IḶUAIAN 4:12 - Alkitab Singog In Mongondow Masa In Tanaa

¹² Tanaa mako, bayádon, Akuoi in motuḷung kon inimu mosingog bo motundú kon onu inta musti pogumanmu.”

IḶUAIAN 4:12 ပူးပေါင်းရင်းမြစ်များ

MAZMUR 105:26

Bo pinotabá-Nea in ki Musa mogogundoi-Nea bo ki Harun intau piniḻí-Nea.

MAZMUR 143:10

Tundúdon in akuoi mogaid kon onu in kinoibog-Mu, sin Ikobí in ki Allahku. Iko in mopia in gina, bo modia kon inakó mayá mongindaḷan notondodai.

MAZMUR 32:9

Dika naonda bo kabaḷo inta diá in raian, inta musti diaan in sabarak bo tontogot sinbá dumudui.”

IḶUAIAN 3:12

Ki Allah in notubag, “Akuoi in motuḷungbí kon inimu. Bo aka bangusa tatua diaanmudon ḷumuai nongkon Mesir, yo moiko in mosumbadon kon i-Nakó kon buḷud tanaa. Tuadon in mobaḻí tanda kon Akuoibí in nopotabá kon inimu.”

IḶUAIAN 4:13

Táe ki Musa in notubag, “Akuoi in mopoigum, dikadon mopotabá kon inakó mayá, kaasí Tuhan, potabádon in intau ibanea.”

IḶUAIAN 4:15

Pongongumandon takinnea bo potaaudon kon inia onu inta musti singogonnea. Akuoi in motuḷungbí kon i namunda bo motundú kon onu in musti singogon bo aidan.

IḶUAIAN 4:16

Sia in mustibí mosingog podoyon kon tangoimu kon tayowon in umat. Sia in mobaḻí tondoḷ in bibigmu bo iko inanggapnea naonda bo ki Allah inta moguman kon onu inta musti singogonnea.

YESAYA 49:2

Binaḻí-Nea in tosingogonku mita ná koḷanit in pitow, ḻima-Nea tontaní in pinoḷukad-Nea kon inakó. Binaḻí-Nea in akuoi naonda bo piot inta inatá, bo sinagúnea kon bonu in potoḷónea sinbá kosadi-sadiadon pakéon.

YESAYA 50:4

Ki Tuhan Inta Totok in moḷantud in notundú kon inakó nosingog, sinbá tosingogonku in mokoropot kon intau inta noḷungkoyó. Pomuḷoi in doḷo-doḷom pomuká-Nea in ibog in ginaku sin mokidongog kon totundú-Nea kon inakó.

YEREMIA 1:9

Onda intua ki Tuhan nopotuntun in ḻima-Nea, bo noḻiai kon bibigku bo noguman, “Indongogai bo potaaudon in singog mita inta potaau-Ku naa.

PINOGIAPAN 16:28

Bo ki Musa noguman, “Tanaa in kotaauandon monimu kon ki Tuhan ain nopotabá kon inakó sin mogaid kon tanaa komintan bo tua in deemanbí ibogku tontaní.

MARKUS 13:11

Bo aka domokon bo diaan in moiko kon pongadilan, yo dikabí mohawatir kon soaḷ onu in musti singogon monimu. Aka wakutudon monimu mosingog, yo singogdon onu in poporoho kon i monimu kon wakutu intua. Sin deemanbí moiko in mosingog, táe Rohobí i Allah.

LUKAS 11:1

Kon singgai tobatú ki Yesus in nosambayang kon tobatú tampat. Naonda in Sia nopaḷutdon nosambayang, murí-Nea tobatú noguman, “Tuhan, tundúpa in kami mosambayang, ná ki Yohanes notundú kon dumoduduinea mita.”

YOHANES 14:26

Táe Roho i Allah, Mototuḷung inta bain potabá i Amá podoyon kon tangoi-Ku. Siadon tua in motundú kon i monimu kon bayongan rupa-rupa bo moponorop bui kon i monimu kon bayongan inta ain pinotaau-Ku kon i monimu.

EPESUS 6:19

Bo sambayangai doman in akuoi, sinbá wakutu in akuoi mosingog ogoian i Allah in singog mita inta moitutui, bo bá mobarani totok in akuoi mopotaau in onu inta noibunipa kon Habar Mopia tua.

ULANGAN 18:18

Nongkon bangusa monia tontaní Akuoi mopotabá mangoi kon i monia in nabi tobatú ná iko. Akuoi in mopotaaubí kon inia onu in musti singogonnea, bo sia in mopotaaubí kon bangusa tatua in bayongan inta pinarenta-Ku.