tuhan,

PINOGIAPAN 9:15

Kon singgai in Ḷoḷaigan i Tuhan pinosindog, noikoḷobdon mangoi in goḷom kon Ḷoḷaigan tatua. Kon tungkuḷ in doḷom dapot in doḷo-doḷom goḷom tatua koontongan ná tuḷú.