IḶUAIAN 4:10 - Alkitab Singog In Mongondow Masa In Tanaa

¹⁰ Táe ki Musa in noguman, “O, Tuhan, akuoi naa intaubí inta diá motoḻindat in mosingog, koḻipod ande masai naa, naonda in ki Tuhan nosingog kon inakó. Mobogat in diláku, moḷaḷoi bo diá motoḻindat.”

IḶUAIAN 4:10 ပူးပေါင်းရင်းမြစ်များ

IḶUAIAN 3:11

Táe ki Musa in noguman kon i Allah, “Ki inebí in akuoi naa, dapot in mokosanggup mayá tumayow kon i datu bo modia kon intau Israel ḷumuai nongkon Mesir?”

IḶUAIAN 4:1

Bo ki Musa in noguman bui kon i Tuhan, “Táe naonda aka kuma bo intau mita in Israel doí mopirisaya bo diá doman mopandungmai kon tosingogonku mita? Onu in aidanku aka kuma bo mosia in moguman kon ki Tuhan in diábí nokipogontong kon inakó?”

IḶUAIAN 6:12

Natuata in pinopopotabá i Tuhan kon i Musa bo kon i Harun sin mopotaau kon bangusa Israel bo kon i datu in Mesir kon mosia in pinotabábí i Tuhan modia kon intau in Israel ḷumuai nongkon butá in Mesir.

YEREMIA 1:6

Akuoi in notubag, “O Tuhan Inta Totok in moḷantud, akuoi in diábí mopandoi mosingog sin akuoi in noiḻiupa in guod.”

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

OUMAN IN RASUL MITA 7:22

Bayongan in pongotahuan in bangusa Mesir nodait sinundú kon inia, sahingga in sia nobaḻí intau inta totok mokawasa kon soaḷ pososingog bo oaidnea.

KORINTUS 2 10:10

Sin oyúon intau noguman nanaa, “Bonu in surat mita i Paulus tua in motogat bo mokobangkaḷ, táe aka siadon tontaní in kon yua-yuak naton, yo moyangkodon in sia bo singognea mita tua in diádon in mangaḻenea!”

KORINTUS 2 11:6

Degá diá basí motaau mosingog in akuoi, táe aka tongá pororai, yo akuoi in motaaubí doman. Bo tua in ain bidon nodait inontong monimu.