IḶUAIAN 4:14 - Alkitab Singog In Mongondow Masa In Tanaa

¹⁴ Bo ki Tuhan in sinumorúdon kon i Musa bo noguman, “Kinotaauan-Ku kon oyúon in kiutatmu ḷoḷaki tobatú inta ki Harun in tangoinea? Kinotaauan-Ku kon sia tua in mopandoibí mosingog. Sia tua in niondon tayo-tayow mangoi mopoangoi in naa, bo mopiabí in ginanea moyodungkuḷmu.

IḶUAIAN 4:14 ပူးပေါင်းရင်းမြစ်များ

SAMUEL 2 6:7

Bo kon dodaipa doman tatua ki Tuhan sinumorú kon i Uza, sin aidnea tatua in mopoompábímai kon i Tuhan. Iḻimod-Nea in ki Uza kon tampat tatua, kon diug in Poti Dodandian.

DATU MITA IMITÁNEA 11:9

Koduadon in ki Tuhan, Allah in Israel in nokipogontong kon i Salomo bo noponorop kon inia kon sia in diábí motaau in mosumba kon ilah mita ibanea, tongá ki Salomo in doíbí dinumudui kon i Tuhan. Noiyaputbí in nonoḻikudon in sia kon i Tuhan, dá sinumorúdon in ki Tuhan kon inia.

TAWARIKH 1 21:7

Kinodoíbí i Allah in pinogiapan tatua bo ihukum-Nea in intau in Israel.

MAZMUR 105:26

Bo pinotabá-Nea in ki Musa mogogundoi-Nea bo ki Harun intau piniḻí-Nea.

IḶUAIAN 4:13

Táe ki Musa in notubag, “Akuoi in mopoigum, dikadon mopotabá kon inakó mayá, kaasí Tuhan, potabádon in intau ibanea.”

IḶUAIAN 4:17

Diadon in tungkud tatua, iko in mogaidbí kon onu mita inta mokoherang takin mopomaké in tungkud tatua.”

IḶUAIAN 4:27

Kon dodai intua ki Tuhan noguman kon i Harun, “Bayádon kon padang gurun mokipodungkuḷ kon i Musa.” Ki Harun minayá, bo noyodungkuḷ i ai-ainea kon buḷud motusi, bo inayokannea in ki Musa.

PINOGIAPAN 12:2

Mosia in nosingog, “Eta tongá ki Musa in popotaauan i Tuhan kon tosingogon-Nea? Ki Tuhan in mosingogbí doman kon i naton?” Dinongog i Tuhan in tosingogon monia tua.

OUMAN IN RASUL MITA 15:28

Sin naabí inta kinoibog in Roho i Allah – bo mopia doman in gina nami – sinbá moiko in diá pokiaidan in oaidan inta moboga-bogat nongkon oaidan mita tanaa:

KORINTUS 2 2:13

Táe mogagawang totok in ginaku sin diápa noyodungkuḷ i utat naton ki Titus in akuoi. Tuamai akuoi nogumandon kon intau mita kon tua bo akuoi nopobayádon in Makedonia.

PILIPI 2:21

Sin ibanea mako in tongábí morai kon kopontingan monia tontaní, deemanbí morai kon kopontingan i Kristus Yesus.

YOSUA 24:5

Onda intua Akuoi nopotabá kon i Musa bo kon i Harun, bo nopoḷabú in bodito moḷoben kon butá in Mesir, bo pinoḷuai-Ku in moiko nongkon tua.

SAMUEL 1 12:8

Kon dodai in ki Yakub bo motoḷuadínea namangoi in Mesir, bo intau in Mesir nopororiga kon i monia, mogoguyangmu in nopoigum in totuḷung kon i Tuhan, bo ki Tuhan in nopotabá kon i Musa bo kon i Harun. Taya dua tua in nodia kon mogoguyang monimu iḻumuai nongkon Mesir bo notuḷung kon i monia nogutun notantú kon butá tanaa.

SAMUEL 1 2:27

Kon singgai tobatú namangoidon in nabi tobatú kon i Eli bo nopotaau in koyow nongkon i Tuhan kon inia, kai-Nia, “Kon tungkuḷ in mogoguyangmu ki Harun bo motoḷuadínea nobaḻí ata i datu in Mesir, nokipogontongdon in Akuoi kon i Harun.