IḶUAIAN 4:18 - Alkitab Singog In Mongondow Masa In Tanaa

¹⁸ Nopaḷut mako kon tua ki Musa nobui kon baḷoi i Yitro, ki nunutonnea, bo noguman kon inia, “Ogoiaipa akuoi in wakutu mobui kon Mesir sin mayá moindoi kon i utatku mita bo moindoi doman mongo nongobiagpa in mosia.” Ki Yitro in noguman kon i Musa, “Bayádon takin pia-pia mako.”

IḶUAIAN 4:18 ပူးပေါင်းရင်းမြစ်များ

KINOBAḺIAN 45:3

Ki Yusup in noguman kon i utatnea mita, “Akuoi naa in ki Yusupbí. Nobiagpa in ki papa?” Nokoontongmai kon natua in ki utatnea mita noondokdon totok, dapot in mosia diádon nokotubag.

DATU MITA 2 5:10

Ki Elisa in nopotabá kon bobantungnea sin moguman nanaa kon i Naaman, “Bayádon Tuang poinggú bo dumoḷop kopitu kon Ongkag in Yordan, dá totu-totuubí kon mopia in ki Tuang.”

DATU MITA 2 5:19

Guman i Elisa, “Bayádon takin saḷamat.” Bo minayádon in ki Naaman. Diá noonggot naonda in ki Naaman nobuat,

IḶUAIAN 2:21

Ki Musa noibog nogutun kon tua. Onda intua ki Yitro nopotonibuḷoi kon i Musa takin ki adínea inta tangoinea ki Zipora.

IḶUAIAN 3:1

Kon dodai intua ki Musa noḷukadmai kon domba bo bembé mita i Yitro, ki nunutonnea, inta imang kon butá in Midian. Kon dodai in sia koyogot nodia kon bobiagon mita tatua minayá kon ḻimako in padang gurun, nodapotdon in sia kon Buḷud in Sinai, buḷud inta motusi.

LUKAS 7:50

Ki Yesus in bui noguman kon bobay tatua, nanaa, “Pirisayamu ain nokosaḷamat kon inimu. Bayádon iko takin saḷamat!”

OUMAN IN RASUL MITA 15:36

Diá noonggot bo noguman in ki Paulus kon i Barnabas, “Igai bá mayá in kitada mokipodungkuḷ kon bayongan in utat mita inta mopirisaya kon i Yesus Kristus kon kotá-kotáannea. Kon kotá mita inta aindon nokoimontan in binayáan naton; sinbá kotaauan naton in kaadaan monia.”

OUMAN IN RASUL MITA 16:36

Dá pinoyaputdon itoi in ponjara tatua kon i Paulus in parenta tatua, kainia, “Tuang, intau mita moḷoben kon Rum aindon nobogoi in parenta kon tai tuang in buḻiandon. Dá motaau bidon mobui in tanaa mako. Bayádon bo mokopopiadon kon daḷan!”

TIMOTIUS 1 6:1

Intau mita in Keresten inta nobaḻídon ata in mustibí tantú mohoromat kon i tuangnea, sinbá tangoi i Allah bo inta sinundú i Allah kon i naton in diá singkuḻeon intau.

HAKIM MITA 18:6

Tubag in imang tatua, “Dika moḻi-ḻiaw in gina. Kino ibog bidon i Tuhan in bobayáan monimu tanaa.”

SAMUEL 1 1:17

Bo ki Eli in noguman, “Aka natua yo pobuidon takin saḷamat. Igumon mako ki Allah in Israel mokidongog kon onu in pinoigummu.”